حملي المهدد بالاجهاض

كيف حالكم ياجميلات .

عشان اللي مايعرفون قصتي بس باختصار . عندي اجهاضات متكررة كثيرة ..
والان أنا بفترة الخطر اللي هي الفترة اللي يتوقف بها النبض للجنين عادة .

تخيلوا أمس وأنا بأمان الله جالسة الا ويجيني ماغص يابنات شديد اسفل البطن واخاف وادخل الحمام إلا وأشوف بقعة دم 🫤.
واسمي بالله واسكت ولا قلت لزوجي ولا احد ..
قلت ياربي وش أسوي . واطلع للمستشفى باسكات واروح اقول دكتورة بس شوفي فيه نبض أو لا .
وأنا بهالدقيقة متنحه وثم يوم رجعت للبيت قلت ليش ماجلست استغفر بدال ما أتنح ههههه .
.
المهم بتحط الجل فوق بطني وتقول تراه بارد قلت ايه انا متوحمه عالبارد أي شي بارد أحطه على بطني ههههههه بس اكشفي .
وتكشف وتقول الحمد لله الجنين فيه نبض .
واقوم من السرير نطيت كني مهبولة بغيت أبوس راسها بس كانت بعيدة وخفت أطيح ههههه قلت خلاص مابي اي شي قالت بنكمل كشف قلت مابي ولا شي مع السلامة . يابنت اصبري قلت ولله مابي مع السلامة 😅
وأطلع ماسمعتها بشي الا ان فيه نبض الحمد لله .
كانت تسألني مخبصة بالأدوية قلت ايه ثم قالت ترى ادويتك هرمونات لخبطتها ممكن تأثر قلت ولله ماعاد ألخبط.
قالت وتراه انذار فانتبهي مهدد بالاجهاض معناته .
قلت ليتني طلعت وماسمعتها لأن مابي حكي غير انه فيه نبض .
واليوم الحمد لله مافيني شي يارب لك الحمد وموعدي بعد ٣ أيام .
دعواتكم


.