السلام عليكم
انا معكم وضدكم لإقتناعي ان كل بيت له ظروف والعافية تختلف من وحده لاخرى حتى الازواج واحد بيشجع ويمشي الامور وآخر بيدقق على كل شئ انا ربيت اولادي وبيتي كبير سنين بدونهم بس لما كبروا وكبر البيت والاولاد اللي كانوا صغار يساعدوني لما كبروا صار عيب شباب يساعدون امهم اضطريت اجيب لا تنسون احنا نربي عرب والثقافة لها دور وكون بعض البيوت مفتوحة دائما عزايم غير اللي كل كم شهر يجيها ضيوف وبعدين احنا في زمن الله المستعان يجي ابن الحلال وهو شايف الف شوفه في الشارع ما يبي يجي الا والمدام رايقه ومرتبه وكوووووووووول وانتو عارفين اللي تكرف طول اليوم صعبه تصير كذا لكن للا مانه اخواتي اللي بيتها ملموم واولادها عددهم شوي وبيتها مش مفتوح دايم لا والله ما القى لها عذر الا اذا الصحة لكي عليها الله يعافينا ويعافي كل اخواتنا بس اهم شي الحرص ثم الحرص لان مشكله الكل ان الاغلبيه لما تجيب شغالة تمسكها كل شي وهذا اللي يجيب المشاكل سددوا وقاربوا

معليش ما دريت بحملتكم انقطعت عن النت كان عندي ضيوف

انا معكم وبحط الشعار في توقيعي

جزاكم الله خير

حملتكم هاذي جات على الجرح

انا لي سنه ماعندي شغاله

وأحس اني تعبت :(

مليت وانا كل تفكيري وش ارتب ووش انظف اليوم

اصحى شايله هم ترتيب البيت والغداء

نخلص ابدى بالمطبخ

العصر تخلص الطاقه ويبدى التسدح والتململ

يجي المغرب نرجع ثانيه للكرف غسيل وتجهيز ملابس وعشى

ماتجي 11 الا انا دايخه للفراش مباشره

الجسم خربان والشعر حدث ولاحرج تروش سريع

ولا الرجول متشطبه والخلطات نسيتها من سنه

ولاااااا الشعر الحنا نسيناه ولا زيوت ولاشي

مااقدر اعتني بنفسي مع أطفال وبيت

وبعدين كثر الشغل بالبيت يلهيني عن عيالي

ولدي كل دفتره لم يحضر كتاب القراءه

لم يحل الواجب

لأني ابدى اتابعه وانسى اكمل له

يالله يمديني احفظة جزء القران اللي ماخذينه

يعني بأختصار الحياة كذا تعب تعب

وأفكر جديا بخادمه الحين وحملتكم تبي تحبطني:(

يعني بالمختصر بين نارين

انا بعد معاكم واوافقكم بشده
ضرهم اكثر من نفعهم وماوراهم الا البلاوي وعوار القلب
مع اني موظفه بدوام كامل وعندي بيبي
بس لا والف لا للخدم
الله يقدرنا على بيوتنا ولا يحوجنا لهم يوم

اعذروني متحمسه مره وترى ماقريت كل الردود

ان شاء الله اقرائها على رواق

بس بقول الي عندي وتجربتي


انا معلمه وحظي مو كويس بالشغالات

جبت سريلانكيه وكانت تخوف ولدي

وجبت اندنوسيه وكانت الهانم تروح الصبح للباكستاني الي في البقاله والله العالم وش تسوي عنده ويبخششها بسفن اب وبساكيت حسبي الله عليها ونعم الوكيل

المهم شريت لي غسالة صحون وساعدتني شوي لكن الغسيل والكوي وتنظيف البيت والعيال

وعيالي وين احطهم اذا رحت الدوام ( كنهم كانوا بحال امان مع الشغالات !!! )

رحت لحضانه ياخذون على الطفل 300 بالشهر ووالله انهم كويسات

شفتهم سعوديات ويقرون من كتاب حصن المسلم لكن الي عندهم رضع وانا طفلتي عمرها سنتين ومي ساكته عندهم

نفسي انه تنتشر فكره الحضانه اكثر عشان تتطور اكثر والناس يلجاؤن لها ويتركون الشغالات

وايضا نفسي تنتشر عندنا محلات الكوي زي مصر واكوي تنانيري وبلايزي ( عارفه المغاسل تكوي وارسل ثياب زوجي بعد مااغسلهم بس ماقد ارسلت لنفسي شئ )