هذا اول شي
ثاني شي بعد الجدال الطويل في موضوع (مضار السمنه ومشاكل النحف) والوصول الى طريق مسدود في النقاش بين:-
الدكتور برميل &والدكتور مسواك
دار الحوار التالي:-
مسواك: وينك فيه يا الدب سمعت انك متنكر وموقف في الشارع والعالم يدورن حواليك يحسبونك دوار
برميل: لا يا جنط انا اللي سمعت انك متنكر وخاش مكتبه وقاعد على اساس انك قلم رصاص
مسواك: يا رجال كل تراب والله لو تصبغ جوانبك اسود وظهرك اصفر صرت كنك حراثه
برميل: الحين من زين جسمك والا نسيت يوم طلعنا البر ونمت على طعس بغى يدعسك ونيت يحسبك حيه ( أم جنيب )
مسواك: ابحلف بالله ..انت وجسمك انك لو تنسدح على جنبك الايسر وترفع يدك اليمنى صرت كنك عفريتة قلابي
برميل: قوووووويه لكن شكلك نسيت يوم تمرض وتروح للدكتور وقال نبي نسوي لك اشعهx قال مايحتاج وخذك وحطك على لمبة
المكتب وشاف وش اللي فيك
مسواك: يارجال من شفتك لين جيت تركب السياره دهنت جوانبك بفازلين علشان تزرق في السياره وانا غاسل يدي منك يالدب
برميل: ايه ولين ركبت جنبي قمت اعشق فيك احسبك القير من نحفك
مسواك: أقول أها بس أهااا عنبوك من سمنتك صار الواحد يشوف خدودك وهو واقف وراك صايره خدودك كنها مخابي كوت فيها فصفص
برميل: اقول الحين متميلح انت وعصاقيلك اجل تبيني اصير مثلك اذا جا هوا طقو اهلك مسمار في ثوبك بالارض يخافون عليك تطير
مسواك: تدري كل ماشفتك ياالنفيخه تذكرت رجال كفرات ميشلان اللي في الدعايه
برميل: تصدق بالله لو تمر من جنب جيب الدوريات أنك تشوش على جهازهم يالأنتل
مسواك:مسكين والله لو افصخك ثوبك وفنيلتك واجلسك على الارض جوك التايلنديين يعبدونك يحسبونك بوذا
الدب : ماشفت نفسك وانت واقف ترى رجليك ساق بدون ركبه
مسواك:اقول سمعت ان اهلك يروشونك في الحوش بمكانس من كبرك
برميل: انا سامع انك تتروش في المغسله
مسواك: انا سمعت انهم صوروك يبون يطلعون لك جواز وحطو صورتك وكتبو تحتها تتبع في الصفحه الاخرى
برميل: انا سمعت انهم صوروك 4 في 6 طلعت كلك
مسواك: انا سمعت انك اذا بغيت تركض تنسدح وتتدربا على جنبك ... أسرع لك
برميل: اقول اذني وصخه لاهنت
مسواك:ههههههههه ضحكتني انت وخدودك كنها دف طقاقه .
برميل: اقول شف شكلك كنك ريال بيد بزر .
مسواك: اقول شف خشمك كن متعلق به عيل<<<< قلب مصري
برميل: لا من زين خشمك كنه أصبع عيل
مسواك: اقول قم بس قم انت وشكلك كنه وايت مياه غير صالحه للشرب .
برميل: هههههههه ضحكتن انت وشكلك كنك فأر منحاش من الحكومه.
مسواك: شف سنونك كنها طلاب ثالثه جيم واقفين عند مقصف .
برميل: عاد من زين سنونك كنها ضارير متناقرين
ليكون طولت عليكم
دكتور مسواك وبرميل الا طولت على الاعضاء انت واسمك الي كنه فندق خمس نجوم بدون حمام