حواجب هلال

بسم الله والصلاة والسلام على رسول الله
اما بعد:
خواتي شلونكم وايش اخباركم؟
عساكم بخير؟ انا الحمد لله طيبة الله يسلمك اختي انت ان شاء الله بخير وعيالكم و واهلكم والجماعة عسى طيبين............وبعدين ما صارت .احم احم

طالعوا في المراية ..شوفوا هالحواجب اش زينها تهبل صح بس لو انها بس ....
ادري كل وحدة فيكم شايفة في حواجبها عيب ..حواجب خفيفة ..كثيرة...طويلة ...قصيرة..لونها غامق او فاتح ...الله لو اقدر بس انتف من هنا ...وهنا كمان شوية بس... وما تدري الا وهي موناليزا...

حبيباتي ليش التعب وليش الحرام ايش لك فيه؟ الله سبحانه ورسوله عليه الصلاة والسلام ما نهوا عن شيء الا لحكمة ....

تخيلوا ذاك الشعر اللي مضلل عيونكم ..لو انه ما فيه حواجب ما قدرتوا تفتحوا عيونكم في الاماكن المضاءة خصوصا الاضاءة العلوية او نور الشمس
تخيلوا ...لو ما فيه حواجب كان العرق سيده على عيونكم ...طبعا ما لقى من يوقفه عند حده.والا الغبار يا سلام كحل غير والعين من زينها ما تنفتح.

الحين لو اننا من غير حواجب كيف الوحدة فينا تغازل زوجها ... وكيف تخرع عيالها .. وكيف تقهر خويتها .. وكيف تأشر من غير ما تحرك اصابعها..كيف تستغرب.. وكيف يبان عليها الزعل والكل يدري ويجي يراضيها... وكيف وكيف وكيف؟
هذي الاشياء الي خطرتلي وخلتني اكتب هالكلام الزين اللي يجلي العين... سكر معقود شهد مكرر... لحظة لحظة ..ارجع ورا شوي

الحين لو نتفنا الحواجب ..صحيح ان الشكل يا سلام ..بس مو دايما ...ياما ناس ما تعرف تنتف صح ..والنتيجة يمة تصير غوله... عليم الله اني لما اشوف وحده ناتفه الحواجب كني شايفة ساحرة..يمكن خيالي واسع شوي لكن والله ما اكذب اني من جد اخاف.. اخاف من الحرام واخاف من المنظر الرهيب


مو بس الشكل الحين لو نتفت مرة وانت عارفة انه حرام ....او مو عارفة ...وندمت وقلت خلاص اخر مرة ..بعد فترة طالعي في المراية ..والله كنها مو حلوة ..يبغالها تغيير شوي ..بس انا قلت اخر مرة..لكن شكلي كذا ماش ماله داعي...يالله ..الله غفور رحيم اشيل هالشعرتين و الله يغفرلي ..مو انا ما اقدر اطلع للناس بها الشكل...
لو فكرتي بها الشكل تذكري ان الله شديد العقاب كمان.. وانا عقابك الطرد من رحمة الله ..واحنا نطلب الرحمة من كوم الذنوب اللي علينا ...يعني فكري شوي


بتقولي ايش اسوي؟ انا عارفة انا بنت زيكم و عارفة معاناتكم وعندي حل عاجبني ولا ادري اذا بيعجبكم ..

عموما اللقاء الجاي ارد عليكم اذا لقيت منكم تفاعل..( كيمياء ..الله يستر )

طولت عليكم من اولها الله يعين اللي تقرا
والحين سلام