حوار بين نحيف وسمين ...........

السلام عليكم ورحمة الله وبركاته
رجعتلكم ......................:28:

حوار بين نحيف وسمين
هذا حوار بين شخصيتين الاول : اسمه عليان . انتل ونحيف مره . والثاني : اسمه : محماس . تفخ . ودب
عيارين من الدرجة الاولى. صار بينهما الحوار التاااااالي : .

ـــــــــــــــــــــــــــــــــــــــ
الانتل: وينك فيه يا التفخ سمعت انك متنكر وموقف في الشارع والعالم يدورن حواليك يحسبونك دوار
ـــــــــــــــــــــــــــــــــــــــ

التفخ: لا يا جنط انا اللي سمعت انك متنكر وخاش مكتبه وقاعد على اساس انك قلم رصاص
ـــــــــــــــــــــــــــــــــــــــ

الانتل: يا رجال كل تراب والله لو تصبغ جوانبك اسود وظهرك اصفر صرت كنك حراثه
ـــــــــــــــــــــــــــــــــــــــ
التفخ: الحين متزاين جسمك والا نسيت يوم طلعنا البر ونمت على طعس بغى يدعسك ونيت يحسبك حيه
ـــــــــــــــــــــــــــــــــــــــ
الانتل: ابحلف بالله ..انت وجسمك انك لو تنسدح على جنبك الايسر وترفع يدك اليمنى صرت كنك حرف
ـــــــــــــــــــــــــــــــــــــــ
التفخ: قوووووويه هاههاهاهاهاه لكن شكلك نسيت يوم تمرض وتروح الدكتور وقال نبي نسوي لك اشعهx
قال مايحتاج وخذك وحطك على نجفه وشاف وش اللي فيك
ـــــــــــــــــــــــــــــــــــــــ

الانتل: يارجال من شفتك لين جيت تركب السياره دهنت جوانبك بفازلين علشان تزرق في السياره وانا غاسل يدي منك
ـــــــــــــــــــــــــــــــــــــــ

التفخ: ايه ولين ركبت جنبي قمت اعشق فيك احسبك القير من نحفك
ـــــــــــــــــــــــــــــــــــــــ

لانتل: أقول أها بس أهااا عنبوك من سمنتك صار الواحد يشوف خدودك وهو واقف وراك صايره خدودك كنها مخابي كوت فيها فصفص
ـــــــــــــــــــــــــــــــــــــــ

التفخ: اقول الحين متميلح نفسك انت وعصاقيلك اجل تبيني اصير مثلك لين جاء هواء طقو اهلك في ثوبك مسمار في الارض يخافون عليك تطير
ـــــــــــــــــــــــــــــــــــــــ

الانتل : تدري كل ماشفتك ياالتفخ تذكرت رجال كفرات ميشلان اللي في الدعايه
ـــــــــــــــــــــــــــــــــــــــ
التفخ: تصدق بالله لو نشبك في يديك اسياخ صرت كنك حارس فرفيره
ـــــــــــــــــــــــــــــــــــــــ

الانتل :مسكين والله لو افصخك ثوبك وفنيلتك واجلسك على الارض جوك التايلنديين يعبدونك يحسبونك بوذا
ـــــــــــــــــــــــــــــــــــــــ

التفخ : ماشفت نفسك وانت واقف ترى رجليك ساق بدون ركبه
ـــــــــــــــــــــــــــــــــــــــ

الانتل :اقول سمعت ان اهلك يروشونك في الحوش بمكانس من كبرك
ـــــــــــــــــــــــــــــــــــــــ

التفخ: انا سامع انك تتروش في المغسله
ـــــــــــــــــــــــــــــــــــــــ

الانتل: انا سمعت انهم صوروك يبون يطلعون لك جواز وحطو صورتك وكتبو تحتها
تتبع في الصفحه الاخرى
ـــــــــــــــــــــــــــــــــــــــ

التفخ : ان سمعت انهم صوروك 4 في 6 طلعت كلك
ـــــــــــــــــــــــــــــــــــــــ

الانتل : انا سمعت انك اذا بغيت تركض تدربا اسرع لك .
ـــــــــــــــــــــــــــــــــــــــ

التفخ : اقول رح بس وراك انت وخدودك كنها مضارب تنس ارضي .
ـــــــــــــــــــــــــــــــــــــــ

الانتل :ههههههههه ضحكتني انت وخدودك كنها دف طقاقه .
ـــــــــــــــــــــــــــــــــــــــ

التفخ : اقول شف شكلك كنك ريال بيد بزر .
ـــــــــــــــــــــــــــــــــــــــ

الانتل : اقول شف خشمك كنه صفارة حكم .
ـــــــــــــــــــــــــــــــــــــــ

التفخ : لا من زين خشمك كنه بزبوز مغسلة مطبخ .
ـــــــــــــــــــــــــــــــــــــــ

الانتل : اقول قم بس قم انت وشكلك كنك وايت مياه غير صالحه للشرب .
ـــــــــــــــــــــــــــــــــــــــ

التفخ : هههههههه ضحكتن انت وشكلك كنك فأر طايح ببالوعه .
ـــــــــــــــــــــــــــــــــــــــ

الانتل : شف سنونك كنها طلاب ثالثه جيم واقفين عند مقصف .
ـــــــــــــــــــــــــــــــــــــــ

التفخ : عاد من زين سنونك كنها ضغاطات مسجل صناعه صينيه...................

.................................
منقووووووووول