F-Y-S :

مرحبا بنات انا اختفيت عنكم لاني كنت اعيش بحالة قلق وازعاج نفسي الاسبوع اللي راح كملت 6 اسابيع وكان موعد النبض اللي احلم اشوفه واسمع صوته كل الفترة اللي فاتت قبل موعدي احط اصابعي على بطني واقول اتمنى اسمع صوت نبض يخالف نبضي .. بس كل هذا من التعب اللي اعيشه واكيد محد بيلومني المهم رحت لموعدي بمستشفى الحكومي اللي انا اشتغل فيه وسوو لي سونار وقالت مافيه نبض وهو الان بالاسبوع السادس وبنصبر كمان اسبوع خنقتني العبره لان قبل كانو يقولون مافي نبض ونصبر اسبوع وينزلون الجنين :( لاكن ماتحملت ورحت للمستوصف اللي قالت عندي اجسام مضادة واللي عالجتني وصرفت لي الادويه رحت لها وانا ابكي قالت لي تعالي نشوف وشافت لي الكيس والجنين وقالت التلقيح صاير متاخر وعمر الجنين والكبس 5 اسابيع وبهذي المرحله مايكون فيه نبض وقالت لي الكيس الحمدلله سميك وواضح انه واصله الدم بس لسى ماجاء النبض نصبر للاسبوع الجاي ونشوف وقالت انا مرا متفائله ولاتبكين حملك مراا سليم بس انتي خايفه قلت لها طيب كل الوحام واعراضه خفت وصدري راح الالم وماعندي شي اكرهه وشي احبه كل شي صار عادي من اسبوع قالت لان حالتك النفسيه تعبانه تعالي يوم الاثنين الجااي .... اللي هو امس رحت وجسمي كله يرجف وعيوني مليانه دموع واقراء دعاء الحزن والفرج واستغفر ربي لحد مادخلت عندها وقالت تعالي ع السرير من الخوف نسيت اشرب مويه وقالت مو باين شي :( وسوت لي سونار مهبلي اول مادخلته شدت اعصابي وصرت ارجف وابكي وماقدرت افتح رجولي وقامت تهديني وتتكلم معي وقالت والله فيه نبض خليني اشوف ولمن ارتخى جسمي ودخلت السونار وشافت الجنين قامت تتبسم وقالت اهوه شوفي عامل الزاي بينبض انا من الروعه قمت ابقعد على حيلي ابشوف الشاشه زين ماشوف من الدموع وقامت تضحك وبكيت بقوه لمن سمعتني الصوت قامت تبكي معي المسكينه وسمعتني صووت النبض وخلته شغال كل الوقت لين هدت اعصابي وارتاح بالي قالت عمره 6 اسابيع و5 ايام وقالت استمري على الكليكسان والاسبرين وحض الفوليك طبعاا وابعطيك مثبت ديفستون اتوقع كذا اسمه مو قادره اوقف على رجولي من الفرحه ولا ادري وش اسوي كلمت زوجي وفرحته المسكين وجلس يبكي من فرحته وكلمت خواتي وهم مايدرون شسالفه وانصدمو وفرحو معي وجلسو يبكون وجاني السواق ورحت لبيت اهلي ودخلت على امي وحبيت راسهاا وهي المسكينه دمعتهاا ماوقفت من قلت لهاا واليوم الصباح يوم جيت للدوام حضنت صديقتي وهي حست انو فيه شي وقلت لها باركيلي حملي سليم الحمدلله وهي تفهمت مشاعري اني ماخبرتها من اول لاني كنت مو حابه احد يشيل همي واليوم انا اراسلكم من الدوام ومو شايلتني الارض من فرحتي يارب لك الحمد .. بس يارب يتمم علي يارب واشوفه بين يديني واشم رحته والله يرزق كل وحده محرومه وكل وحده مرت باللي انا مريت فيه .. يارب لك الحمد

مرحبا بنات انا اختفيت عنكم لاني كنت اعيش بحالة قلق وازعاج نفسي الاسبوع اللي راح كملت 6 اسابيع...