تسلملي ضحكتك الف معنى ..فعلا العزة لله والرسوله والمؤمنون...


طيب اللحين وش هي الخطوة الثانية ..أحس ريحنا شوي نبي نرجع للشغل عااد ..لأن الصراحة احساس لذيذ العمل بشئ تحتسبين فيه الاجر بكل كلمة ..والله كريم يضاعف لمن يشاء ..



بالنسبة لموضوع الاعجاب ..مدري انا ماكنت حاطته ببالي ...بس تقول وجن انه مرررة منتشر ومافيه عنه شئ ...


بس المشكلة وشهي المقالات او الكلام اللي بنحطه ...لان موضوع الاغاني طلعت الكلام من قلبي لاني كنت اسمع اغاني وبعدين عرفت لذة الالتزام ...بس ذا الاعجاب ماني عارفة وشلون ينوصف او وش الكلام اللي ياثر بالبنت او كيف تفكير المعجبات ....

ياليت اللي يعرفون او عندهم مقالات او خواطر يساعدونا ....


أو


أننا نختار موضوع ثاني ... مثل ...


1-هدفك من حياتك _ معنى حياتك ( لأن البنت لو تعرف طريقها صح وتحب ربها وتخاف منه صح راح تكره كل طريق اعوج او سلوك خاطئ مثل الاغاني او الاعجاب او غيره )
يعني نسوي شئ يزيد او يقوي علاقة البنت بربها ويحسسها باهميتها وانها مش مهمشة ولها دور ..ونثير فيها حبها لرسولها صلوات الله عليه وتسليمه..


2- الصلاة عمود الدين ...صح فيه مطويات كثيرة عنها بس انا ودي بوحدة باسلوب جديد مثل حقت الاغاني ..يعني نتكلم عن الصلاة باسلوبهم ونشدهم لها ونعور قلوبهم على تقصيرهم

برضوا باسلوبهم ...لأن برايي الصلاة اهم شي لو تصلح بتمنع اشياء كثيرة ((ان الصلاة تنهى عن الفحشاء والمنكر))

3- الانترنت ....عندي كلمة وحدة بس ...بلاااااااااء عظييييييييم ..أن اسئ استخدامه والغالبية تفعل ذلك من شبابنا وللاسف الا من رحم ربي واتمنى انهم كثر ..



يلا وش قلتوا نختار الاعجاب ...ولا نغيره ..

استنى ردودكم ...ونبغى اصوات جديدة من عضوات جديدات نبغى التفاعل يزيد ..


مين يكره انه تنطبق عليه الاية الكريمة ..((وتعاونوا على البر والتقوى ولا تعاونوا على الاثم والعدوان ))...ماتبغون تجون يوم القيامة وتجي همتكم اللي شحنتوها ضد وحش الفساد تجي وتشفعلكم ....يااااارب تحقق لنا هاالامنية ياااارب...آآآآآمييين



...((ولان يهدي الله بك رجلا واحدا خيرا لك من حمر النعم ))...


والله الجنة حلوة ..وحلم غاااالي غاااالي ...الله يجمعنا فيها وكل المسلمين ..


آآآآآميييين..

عند فكرة يالغالية

وش رايك أي نشرة تنتهي


نطرحها في موضوع مستمر نقول أطبع وأنشر طلبا للثواب

سبحان الله يوم كتبت الاقتراح

الا وشوف الرابط اللي انت حاطته


القلوب عند بعض



يعطيك ربي جنانه

موضوع رائع بحق
بارك الله فيك يا كل البساطه
على هذه البادره المهمه

ومن هذا المنبر
أحب أن أحيي و أشكر من صميم قلبي
فئة من المدرسات والادرايات ...

فكم نعلم مالهؤلاء المدرسات من أثر عظيم على طالباتهن خصوصا أذا أحببنهن

لا أحملهن المسؤوليه بقدر والله ما أشجعهن على احتواء هذه الفئة التي تحب أن تسمع من الخارج أكثر من الداخل

لي عودة بأذن الله اذا لم أنسى

فجزاك الله خير يا أخيتي

ألف معنى ..صح كلامك القلوب عند بعض يالغالية..الله يجمعنا بجناته مثل مااجتمعنا على طاعته ..اللهم آآآميين ..




هلا وغلا ...بالمشرفة الغالية على قلوبنا lawsi...

معاك حق بكلامك على المدرسات ...لان غالبا المراهق يبحث عن قدوة له يقلدها خارج اطار الوالدين ..حتى ولو كانوا اهل للثقة للاسف...وبالنسبة للفتيات فان اول من يقابلنه خارج نطاق الوالدين هو مجتمع المدرسة ...فتخيلي لو كان وضع المنزل قائما على قدوتين صالحتين هما الاب والام ..ويذهب الابناء بعد خروجهم الى حضن اخر يحتويهم كل يوم يحوي اصنافا من النماذج الصالحة التي تحيط ابنائنا وبناتنا ...فكيف سيكون الحال ...؟؟؟


يا الله ..ليتنا نعود لمثل هذا الوضع ...وبعدها لنرى كيف سيخسأ وحش الفساد الضاري عن همم شبابنا ويتوارى ...

أدعوا الله يخليكم ..يرفع هممنا وينجينا وابنائنا من الرذيلة وأهلها ..اللهم آآآميين ..




المهم انا جالسة انتظر ..ومافيه احد صوت على الموضوع اللي بنبدا فيه ..وش عندكم ..؟؟