مسااااااااااااااااااااء الخير
مجهولهـ بخير دامك بخير
عسى ربي يشفي ولدك ولايحتاج للمستشفى ابدا
وربي يخليلك ابوك ولا يحرمك منه
انا اليوم غسلت الملابس ورتبت البيت طبعا بمساعده اولادي ربي يحفظهم
طبعا غدانا اليوم مطازيز عيالي يحبونها وغسيل الاواني على بنتي
والحين العصر بخرت البيت ومسويه كاس شاي وجالسه على النت ولله الحمد
وعوافــــــــــــــي

ماشاء الله لاقوة إلا بالله

شميت نظافة ودخلت سيييييدة

الله يعطيكم العافية

وربي يبارك لنا في أعمارنا وأعمالنا وأوقاتنا

أختي مجهولة

ربي يشفي ولدك آمين ومايحتاج إلى مستشفيات

وربي يقر به عينك أنت وأبوه يارب ويارب تشوفيه إمام مسجد آمين

السلام عليكم

ان شاء الله ما اكون تأخرت

تقبلوني في قائمة الحريم السنعات؟؟

بصراحه انا مره كسلانه وابي من يشجعني

دايما انظف نص البيت واخلي النص الباقي

انا عندي ولد واحد عمره سنه وسبع شهور الله يخليه لي يااارب ولي متزوجه 3 سنوات الى الآن ماني قادره ارتب وقتي والله يا بنات احيانا أيأس من النظافه لأني احس كل ما نظفت البيت وصار يلمع اليوم الثاني كله يتكركب

اقولكم مشاكلي يمكن تساعدوني

اولا مشكلة الملابس دولابي متكركب والملابس ملخبطه وكثيره مادري متى باتخلص من اللي ما ابيه:16:

ثانيا الغسيل مررره يتعبني ويكسر ظهري لأنو مافي مويه توصل للغساله على طول لازم اعبي الطشت الكبير مويه وبعدين اشيله واكبه في الغساله وهذي الحركه تتعبني في ظهري وانا اصلا تعبانه من ظهري من يوم ولدت ولدي عشان كذا غسيل الملابس دايما يتراكم عندي..... والكوي بعد يجيب لي الحر واتعب وانا واقفه على رجلي عشان كذا يتراكم:06:


ثالثا السيراميك مره يتعبني في تنظيفه افكر افرش البيت كله واش رايكم؟؟؟ بعدين ارجولي صارت تعورني واتوقع انو من السيراميك لأني امشي عليه حافية القدمين:D

رابعا... ولدي الله يهديه اذا كان صاحي مستحيل يخليني انظف شي متعلق فيني على طوووول وما يبيني اتحرك من جنبه اذا قمت قام ورايه وجلس يلخبط كل شي

خامسا>>>يا كثر مشاكلك خخخخخ>>> النووووووم مسيطر علي بشكل مو طبيعي دايما اقول اول ما ينام ولدي بقوم انظف واذا جيت انومه انام معاه :35:

واذا صحيت اقوم مصدعه ومالي خلق شي.....

بنات ساعدوني والله مليت من حياتي كذا نفسي تترتب ويصير لي نظام خاص امشي عليه بس كل ما حطيت نظام امشي عليه يومين وبعدين اكسل واخرب كل شي:06:

مجهوله الله يخليلك ولدك يااارب ويشافيه ويحفظه لك وتشوفينه عريس


دبه سمينه بريالين نظامك اعجبني مرررره بس مشكلتي ولدي ماله نظام معين في النوم يعني يصحى وقت مايبي وينام وقت ما يبي عشان كذا ما اقدر التزم في المواعيد:time:

اختي الغالية الجوهرة هناااااااااااااااااااااا وعافية يارب

ربي يحفظ لج العيال يا رب وتسلمين على دعواتج

--------------------------------

خيتي ام راكان مشكورة على دعوتج وربي يسمع منج

تسلمين على المرور وان شاء الله تكونين معانا دوم

-------------------------------

خيتي ذوق وحلااا .. افااااا عليج خلج ويانا وراح تتظبط امورج ان شاء الله

بالنسبة لملابسج .. اختاري يوم او يومين وتخلصي من كل شي ما تحتاجينه اللي يصلح

للصدقة تصدقي فيه واللي ما يصلح تقدرين تقطعينهم وتستفيدين منهم للتنظيف

ابتدي مثلا بالملابس اللي حق البيت وبعدين ملابس الطلعة وبعدين ملابس المناسبات وهكذا

رتبي امورج وكل شي بيتم على اكمل وجه

بالنسبة للغسالة .. الله يكون بعونج يا رب .. بس ما ادري شلون بالضبط صاير الوضع ..

بقول لج اللي عندي وان شاء الله تلقين حل

في انبوب من المطاط جي طوييييييييل احنا نقول له هوز يعني خرطوم ما اعرف شنو ينقال له عندكم

تقدرين تاخذين واحد طويل وتركبينه بصنبور الماي بس وقت الغسل

اتمنى تكون هذي الفكر تنفعج وترتاحين

بالنسبة للسيراميك ما جربته

بس اشوف اخواتي يوميا ينظفونه ويمسحونه بماي مع مطهر

بالنسبة لي احسن من الفرش لانه اضمن للنظافة

وتقدرين تلبسين شبشب بالبيت في اشكال حلوة ونعومة

اما ولدج ما اقدر اقول غير ربي يحفظه ويخليه وان شاء الله بيكبر ويعق وربي يعينج

لان انا ولدي ما يسكت بس اتحرك عنه يبجي ويصارخ باقوى ما عنده

بس انا مسوية له نظام بالنسبة لنومه واحاول اخلص شغلي وهو راقد

حاولي تشغلينه بالعاب تطلع اصوات وفيها حركات مثلا ليتات او اشياء تجذبه

شغلي له سبيس تون او اي قناة اطفال يمكن تنفع معه

اما خامسا .. حاولي تضبطين نومج انتي

انا الصراحة ما اعرف انام بالنهار لان يجيني صداع غير طبيعي

حتى لما ولدت ما عرفت انام بالنهار ابدا

وتدرين للحين ولدي يصحى لي بانصاف الليالي بس بعد الساعة سبع خلاص ما اقدر انام

نظمي نومج وانتي ترتاحين وتكملين شغلج وحاولي ما تسهرين

يعني لما تنوميه بالليل رقدي معاه على طول وبجذي بتصحين قبله وسوي شغلج من الصبح

وسوي لج كوفي او شاي مع حليب واكلي لج ساندويتش يعطيج طاقة

اتمنى يفيدج كلامي وترتاحين

واتمنى انج تدعين لي ربي يعطيني اللي ببالي

وخلج معانا وراح تتنشطين ويصير عندج حماس

الله يخليج ويسلمج على دعواتج الحلوة

بالنسبة لنوم الياهل

صحيه كل يوم الصبح الساعة تسع مثلا ورقديه الظهر ساعتين

اي سؤال انا حاضرة <<<<<< مسوية روحها مهمة

باجر يمكن ما ادخل النت لاني بروح لباباتي