حملي الثالث بعد اجهاض متكرر .. شاركوني مشاعري

السلام عليكم بنات ..
انا اول مرة ادخل منتدى واكتب الحاجات اللي اعاني منهاا
انا بطبعي كتومه كثير وما احب افضفض ..
اممم عشان ما اطول عليكم
انا متزوجه صار لي سنه وشهرين وحصلي اجهاض مرتين ولا اعرف وش السبب
حملت بعد زواجي ب اربعة شهور ولمن عطتني الدكتورة موعد عشان تشوف النبض بالاسبوع السابع ماطلع عندها نبض والجنين حجمه صغير مرة طبعا وقتها انا بس اكل حمض الفوليك وقالت بعطيك اسبوع زيادة عشان نتاكد ولكن للاسف بعد اسبوع جاتني اعراض الاجهاض ونزفت وطاح :(
وحسيت بعدها بأحباط ولا رحت ولا راجعت مع العلم اني اشتغل بمستشفى حكومي .. وانتم عارفين مستشفياتناا ينتظرو لين تجهضي اكثر من مره عشان يفكرو يعملو لك تحاليل عن سبب الاجهااض
كل الفترة هاذيك كنت حزينه بس فيه شوية أمل
بعد اربع شهور من أجهاضي حملت للمره الثانية لكن تكررت معي نفس القصة بنفس التفاصيل وبأجهاضي الثاني وعدت نفسي اني اعالج واشوف ايش مشكلتي
طبعا قررت قبل اسبوعين اسوي تحاليل عند دكتورة ممتازة وفاهمه
طلبت لي تحاليل هرمونات ومضادات الجسم والفيتامينات وطلعت تحاليلي امس كاملة
دخلت عندها الساعه 9 بالليل قالت عندي هرمون الحليب مرتفع وفيتامين د ناقص شوي وعندك اجسام مضادة نفس ماكانت متوقعه هي
وقتهها ارتحت لاني عرفت ايش العله اللي فيني واني اقدر اعالج نفسي
قالت لازم ننزل عندك الهرمون الحليب لانه مره مرتفع ولازم تاخذين ابر للمضادات بجسمك
قلت لها ماتوقع هرموني مرتفع لان هرموناتي منتظمه والدوره تجيني منتظمة شهريا بكل تاريخ 16
والحين الدورة بس عدت يوم واحد
قالت طيب روحي سوي تحليل حمل دم بسرعه وتعالي لي عشان نشوف
ورحت للمختبر وسويت تحليل وكانت المفاجأه اني حامل
مادري كيف كان شعوري حزينه وسعيدة بنفس الوقت حزينه لاني خايفه تتكرر لي نفس المشكله وسعيده لاني حامل ولاني عرفت ايش السبب اللي يجهض جنيني كل مره
قالت لي مبروك وانتبهي ع حالك وصرفت لي كليكزون ابر يوميا اخذها واسبرين وحمض الفوليك
وانا خاايفة جدا لكن سعيدة
واتمنى اني افرح بحملي واتفقت انا وزوجي مانخبر احد لين اشوف النبض واتاكد اني سليمه
يارب تمم لي حملي
واليوم الصبح اول ماجيت لدوامي رحت للسستر وعطتني ابره واخذت الاسبرين والفوليك
اللي مرت بنفس حالتي او تشبه حالتي تطمني