بسم الله الرحمن الرحيم
حبيت اسوي تجمع حلو لنا ونسوي حمله جديده و هي حملة قيام الليل
نحاول كثر ما نقدر انه مانفوت صلاة قيام الليل ..
او عالاقل مرتين او ثلاث في الاسبوع كبدايه حلوه
وبعدين نزيد ليما تصير عاده عندكمانه ما تتركونها ولا يوم ..
ماعدا طبعا وقت تكرمون الدوره ..
الحين بحطلكم كل التفاصيل حق طريقة قيام الليل
بسم الله نبدي ..
كلنا نعرف انه لصلاة قيام الليل فضل كبير و عظيم للمسلمين ..
وهي شاهدة ( لجفاء الجنب عن المضجع ) حينما دعونا ربنا خوفا وطمعا ..
قال تعالى ...
( تتجافى جنوبهم عن المضاجع يدعون ربهم خوفا وطمعا ) .
فما أعظم ان تقفي جوف الليل بين يدي الله متضرعين باكين ... متذللين خاشعين ... نناجي ريناونستغفره من الذنوب التي اقترفناها في النهار ... ندعوه ونتوسل اليه ان يرزقنامانريد ..
فصلاة الليل من المستحبات والسنن المؤكد ...
وقال صلى الله عليه وسلم : " من خَتم له بقيام الليل ..ثم مات فله الجنة "..؟!
وقت صلاةالليل:
ممكن ان تصليها بأي وقت من بعدصلاة العشاء الى قبل صلاة الفجر
ويفضل تأخيرها ..
طريقة صلاة قيام الليل بقولها اول شي بشكل عام وبعدها بقولكم اللي راح نسويه بالحمله :
صلاة قيام الليلتكون اما بصلاة ركعتين او 4 او 6 او 8 او 10 او 12 ركعه و بين كل ركعتين نقول التشهد و نسلم ..
ونختم صلاة قيام الليل بركعتين الشفع و ركعة الوتر
وبكذا نكون خلصنا
المهم ..
صلاة الركعتين اللي اول شي هذي مثل ماشرحتها قبل عاديه نفس صلاة الفجر .. تصلون ركعتين و بعدين التشهد وتسلمون و ترجعون تصلون لو تبون اكثر من 2 ..
بعدها تصلون ركعتين عاديين بنيةانه بتصلون صلاة الشفع و اهيا ركعتين عاديه نفس صلاة الفجر .. بس يسمونها صلاةالشفع ..
لكن في اضافه احب اقولها انه من الافضل فيهالركعتين تقرين:
في اول ركعه : سورة الاعلى "سبح اسم ربك الاعلى .... "
وفي ثاني ركعه: سورة الكافرون "قل يا ايهاالكافرون...."
بس عادي لو تبون تقرون اي سور ثانيه .. لكن هذا اللي كان رسولنا الكريم عليه الصلاة والسلام يقرأه في صلاة الشفع ..
يبقى الحين عندنا خاتمة صلاة الليل واهياركعه وحده و يسمونها صلاة الوتر ..
وهذي الصلاة ركعه وحده يفضل انه نقرافيها سورة الاخلاص مثل ما كان يسوي الرسول عليه الصلاة والسلام .. لكن فيها اختلافشوي
انه بعد ما تقرين فاتحة الكتاب و سوره صغيره (يفضل الاخلاص) وتركعين بعد ماتقومين من الركوع تقولين دعاء يسمونه دعاء قنوت الوتر وهذااهوه:
" اللهم أهدني فيمن هديت ، وعافني فيمن عافيت ، وتولني فيمن توليت ، وبارك لي فيما أعطيت ، وقني شر ما قضيت ، فإنك تقضي ولا
يقضى عليك ، إنه لا يذل من واليت ، تباركت ربنا وتعاليت "
" اللهم إني أعوذ برضاك من سخطك وأعوذ بمعافاتك من عقوبتك ، وأعوذ بك منك لا أحصي ثناء عليك ، أنت كما أثنيت على نفسك "
" اللهم إياك نعبد ، ولك نُصلي ونسجد ، وإليك نسعى ونحفدُ ، نرجُو رحمتك ، ونخشى عذابك ، إن عذابك بالكافرين ملحق ، اللهم إنا
نستعينك ، ونستغفرك ، ونثني عليك الخير ، ولا نكفرك ، ونؤمن بك ونخضع لك ، ونخلع من يكفرك "
اللي مو حافظه الدعاء تقدر تمسكه وتقرا من ورقه عادي مافي اي اشكال .. بس طبعا يكون احسن لو الواحديحفظه
بعد ما تقرين دعاء قنوت الوتر ممكن تقرين اي دعاء بخاطرك ..
وتتوسلين لله و تدعين اي شي تبينه كثر ما تبين ادعي وانتي واقفه
وبعدها تسجدين مرتين و تقولين الشهادتين و تسلمين
وبعد ما تسلميين تقولين هالدعاء
" سبحان الملك القدوس" ثلاث مرات وفي المره الثالثه نقول رب الملائكة والروح ونعلي صوتنا فيها
وبكذا تكونين خلصتي من صلاة قيام الليل ..
الحين بقولكم طريقة القيام اللي بنسويها احنا .. راح نختار 3 ركعات .. واللي حابه تزيد مافي مشكله .. والسبب اني اخترت 3 ركعات عشان اضمن اكبر عدد من البنات يشاركون معانا بالحمله لانه في بنات يمكن عندهم دوامات او ظروف الخ..
وممكن نصليها 3 ركعات بس .. يسمونهم (الشفع والوتر)
يعني ركعتين و نسلم (مثل صلاة الفجر عااااادي ومافيها اي زود بس يفضل تقرين السور اللي ذكرتها فوق او انتي اختاري اللي تبينه على راحتك)
وبعدها ركعة الوتر و نسلم (ولا تنسون الدعاء فيها)
ملاحظه: ممكن انه ماتقولون دعاء الوتر.. يعني بس تدعون اللي انتوا تبونه بعد ما تركعون وتقومون ادعو اي شي بخاطركم بدون دعاء الوتر(
و بعد ممكن تقرون في هالثلاث ركعات سورةالبقره تقسمونها على ال3 ركعات
يعني لكم الحريه..
واللي تتعب واهياواقفه ممكن تحط كرسي وراها عشان تقعد لو تعبت وعادي تكمل صلاتها مافي اي مشكلههالشي سأليين فيه ..
الحين
في شوي اضافات ودي ازيدها من عندي و ****لله بتكونون مأجورين فيها ..
حلو انه بعد ما تصلين وتخلصين قيام الليل تمسكين المصحف وتقرينلك شوي لو صفحه وحده ..
واقرو قرأن ليما يأذن الفجر)الاذان الاول) بعدها ابدو ادعو كل اللي بخاطركم و طلعو اللي في قلبكم كلهههههههه لانه بهالوقت بين الاذان الاول والاقامه وقت استجابه ****لله>>هذا للي ماعندهم دوامات او شغل وممكن يسهرون..
وبعدها عشان ترتاحوووون زين زين زين صلو ركعتين سنه قبل الفجر و صلو الفجرو نامو .. وبتشوفون الراحه
و****لله الله بيعطي كل واحد على قد نيتها ..
اما اللي ماتقدر تسهر لي اذان الفجر .. ممكن تصلين قيام الليل قبل لا تنامين او مباشره بعد صلاة العشاء
تصلين 3 ركعات اللي قلناعنهم
و تدعين شوي و لو تقرين اي شي من القران لو صفحه وحده او سوره وحده صغيره
و تنامين
و ممكن تقومين قبل اذان الفجر بفتره لو نص ساعه وتصلينها و بعدها تصلين الفجر
وتنامين هذي بعد حلوه هالطريقه
لكم الحريه فيالاختيار
بس نبي مشاركتكم
وبنات امانه كل وحده تقرا هالموضوع ابي منها طلب
انا طمعانه بدعاء حلو منكم
ابي تدعونلي هالاشياء: <-- تتشرط بعد
-1 ان الله يرزقني الزوج الصالح عاجلا غير اجل
-2 يريح قلبي و يشيل الهم اللي فيني
-3 يحقق كل اللي في بالي وانقبل بالجامعه
ادري بتقولون طماعه بس انتو كرمه وانا استاهل صح
وهاكم مني دعوه .. يالله يارب يا كريم ياقادر على كل شي
تحقق اللي في بال كل وحده من خواتي وتعطيها كل اللي تبي وترزقهم الخير
اللي ماعندها عيال ترزقها الذريه الصالحه
واللي عندها عيال تباركلها في عيالها و تخليهم لها و ماتحرمها منهم ولا تحرمهم منها ..
واللي مو متزوجه ترزقها الزوج الطيب اللي مافي مثله ويرحمها و مايعذبها..
واللي متزوجه يارب يهديلها زوجها و يسخره لها دايماومايشوف غيرها طول عمره ..
ويخليلكم امهاتكم واباءكم و كل اعزاءكم و يرحماللي ماتو و يصبركم ويعوضكم خير عن كل شي فقدوت بالدنيا
ويوخر همومكم ويوسع في رزقكم و يبعد عنكم الناس الشريره و يسخرلكم كل العالم ..
ويجازي كل اللي ظلموكم و يبرد قلبكم فيهم
ويعطيكم على قد نيتكم يااااااااااااااااااااااااااااااااااااااااااااااااا ااارب
اي سؤال تبونه ****لله ماراح اقصر لو اعرفه واذا تبون اعيد شرح شي مو مفهوم اناماعندي مانع ومابي شي غير الدعاء والاجر من الله
شرايكم بنات؟
خل نشوف ردودكم اهيا اللي راح تحدد كل شي
نبي نشجع بعض و كل يوم نتابع بعض اللي تصليها تقولنا و الي يصير تغير في حياتها تقولنا
خل نشجع بعض عالخير
يالله بنات
باب التسجيل في الحمله مفتوح من اليوم الى مدى الحياة
مين بتشارك معاي وتعدل حياتها ؟؟؟؟؟
رندا... @rnda_7
كبيرة محررات
حمله قيام الليل (((يالله نشيل الهم والحزن والضيقه ونغير حياتنا للافضل شمرووو)))
34
2K
يلزم عليك تسجيل الدخول أولًا لكتابة تعليق.
الصفحة الأخيرة
بارك الله فيج وجعله في ميزان اعمالج