السلام عليكم ورحمة الله وبركاته
بكل بساطه هلا ياقلبي اعذريني والله مااقدر اكمل معاكم الايام الجايه عندي شوية ظروف عشان كذه مادخلت الفتره الي فاتت وهيه انشاءالله كم يوم انشاءالله وارجعلكم

وبالنسبه للمرفقات للمطويه امممممممم حلوه لاكن ملاحظتي على نوعية الخط الي باللون الاسود لو كان غير يمكن طلع افضل

واصوت لموضوع الاعجاب لاني ملاحظته منتشر بالمدرسه بين البنات وغيرهم بشكل كبير اما مطوية الصلاة والحجاب في منها كثير لاكن حلوه فكرة مطوية الاعجاب


والله يوفقكم جميعا يارب

واتمنى من الله للجميع السعاده



اختكم:
وجونه

الغاليات ...بكل بساطة وجن أمون الجنون

حياكم ربي وبياكم


الحقيقة مجهود رائع حرمكم الله عن نيرانه

بالنسبة لمطوية حياتي حلوة من جد حلوة >>>>>>>>تصلح قصيدة خخخ

والقصص اللي فيها مناسبة جدا ولله الحمد الله يعطيكم العافية

بس عندي راي

وش رايكم قصة أنت زيي تكون القصة الثالثة


وأن رأيتم بقائها الأولى فأفضل أن تكون الإستفهامات في نهاية القصة لطيفة أكثر

ولا تقارن

قلبك وينه لربك ..ولا للفنان..
حبك لمين لدينك ..ولا للفنان..
مين أغلى نبيك ولا الفنان..
أنا الفنان ..عندي ماله تعريف ..
أنا الشيطان ..عندي عدو ..أنتي تبغينه حبيب
وتقولين ابي اتونس ..وانا اقول ..
والله السعادة والوناسة كلها ..

مثلا قلبك وينه ..لربك ياترى؟؟

حبك وينه ...في شيء أغلى من دينك؟؟

نبيك مويستاهل حبك الطاهر وتعظيمك وانبهارك

أنا الشيطان عرفت انه عدوي واجتنبته ...هاتي يدينك واهجريه


مجرد أقتراح لاني أخاف يكون الخطاب فيه قسوة فينتج عن ذلك النفور ونحن نريد الجذب

كل الجذب


مارأيكم ياغاليات؟

وأطلعت على مطوية سعادتي بقراقها وإن كنت من رأي الغالية بكل بساطة

أن عنوان(هجرتها فأشرقت حياتي) أكثر تفائل



وكان مجهود رائع وجميل

لكن أحب أن أضع ملاحظاتي ورأيي الشخصي


الأسئلة في جهة الغلاف مباشرة جدا وتقليدية

كنت أفضل لو كانت هل تعلمين لاني ارى فيها طرح جديد ربما انجذبن له



وبالنسبة للوجة الثاني فكتابة القصة اراها محببة لنفس


لكن الا ترون انها في حاجة لزبرقة واطارات عاد المراهقات والزين مايحتاج


يالغاليات هذي وجهة نظري وماترونهوا انتم قد يكون هو الصواب

والله اعلم

حيا الله الغاليات وجن - الف معنى ..

الله يوفقك ياوجن وييسر لك ظروفك عشان ترجعين لنا ((ياداعيتنا الصغيرة ))...ويجزاك خير
وان شاء الله ماتتاخرين ..لأن مجال الدعوة محتاج لتصاميمك الحلوة ياداعيتنا ..


أختي الف معنى والله انك بردتي قلبي يزم رديتي وناقشتي بالمطويات ..

بالنسبة للمطوية الثانية ..أنا زي ماقلت لك كان ودي بهجرتها فأشرقت حياتي..

والخلفية ..أنا اصلا مبطوطة كبدي منها ..وقلت لكم ماهي بعاجبتني ..وكنت استناكم عشان تساعدوني بتغييرها ..بس بالاخير سويت اللي طلع معاي وقلت ماله داعي ااخر المطوية اكثر من كذا ..ولا انا اصلا ودي انها تتضبط اكثر وتصير منعنشة ..ههههه....

وبخصوص هل تعلم ..تصدقين والله اني وانا اكتب المطوية قاعدة اقول ياربي كن فيه شي ناقص ..بس من العجز ماكنت اقرا كل ردود الموضوع ..ونسيت اني كان ودي احط هل تعلم لان من جد لها تاثير ...بس كنت ابي اخلص ...وشفتكم ذيك اليومين ماعاد احد رد ..قلت يمكن شافوني ابطيت بالكتابة وزهقوا ..فحطيت الاشياء اللي كنت متذكرتها وكنت متفقة عليها انا وامون واخرها قصتك اللي ارسلتيها ..ونسيت هل تعلم ...عاد اصلا يوم حطيت القصة صار فيه مكان فاضي ..وكنت اقول حلاته لو احط شي زيادة .. ...بس تدرين بحاول ازيدها بالمطوية وانزلها بمرفق جديد ...

أما بخصوص ..حياتي حلوة ..شوفي ودي ابين لك وجهة نظري ..بما اني كنت اسمع اغاني لما كنت بنت ..

أنا متخيلتهم بنات مراهقات ...كل وحدة تكتب خواطرها ... فلما تجين للاولى وانا تعمدت احطها الاولى لان هذي قيمتها ..وهي القدوة ..هذي الاساس والطريق الصح والباقين حادوا عن الطريق الصح ...

فالبنت تجي تقرا وتشوف احساس البنت الملتزمة ..وتشوف انها ماهي زي ماهي فاكرتها وماخذين اغلب البنات فكرة ان الملتزمة تجي كانها اختهم الكبيرة وتنصحهم وتذبح نفسها عشانهم وهم يتريقون عليها من ورا ظهرها ..وهذا على فكرة واقع انا كنت اشوفه ..


حبيت ابين للبنات اول شي ..ان على فكرة الملتزمة شايفة نفسها فوق فوق مرة ..ودلع وتحب نفسها ..وانها يمكن توصل لحد الثقة العالية بالنفس ...وبالعكس تشوفكم انتوا المساكين ..

وان الملتزمة حتى لو خاطبتكم باللين وارجاء ...تراها ماهي ضعيفة ..بالعكس وااااجد واثقة بنفسها وتدلع نفسها ...


يعني عشان البنت لما تشيل من راسها انها لما بتلتزم بتصير ماعاد تدلع ..وماغير بس تفكربالناس وتنسى نفسها ...عاااااااد المراهقات اهم شي عندهم بها السن انفسهم ..يحبون نفسهم مرررة ..

فبتطمن البنت ان الالتزام ...مايتعارض مع الثقة بالنفس وحب النفس وتدليييييع النفس ..لانهم يموتون بالدلع والتدلع ...يعني اللي تخاف ان الالتزام يشينها او يخليها كانها كبيرة او زي مايقولون معقدة ..اتطمنوا ترا الملتزمة هي اللي تشوف نفسها عليكم ,,مش انتوا ...((بس من غير غرور ولا عجب بالنفس فقط ثقة بنعمة الهداية اللي انعم بها الله عليها وانها بهداية الله لها افضل منهم ))...هي صحيح قسوة ..لكن متعمدة ...يعني دقة على الخفيف ..

اصحوا على نفسكم ...الثقة بالنفس عندها ماهو بعندكم ...
وصدقيني احس بعض الاحيان يجذب هاالاسلوب ..مثل البزر اللي تترجينه اكل اكل ..ويصير بداخله يتريق عليك وتعود انك دايما تترجينه ومايهتم فيك ..ولما تجينه يوم وتطنشينه وتقوليله ..كيفك تبي تاكل اكل ماتبي انت حر ..صدقيني بينقهر من الداخل وبينشد لك وبيقول هذي وش فيها ماتترجاني ..انا ابغى البنات الدلوعات اللي دايما نعطيهم مطويات ويكبونها ..
ونسويلهم محاضرات ويتطنزون عليها ...واذا نصحتهم بنت تتريقوا عليها وقالوا معقدة ..

ابيهم هم ..اللي يعرفون من هي الملتزمة ومن هم ...

فاذا انا بدلت الخطاب ...الى مثل ماقلتي

حبك وينه ..لربك ياترى ..؟؟

احس فيها لطافة ,,وكانها تستدعي وتستجدي محبتها لله ...وانا ابيها تستحي من نفسها
مش نسجدي حبها لله....وصدقيني بناتنا هاالايام قويات يبغالهم شوية احراجات وتعوير قلب عشان يصحون ...


بس مش تخويف وتذكير بالموت وعذاب القبر ...ونصكها بوجههم مرة وحدة ..لأ

نفشلهم من اللي هم يسوونه ..بمقارنتهم بها البنت الدلوعة اللي كل شوي تقولهم وتحرهم ..أنتي زيي...؟؟

وصدقيني دايما البنات يعجبون بالمعلمة او اي وحدة تنغر عليهم وماتعطيهم وجه او اللي يحسون انها واثقة بنفسها ..وماهمهم حتى لو مغرورة ...

أما الحليوة اللي تراجاهم ...يحسبونها ضعيفة ..ومايعطونها كرت ..فخليهم يغيرون نظرتهم هذي ..

ونكلمهم بلغتهم وننزل نفسنا شوي لمستوى تفكيرهم ونظرتهم وحكمهم على الناس ..لانهم يحكمون بالمظاهر ...طالما ماتجاوزنا الحد وماخليناها مغرورة او عندها كبر ..

مجرد ثقة بالنفس ....ايش اللي يضايقكم منها يعني ...محترين من ثقتها بنفسها ..وش حادكم صيروا زيها ...هههههههه.



المهم طولت الهذرة ....بس شرايك فيني ....مكااااااارة صح ...والله ان هاالبنات يبيلهم شوية

كيد ومكر ...هههههههههه.....شكل البنات بيكرهوني بعد مايقرون كلامي ...ههه

خخخخخخخخخخخخخخخخ

تبرير جميل


العزة لله ولرسوله وللمؤمنين