حوائيات أنا نوف أحمد طلو على موضوعي شويات

بسم الله الرحمن الرحيم 

السلام عليكم ورحمة الله وبركاته 




حبيباتي 


الحمد لله خلصت عمرتي لوالدي قبل ساعه 

أسأل الله أن يتقبلها 



لكن حصل لي موقف غريب قلت أسألكم يمكن عندكم 

خبر عن اللي صار 

هذا الله يسلمكم لما خلصت من السعي جلست على 

جبل المروه أرتاح 

و فجأه يجوني مجموعة نسوان و أطفالهم 

و معاهم مقصات 

قالو لي خلصتي عمرتك قلت نعم قالو يعني 

كملتي كل المناسك 

قلت نعم 

قالو يالله قصي لنا شعرنا 

أنا تفاجأت إيش يعني أقص شعركم وليش 

قالت أحنا خلصنا عمرتنا ونبغى أحد يحل لنا 

مناسكنا قلت كيف ما فهمت 

قالت يعني أحنا مو نقدر نحلص نسكنا بنفسنا لازم 

قص الشعر يكون من شخص غريب مخلص نسكه بنفس 

الوقت 

قلت يا أختي عادي قصيه أنتي يجوز 

قالت لا حرااام ما يكمل النسك 

طالعت فيها و قلت لها أعتذر يا أختي أنا ما أعرف 

بالأعتقادات هذاي قالت الله ما يقبل منك لازم 

تحلي نسك غيرك 

طالعت فيها غصب عني الكلام ما عجبني 

و لا أعرف أي شيء عن هالمعتقدات 

و قمت و مشيت و خليتها

أسمعها زعلانه تهاوش علي 

و معاها حرمها ثانيه 

تقول حسبي الله 





المهم

أنا حابه أعرف مين هذول اللي يعملو هذي المعتقدات 

صراحه زعلت عليهم و حمدت الله على النعمه اللي 

أنا فيها