الله يجزاك خير يختي لي عووده بس اقول يعني في اسلوب حلو استخدمه مع اخواتي الصغار



اذا شفت وحده تزعج امسكها على جنب واقولها روحي سكتيه يعني حراميها يصير حاميها


لماتحسسين الطفل انك واثقه منه يتفاعل معك ويصدق انك تعتبرينه بهالمكان او يحاول الوصول اليه


الزبده ان الطويات ينشرها الاطفال بالسوق وغيره الكبار مايقدرون يفشلون الصغير


بالعكس ياخذون منه اكثر مننا والدليل كثير يهتدون بسبب الصغار

مشكورة أختي عاشقة الجنان على تجاوبك ...ونستنى مشاركتك ,,,

الله يجزاك الجنة ..آآآآميين

الله يكتب لنا التوفيق والسداد والعون فيما يحب ويرضى وأن يجعل عملنا خالصا لوجهه الكريم..


ومشكورة عزيزتي.. ماتوقعت تعجبك
والفكرة الثانية راح ألخصها ..بس ردي علي

هذي قصتي ...


هذي قصتي ابي الكل يسمعها ..وبأعلى صوتي بقولها ..

أنا بنية مثلك ياللي انتي قاعدة تقرين كلامي ..

أنا بنية مثلك ..بس شوفي وش صار معي ..لأنه يمكن صارلك او يصير لغيرك ..

عندي أم ..وعندي أب ...أحلى وأغلى أثنين بقلبي ..

الدلال كله معاهم ...والسعادة ..آآآآه ...وآآآآه ..يامحلى السعادة وياهم ..بس لولا ..؟؟

لولا المشاكل وازعل ..

لولا الصراخ والتناقش والغضب ؟؟؟

لولا بكي امي ..وصراخ ابوي ...

لولا خوفي وخوف أخواني ..ودموع تسيل ..مني ..ومنهم ..

وش أسوي ..وش بيديني.. ...؟؟

أي نعم انا بنية ...بعدني بعمري صبية ..بس هذي أمي ..وهذا..أبوي ..وهذا قلبي ذاب من هالهم اللي فيني .. ... ,,,

مشيت لغرفتي ..ودورت ..جلست ادور ..وينك فيه ..يالمسجل ..تنسيني ..وتلهيني ..

بعالم الحلوين تاخذني ..بأصواتهم العذبة تبحر بي...

أبي أسمع ..أبي أطرب ..أبي أرقص وأستانس ..بعدني بنية ..بعدني صغيرة صبية ..

وصوت أمي وصوت أبوي يزعجني ..علي صوتك يالمطرب ..لهيني ..

ماأبي أسمع تناقشكم ..ماأبي أشوف تذابحكم ..

تعال ياعالم الأحلام ..خذني .. .... ..الى وين ..؟؟

وشلون الى وين ..؟؟... لعالمهم ..للي اشوفه يسوونه ببرامجهم ..أنا أحبهم ..هم نجومي ..أضوي ليلي بنجومي .. ...

وبعدين ...؟؟

وش وبعدين ..؟؟

بعد ماتخلص الرحلة .. .. بعد مايسكت المطرب ..وش تصيرين ..

أصير بنية ..صبية .. ... طربت نفسها شوية ..

وربك يابنية ...نسيتيه ...؟؟

طرب هالماجن ..برايك يرضيه ...

هالمطرب ..هالفنان ..هالنجم ..وهالشاعر ..مايعصيه ...

تحبين العاصي ..تودين الغاوي ...تنورين ظلام الليل بشرارة تغضبين بها ربك وتسمينه نجمة ليل ..

صوت امك وصراخ ابوك ..برايك من ينهيه ..

من غيره ..ربك ..ينجيك ..
من غيره ربك ...يسليك ..عن هموم ..تقاوت عليك ..وليل اسود ..عنك يجليه ..

من غيره ..يحفظلك ..نور عيونك ..جمالك ..لمعة شعرك وقلبك ..فرحة عمرك وأملك ..

من غيره الرزاق ..ام وأب يسخرلك ..وحرم غيرك ..
من غيره الوهاب ..جسم صاحي متعافي ..يتمايل على أصوات تتحايل ..ولطهر البنت تتطاول..

وتبينه فوق كل هذا ينجيك ..

فوق كل هذا ..تبين الخير والصحة ..تبين الدلع والنعمة ..تبين ..وتبين ..وتبين ..

قوليلي كيف ؟؟....الله يخليك ..



وشكر خاص للغالية أموون لأني استوحيت الفكرة من القصة اللي عطتني اياها ..

هذي طبعا للمراهقات الكبار شوي اللي ينجذبون لهاالأسلوب ..

ولي رجعة ..أن شاء الله لمواضيع الأخةات اللي أشرت اليها سابقا ..

أنتظر مساعداتكم وتعاونكم ..لحد اللحين مااتفقنا على شي معين ..

ياجماعة الخير حتى ولو اقل شي نضبط مواضيع ولو كل وحدة تطبع وتوزع على اللي تبي ..من المراهقين ..
وعلى فكرة ياأمووون تلراني استنى الفكرة الثانية ..يلا شدي الهمة

والباقين وين رحتوا ..طفوووشة _وطن ..قلتوا بترجعون وييييينكم ..

عزيزتي بكل بساطة

بالنسبة للموضوع الثاني لما نقحته طلع ولا شي..
بس الفكرة لسه موجودة وأنا قاعدة أدور في كل مكان حتى بعض الكتب القديمة بس للأسف الأسلوب مو مناسب لفئة المراهقين..

إن شاء الله راح ألاقي المناسب .. بس لا تستعجلين علي

وشوفي ذي الصور ممكن نستفيد منها كخلفيات للمطوية ..
وعلى فكرة عنديأحلى بس مو راضية تتحمل << كل شي مو راضي