اخواتي اناتركت الشغاله لي سبعة اشهر والله يابنات من انا سنه رابع وحنا الشغالات ببيتنا ولله الحمد الان لي من العمر اربعين ولي سته من الابناء ولله الحمد وشقتي وسط تعتبر وطبعا انا متخرجه من الجامعه لكن مادورت على الوظيفه لعيون وخاطر عيالي من كثر مااشوف من مصايب الشغالات طبعا كان عندي بس ابد ماخليتها تمسك عيالي خصوصاااااافي تغيير الحفائضالان عندي طفلتين صغار وحد 10شهور ووحده 3سنواتطبعا اكثر حاجه يتعبون هالسن لكن تعبهم ولا العذاب النفسي مع الشغالات طبعا انا مااسميهم الا العذاب النفسي المهم يابنات ترى في البدايه تتعبون بالذات الشهور الاربعه اذا كنتم مثلي متعودين على الشغالات من الصغر لكن بعدين ابد ابد ماتحسين الا بالراحه النفسيه سبحان الله لكن يجي التعب بعدين من مين؟من الاهل كيف قاعده بدون شغاله؟حرام اللي تسوينه في نفسك!ماتخافين من الامراض اللي راح تجيك ؟يالله موقادره تجيبين شغاله حنا نجيبها لك ؟!طيب انا مقتنعه ليه مايتركون الوحده في الها والله والله يابنات لواقولكم القصص اللي شفتها بعيني والله لتتركون الشغالات او على الاقل تنتبهون لخطرهم والله يابنات اني كنت وقبل لااتزوج اقول بجيب شغاله بس عشان تسويلي مساج شارطه خمس شغالات ههههه من تزوجت والشغاله معاي بس تروح وتجي ماتبات والان اللهم لك الحمد والشكر كما ينبغي لجلال وجهك وعظيم سلطانك افتكيييييييييييييييت الله لايحوجني الا لوجهه الكريم ترى على فكره يابنات العائله عندنا من النوع اللي لااااااااااازم على الاقل شغالتين عجبي بس يابنات بغيت اسئلكم هل اعمال المنزل تجيب الامراض اسئلكم بالله تردون علي لاني شوي خايفه ؟!بعدين ابكتب لكم عن قصه وحده شفتها امام عيني لاني تعبت وانا اكتب وعلى فكره انا حتى السواق استغنيت عنه من سنه ايه بعد لاتفكرون ان الحاله الماديه تعبانه لا ولله الحمد لكن حالتي النفسيه تعبانه من غير الصداع المستمر والضيقهوالصراخ طبعا اكبر عيالي ثانيه ثانوي والولد اولى ثانوي الله يحفظهم لي يساعدوني واذا عندي مناسبه بنتي تنتبه لاخوانها من الى وعندي بنت خامس وولد ثانيه ابتدائي طبعا كلامي ملخبط تحملوني بس حبيت انكم تتشجعون او على الاقل ماتتركون عيالكم في ايدي الخدم اهم شيء في الموضوع وبالله التوفيق لي رجعه ان شاء الله

صراحة انا ضد هذي الحملة لان الخادمات مو كلهم شينات واصابع يدك مو مثل بعض
اذا عاملتيها زين مراح تضرك في شي وصراحة مافي غنى عنها بالذات اللي تدرس
او موظفة وين تحط البزارين هذا غير شغل البيت اللي مايخلص

بسم الله الرحمن الرحيم

يسعدني ان انظم لحماتكم المباركه لا للخدم

وذالك لما يحدثونه من ويلات وخراب للبيوت الهادئه ...

واقول معكم لا لا لا لا للخدم...

ودمتم

انا مع حملتكم وانا ما جبت شغاله ولا بجيب بس للأمانه لما اولد اجيب وحده تشتغل في البيت شهرين بس وتروح والله يعطيكم العافيه

ياحبيبتي الحركة بركةمو مرض

جزاك الله خير ياتغريدالعصافير