مشكورات جميعاً على ردودكم الراقيه

الخوات اللي قالو أنهم بدوا بالطيب وردوا أهل أزواجهم بالردى

خلو علاقتكم رسميه (وفيها من الطيب الكثير)

أتمنى للجميع السعاده

استغفر الله
يااختي
اتمنى يغلق الموضوع عشانك انتي :
لان اكييييد فيه ناس تبي تذم ناس وناس تدعي ع نااس و و و و
وانتي صاحبة الموضوع
واحنا عارفين انو بين الاخوات فيه مشاكل فما بالك بين الزوجه وهل زوجها الا من هداها الله سبحانه
كان خليتي الموضوع نصايح للزوجات تجاه اهل الزوج بدل كذا
تقبلي
رايي ودمتي بود

ياديمة يابنت المطيري
الله يرزقك بزوج والشهر ماخلص
ويفتخرون فيك حمولتك ويدعون لك بتوفيق والسعادة في حضورك وغيابك
وفي المجالس يقولون الله يرباها ويربي من رباها ويملئ يدينها ويرضى عليها
خذيها نصيحة من امك كل الخير
احترمي نفسك وعزيها يحترمك ويعزك الجميع
واغلبيهم بطيب يكونون لك الطيب نفسة
وانتي الداخله عليهم يامجمعه يامفرقه
وكل ماتزرعين من الخير تحصدينه في عيالك
وعامليهم مثل اهلك ( امك وابوك واخوانك وخواتك ) ولا تنتظرين المقابل او الشكر خلي عملك خالص لوجة الله
وشوفي كيف ربي يكرمك دنيا واخرة

أنا بأتكلم عن نفسي , الحمدلله دخلت عليهم و قلبي صافيييييييييي و على نيتي , لكنهم ما قدروا هذا الشئ أبد , و أول سنه كنت كل يوم عندهم وكل يوم يهاوشوني على شئ والله كل يوم شئ
شعري ( خلي فرقتك من الجنب بدل النص )
لبسي ( ما قد شفت على زوجة ولدي لبس حلو , أو ما عندك غير ذا اللبس تلبسين )
جسمي
شكل بطني و أنا حامل ( ما أعرف اهتم بالجنين اللي في بطني !!!!!!!!!!!!!)
شئ غريب يعني أشياء و الله استحي أكتبها ,واذا ما قالوها بهواش قالوها بسخريه وضحك و يقعدون يضحكون علي ( رجللك شكلها غريب هاهاهاها كبيره ما أدري كيف شكلها هاهاهاه ) و انا هبله اضحك و ارجع البيت ابكي على مخدتي
و الله العظيم انهم جننوني أول سنه هبلو فيني الله لا يسامحهم
أنا ما كنت أرد عليهم أبد

و مرت الأيام و كبرت بس ما فهمت صح الا بعدين , الساكته هبله و ما عندها احساس و اللي
لسانها طويل الكل يحبها و ما يزعلها

الكلام ما يخلص لو اكتب من الحين لبكره لكن بعد 9 سنوات وضعي أصبح كالتالي:

هدأوا في فتره من الفترات و بعدين رجعوا ألعن من أول
اذا رحت اتهزأ و اذا ما رحت اتهزأ ( يعني اذا غبت يومين يا ويلي و اذا أكثر من يومين يا ويلي ويلاه )
اتهزأ قدام اي أحد عادي
ومره قمت أرد عليه ردت لي الصاع صاعين ( قالت شئ و قلت لها مثل بنتك فلانه و انا والله صادقه , زعلت لما قلت لها و أنا جدار المفروض ما أزعل )
دايم يقولون الواحده توسع صدرها و لا تزعل بسرعه ( المشكله هم من النوع اللي يزعل بسرعه )
موقف زوجي صعب يدافع عني اذا قالوا شئ و هو موجود ( صاروا ما يقولون شئ وهو موجود )

و آخر شئ طالعين لي فيه إنه ولدهم ( زوجي ) اتغير عليهم من يوم ما تزوجني , و هذا قالها أبوه في وجهي و في ظهري
( ولدي فلان مو عاجبني حاله تمشيه زوجته على كيفه زي الأهبل!!!!!!!!!!!!!!)
الحمدلله الله لا يغير علي زوجي وظيفته ممتازه و ان شاء الله 4 شهور و يأخذ شهادة الدكتوراه ( والله لو مشي على كيفي كان غيرت أشياء كثيره )

طبعا هذا كله قطره من بحر , و أبي ردك لي ياديما المطيري , لأ نه عندي سلايف بس بعيدين ويعاملونهم بطرق مختلفه اللي لسانها طويل يمدحونها واللي هبله يجيها كلام بس أقل بكثيير من اللي يجيني .
و ابراء للذمه :
يساعدونا ماديا أحيانا و ليس دايما( أبغاهم يحترموني و بس ما أبغى فلوس الحمدلله)
يمدحوني بس مو كثير ونادر و أحس لما يمدحوني أمام الناس بس علشان يقهرون الطرف الثاني
دايم يقولون لي زي بنتنا ( ما أشوف هذا الشئ في أفعالهم , والله يخلي لي أمي أبوي و لا يحرمني منهم )


و أنا الحمدلله أعاملهم زي ما تعاملنا مرت أخوي ( كلنا نحبها الله لا يغير علينا ) اذا جت الله يحييها و اذا ما جت عذرناها و أهم شئ نحترمها .و أنا حالي في شأني ما لي دخل بأحد .
أنا ما أكره الخير لحمولتي و اتمنى لهم كل شئ طيب , بس شئ واحد أتمناه يصير













تجيهم كنه و تسكن جنبهم و طلع عيونهم , علشان يحسون بقيمتي وينقهرون زي ما قهروني . و ترا للحين أبكي منهم بالذات اذا رجعت من عندهم.

حسبي الله على كل ظالم
حسبي الله على كل ظالم
حسبي الله على كل ظالم

و في حاجه ما قلتها إنه الحمدلله شخصيتي صارت قويه , و ما أرضى أحد يغلط علي ( أحيانا ) بس اللي يتكلم علي أمه و أبوه يعني ما أقدر أرد عليهم , و أخواته طيبيين نوعا ما و اذا قالو شئ أرد اذا كان مرررررررره يقهر أو اسوي نفسي ما أسمع .
و لاحد يفهم كلامي خطأ و إنه هذه نميمه , بالعكس ارتحت شوي لما كتبت لكم لأنه ما أقدر اشتكي لأحد و لا أفضفض لأحد

الله ينتقم من كل ظالم