مااحد مرتاح الله المستعان

مشكور حبيبتي على طرحك الحلو..

والله يدوم عليكم محبتكم..وما يحرمكم من بعض..



راح أتكلم عن نفسي وما بفتي لأحد..


من بداية خطوبتي..إلى يومك..ولي سنتين من تزوجت..

محد من أهل زوجي دخل بيتي إلا مرة وحده..


ولا يتصلون لي..أبد..

لما ولدت..جوني مرة وحده..



وأم زوجي دايم تهاوشني..وتصارخ علي..

أنا والشهادة لله..ما يوم فكرت أرد عليها..لأني أعرف نفسي عصبية مرة..وأخاف يوم أغلط عليها..وأرفع صوتي بوجهها..

وهي حرمة كبيرة..

لما شافت إني ساكته..قالت ليناتها..ترى حرمة أخوكم ضعيفة..وما عندها شخصية..

ولو أمد يدي عليها ما بتسوي لي شي..:44:



عندي أخت زوجي اللي أصغر منه بسنه..وهي قريبه منه..وما شاء الله تعاملها مرة حلو معاي..وهي الوحيدة اللي تتصل وتطمن علي..

قالت لزوجي اللي قالته أمها..وقالت له: حاول تطور شخصية زوجتك..وخلها تصير قوية..:icon33:


طبعاً هي كانت بعيده عني..بس بعد ما تكلمت مع زوجي وجا قال لي..وتناقشنا في هالموضوع..

وعرف إني ما أرد عشان لا أغلط على أمه..وقلت له: أنت أكثر واحد تعرف أني عصبية مووت..وما أمسك لساني وقت ما أكون معصبة..


قال لأخته..وصارت تتقرب مني..وتسولف معاي..


وهي هاللحين واقفه معاي ضد أهلها..وتشوف إن تصرفاتهم خطأ..


ولأنها واقفة معاي..أمها طردتها من البيت..وقالت لها..لا عاد أشوفك عندي..:icon33:



أنا لما سمعت كذا..صراحة تضايقت وجلست أبكي..وقررت إني أروح لها..وأتكلم معاها..

ما أبي أخرب علاقتها بأهلها..

ترجيتها وجلست أبكي عندها..

في النهاية قالت لي: لو ما أعرف طيبتك..وإن تعاملك مع أمي زين..وتعدين خواتي مثل خواتك..ما وقفت بصفك..

وإذا أمي هددت خواتي..وخافوا منها..

أنا ما أخاف من كلمة الحق..


وهي صارت مع أمي في الحج..وشافت شلون أمي طيبة..ونيتها صافية..


ومع ذلك طنشت كل شي..والمشاكل اللي تسويها لي أم زوجي وتأثر على علاقتي بزوجي..وصرنا دايم هواش بهواش..

قلت أتودد لها..وما عمري دخلت لها ويدي فاضية..

أدخل وأنزل على راسها وأحب عليه..

ولو تتكلم معاي بشي..ما أقول لها : مو شكغلك..ولا تتدخلين فيني..

أقول لها إن شاء الله..وفي النهاية أسوي اللي يناسبني..



وفي النهاية..

:(

كنا مسافرين أنا وزوجي..إتصلت لأمي وقالت لها إني خربت ولدها عليها..


:icon33:


أمي إتصلت فيني وهاوشتني..

وقالت: لو هالكلام صحيح..لا إنتي بنتي ولا أعرفك..:icon33:



وقلت لزوجي..لأني ما قدرت أتحمل..

عصب لما قلت له..

وراح قال لأمه ليه تقولين كذا..؟؟


قالت له: بس..كيفي..يمكن تعقل بنتها...:09:


عاد هو عصب..وقال لهم..زوجتي ما تدخل عندكم البيت..ولا تتواصل معاكم..وإذا وحده فيها الخير تدق باب بيتها..

والله لا أطردكم...:mad:


مع إنه مو مقصر على أمه..لا بالمصروف..ولا بالزيارات..

ويروح لها يومياً من يجي من العمل..إلى المغرب..

وأحياناً إلى الليل يجلس عندها..



يمكن أنا مو كل يوم أروح..بس البيت والتنظيف..والطباخ..وتربية بنتي وإهتمامي فيها يبي له وقت..وجهد..

وما أصدق أخلص شغل بيتي..وأنيم بنتي..

أبي أرتاح..وما أبي أتحرك..


مو معقول بروح لهم كل يوم..وبقصر على بيتي..




وهذاني بكمل سنة..لا أكلمهم..ولا يكلموني..







أعذريني على إطالتي..

بس الله يشهد علي إني عديتهم مثل أهلي..وحاولت أندمج معاهم وأتنازل عن أشياء واجد..وأعرف إن في فرق بين أهلي وأهل زوجي..

أبوي الله يخليه مو مقصر علي بشي..

وجيت عند زوجي وأنا مقدرة إنه قاعد يبني حياتة..ولازم أراعيه..وما أضغط عليه بالمصاريف الي مالها داعي..وأقلل من الكماليات..

بس هم كانوا يبون كل شي يجي من طرفي..

كأن لهم حق..وأنا لأ..







الله يهدي الجميع..




في أمان الله..

لاأنا تزوجت ولا أخواني متزوجين


هههههههههههههههه

موضوووع حلو ويمكن الكل يستفيد منو
انا ياحبيباتي خالتي الي هي اخت امي وام زوجي والله ما اقول الا الله يهديها
تبينها تحبك: كوني على كيفها انتي وولدها
لا تطلعي من بيتك لا للتنزه ولا لزياره احد الا بإذنها
كوني عندها كل يوم رزي خشتك بخشتها
هي تأشر وانتي تنفذي بس بطريقه غير مباشره
روحو معانا وتعالو معانا وين مانروح ووين مانجي
تبها تكرهك:افعلى العكس وبمعنى اوضح خلي حياتك مستقله عننا
والله يابنات تعبت نفسيا ومن كثر التعب النفسي تحول لجسدي خلاااااااااااااااااااااااااااااااااااااص
ولدها احيانا يروح لهم يرجع وقااااالب وجهه ويحط حرته فيني وعذره خلااااص انتي تعرفي امي شتسوين والله يابنات اني انحرم من روحات وجيات احيانا بسببها خلاص قفلتها معاي وتخيلو وصلت لدرجه انو في ناس يتصلو عليها ويعزمونها ويقولولها كلمي حريم عيالك والله يابنات والله ماتوصل العزوومه مدري اعتبره مرض ولا جهل ولا قله ادب والله تعبت وحاولت اتقرب لها وابات عندها واكون معاها مرره عادي بس نفس النتيجه يعني انتي مرره ملاك ماعندك ظرووف ولا شي يأخرك عنهم بالله يبنات مو شغل البيت يشغل انا لسه ماعندي اطفال بس واله برضو انشغل والله ما اسي بيتي عشان ارز خشتي بخشتها وتنقهههر اذا خوالي او خالاتي زاروني او اي احد تعرفه جاني والله شايطينها تقوم هذا وانا اعزمها هي وبناتها واقلها تعالي بس ماتجي احسها تنقهر وكانت مره اخووه فنفس المشاكل بس صارت رسمييييه خلاص احسهم خففو عليها شوي مو كثير
ف الي عندها حل تقولي