إن شاء الله أبرسلك طريقة كبة الباشميل لذيذة وتفزريتها وما يضررررررررررررررها
وفوق كل هذا طعمها جناااااااااااااااااااااااااااااااااااااااااااااااااااان شوي وراجعة

المقادير والطريقة :
دجاجة مسلوقة ومجهزتها مثل حشوة الفطاير
يعني تحمسين بصل وتضعين علية الدجاجة المقطعة<< يعني مثل أي حشوة بس دجاج
محموس ببصل أنا ماأحط أي إضافات << تقدرين تحطين مع الحشوة جزر و بقدونس وأي شي تبغين زيادة
بعدين تكونين مجهزة طريقة عمل الباشميل
اللي هي :
2 كأس حليب سايل << أنا أحط ملعقتين حليب بودرة في كأس وأضيف ماء وأحركهم جيداً
نصف بيالة زيت
ملح
ربع ملعقة ماجي
2 ملعقة دقيق
2 بيضة
توضع جميع المقادير ماعدا البيض في قدر وتحرك جيداً إلى أن تثقل وإذا ثقل سكري النار
وتضعين البيضتين وتحركينهم جيداً يعني تضعين البيض والقدر على الفرن بس مسكرة << مطفية
وبعدين تضعينهم على الدجاج وتحركينهم جيداً <<< حطي الدجاج بقدر كبير شوي
علشان تأخذين راحتك بالحرك وبعدين بعد ماتحركينهم تضعين القدر في الفريزر ليبرد
إذا مستعجلة حطية وهو مفتوح بدون غطأ وإذا مو مستعجلة عادي غطية وبعدين بعد مايبرد
تطلعينة من الفريزر وتكورينة على شكل كبة وبعدين تغمسينة في بيض بعدين في بقسماط
وتصفينة في صينية وبعدين رجعية مرة ثانية للفريزرإلى أن يبرد تمام التمام ويتماسكون مع بعض
وبعدين أخر مرحلة اللي هي تطلعينة من الفريزر بيكون شوي بارد تقلينة في الزيت بس إنتبهي
لأنها قد تتفكك يعني بشويش عليه في القلي أنا أول مأحطها أصبر شوي عليها لين أحس إنها تشقرت من تحت وبعدين أقلبها على الجهه الثانية وشوي وأطلعها بس أهم شي يكون الزيت حاااااااااااااااااار
وبعدين تقدمينها
وترى عادي تسوينها اليوم وتكورينها وتقلينها من بكرى وإذا في زيادة عادي حطيها بالفريزر إذا إحتجتيها بس تطلعينها وتقلينها << يعني تكون جاهزة بس باقي القلي

وبالهناء والعافية على قلوبكم يابعد قلبي

عندك الحلويات مثلا فطيره التفاح ( باي التفاح ):
مقاديره
ملعقه باكنج بودر
اصبع زبده الي يجي اصغر شي تقدرين تقولين ثلاث ارباع كاس زبده بحراره الغرفه
ست حبات جبن كيري
كاس طحين
الطريقه
تعجن جميعها عدا الطحين اخر شي تضيفين الطحين شوي شو واذا حسيتي ان العجينه متماسكه وقابله للتشكيل لا تكملين باقي الكاس الي فيه الطحين واذا شفتي انهاغير كذا زودي طحين حتى لو اكثر من الكاس
الحشوه مقاديرها
تفاحتين مه اربع فنا جيل سكر قرفه مطحونه حسب الرغبه
الطريقه
تقشر التفاحات وتبشر ببشاره الجزر وتوضع في قدر مع اضافه السكر والدارسين وتترك على نار هادئه حتى تذبل
بعدها تفرد العجينه وتقطع حسب الجم الي تبغينه للفطيره اذا كبيره بالكاس واذا تبينها صغيره بالبياله
بعدها تمسكين الدوائر وتحشينها بالتفاح وتغطينها بدائره ثانيه وتمتسكرينها داير ما دار الدائرتين
بعد ما تخلصين تدخلينها بالفرن بدرجه حراره متوسطه تتركينها مده عشر الى ثلث ساعه ملاحضه لازم يكون الفرن مفتو قبل تدخلين الفطيره بشوي يعني حار
بعد ما تستوي تكونين مجهزه سكر مطحون مع دارسينى مطحونوعلى طول وهي حاره تغمسين الفطيره بالسكر والقرفه
خليها لين تبرد وحطيها بعلب التمر وبالفريزر انا مجربتها قبل نفاس اختي اول ما يدق احد يقول باجي بس نسخنها والكل يسالنا وش طريقتها

بعد عندك كيكه التمر الشياب يحبونه مرره
مقاديرها
4 بييض 4 فناجيل سكر
ملعقه بكنج بودر ورشه فانيلا
ثلث كاس زيت
كاس تقريبا دقيق بر
تمر (مكنوزاو معبي او مرصوص ) مدري وش يسمى المهم بدون عبس ومقطع اربع اجزاء
جوز اوعين جمل حسب الرغبه
بالخلاط اربع فناجين سكر مع اربع بيضات لمده خمس دقايق
بعدها اضيفي لها ثلث كاس زيت مع ملعقه بكنج باودر مع رشه فانيلا
بعد ذالك اضيفي الدقيق البر تدريجيا حتى يصبح شكل الخليط لا غليض ولا رقيق بينهن
ادهني الصينيه بالزيت ورشي عليها شوي دقيق بعدها صبي نصف الخليط
وزعي قطع التمر وعين الجمل بالترتيب على الصينيه بعد ذالك صبي باقي الخليط
دخليها للفرن بدرجه حراره متوسطه طبعا لازم قبل ما تدخلين الكيكه يصير الفرن حار يعني مفتوح من قبل
عشان تتاكدي انها استوت اغرزي سكين واذا طلعت وما علق فيها شي معناها استوت
بعدها قطعيها وحطيها بعلب
على فكره انا مجربتها برمضان كنت بس اطلع واسخن طعمها ما يتغير

وبعد عندك سمبوسه سويتز تقدرين تسوينها صغار و تحشينها جبن كرفت او كيري وتفرزنينها واذا طلعتيها اقليها وصبي عليها شيره
وعندك شرايح السمبوسه العاديه تسوينها رولات اواصابع وتحشينها جبن كيري اوكرفت شدر وتفرزنينها واذا بغيتيها بس حطيها بصنيه مدهونه بشوي زيت واشويها وبعد ما تطلع صبي عليها شيره
وعندك الخبز التوست تفرمينه بفرامه البصل وتحطينه باكياس واذا بغيتيه بس طلعيه وادهني صنيه بالزيت وحطي الطبقه الاولى الخبز المطحون وبعدين الطبقه الثانيه قشطه يفضل طازجه او نوع زين مثل التاج او بوك والطبقه الثالثه حطي باقي الخبز ودخليه للفرن بس تشقر الحوايف معناته الي تحت اشقر عاد اقلبيها بصنيه وصبي علها شيره
وبعد عندك طريقه ثانيه للتوست هي البان كيك الكذاب
تمسكين شريحه التوست وتقسمينها اربع اقسام مع استبعاد الحوايف وتفرزنينها وقت ما تحتاجين لها بس طلعيها واخلطي بالخلاط تقريبا اربع بيضات مع شوي فانيلا وابدائي بتغميس المربعات وبعد ما تخلصين ادهني الصنيه بشوي زيت وصفي المربعات فيها ودخليها بالفرن وحاولي تشوفين الي استوت من تحت اقلبيها والي خلصت طلعيها بعد ما تستوي كل المربعات صبي عليها شيره عاديه ويستحب شير البان كيك