وظيفة الكاشير في الأساس يشغلها الشباب السعودي
يعني حيسرحو شبابننا ويقطعو رزقتهم على غير سنع
********

ثمان ساعات بوجيه العالم الصاحي والطاحي؟
ثمان ساعات لابسه نقاب ؟ ما تنكتم ؟ ما يصدع راسها من ربطة النقاب << متعقدة
ثمان ساعات واقفة؟
ثمان ساعات وهي حامل ولا عليها الدورة ؟
ثمان ساعات تشتغل فيها أغلب الحواس ؟
.........الخ

هذي ماهي وظيفة أنثى هذي وظيفة أبضااااي
الله يرزق كل محتاج ويكفيه بالحلال عن الحرام وبفضله عن من سواه

ادري ان كلمي لابيقدم ولا بيأخر ,,لكن رح اعتبرها كلمة حق ..اسأل الله ثوابها..

انا عندي تنبيه ,,من الااخت ادارة المنتديات ..مع اني ماتكلمت اصلا..ههههههه.. ولكني اقتبست مجرد اقتباس لاحد الردود والله مو فاكرة اش الكلام المكتوب بالضبط وانا متاكدة مافيه اي تطاول لا على شيوخ ولا علماء ..على العموم ..

ماهمني التنبيه ..كلمة الحق ابقولها ..:)

يااخت كاندريل ..انتي طلبتي الايجابيات ..مع انك والله اعلم ..معارضة وهذا اللي فهمته من ردودك على الاخوات اللي ذكروا الايجابيات..فغريبة كيف معارضة وتطلبين الايجابيات اذا كان قصدك عشان تردين عليهم وتقنعينهم ..فاحب اوضح ان ردودك والله ليست مقنعة..
شوفي ياكاندريل ..حتى قراءة القرآن والجهاد والصدقة ممكن تكون حرام وفيها سلبيات..!!!

بتقولين حرام عليك كيف فيها سلبيات

اقول ..لو كان فيها ريـاء ولغير وجه الله فهي رياء ووبال على اصحابها

وهناك حديث ورد في ذلك..

القضاء عزيزتي ..ممكم يكون طريق الى النار

بتقولين كيف اعظم مهنة!!!

اقول لو كان القاضي ظالم فقاض في الجنة وقاضيان في النار والله اعلم

حتى العبادة لو زدنا فيا لاصبحت غلو في الدين ..وهذا مانهى عنه جل وعلا ..مع انها عبادة

فلكل شي سلبيات وايجابيات

عزيزتي كاندريل ..انا وانتي والاخت ادارة المنتديات وجميع المشاركات ..قاعدين على النت

دليل ان عندنا لاب توب ...دليل انا عندنا قدرة على دفع خدمة النت ويمكن تكوني انت او انا او اي وحدة عندها ولله الحمد
الحد الادنى من الرفاهية
تعرفي ياكاندريل اش اقصد بالرفاهية
اقول لك
اب ..ام ..اخ كبير ..بيت ..جوال..زوج صالح..

ممكن تقولين هذا شي عادي الرفاهية هي الجوال الفخم وزالشنط الماركة والفرش الفخم والسفر والتماشي

اقول لا مو هذي الرفاهية ..هذا الشبة مستحيل لبعض الناس ومايحلم فيه اصلا

انا ياكاندريل ..اعرف كثير بنات ماعندهم هذي الرفاهية ..نعم كاندريل انا اعتبرها رفاهية ..



كاندريل ..تبغي ايجابية ..

طيب انا اقول لك ..الفلوس

ايوة الفلوس ..

بتقولين ليش الفلوس ..

واكيد رح تردين على كلامي وباي طريقة بتلاقين رد مفحم ..وبتعتقدين انك خلاص رديتي على كلامي وانك استطعتي افحامي
وانك فزتي وطلعتي انتي الصح وانا الغلط ..لان عندك على كل شي رد ..وكل الايجابيات اللي ذكروها البنات قدرتي تعكسيها وتردي عليها..طيب ياكاندي انا رح اعتبرك فايزة وكل كلامك صح وكل البنات اللي قالوا ايجابيات طلعوا غلطانين ومو فاهمين شي

لكن بعيد عن النقاش والحوار والايجابيات والسلبيات ..


فيه بنات ياكاندي ..ماعندها ملابس داخلية ..ايوة يكاندي .. الاخت اللي تقول بنات الخليج مدللات
اقولها اعرف وحدة ماعندها سنتيانة تلبسها او كلوت ..ادري اني ماني مظطرة احلف لان كلامي لاحيغير تفكير احد ولا رايه

ولكن للي يهمها هذا الامر واللي بتصدقني بس ..اقسم بالله.. اني اعرف بنات ماعندها حق الكلوت والسنتيانة ..

ولو ماصدقتيني عادي ترا ..لان حتى لو صدقتيني ..حتردي عليه وحتقولي ولو وبرضه ..لان عمري ماشفت احد غيرة رايه

يشوف الشحاته ومايغير راية
يشوف البياعة في الشمس والحر والقرف وما يغير رايه
يشوف المريض اللي ماعنده حق الدوا ومايغير رايه
يشوف اللي ينتظرون ماتجود به الجمعيه الخيرية من القرف الله يكرم النعمة.. ويقول ولو وبرضه
والله العظيم وحدة تقول بعدما ذلوني حقين الجمعية الخيرية ..يطالبون باثبات اني محتاجة ..اصلا لو كنت غنية بروح اشحذ الحمدلله والشكر..تقول بعدما ذلوني جابولي رز مسوس ودجاج اقسم بالله معفن وفيه ريحه ..اصلا تقول ماعندي عشرة ريال حق الليموزين من شدة فقرها وجوعها هي وعيالها..

اكتشفت حاجة ياكاندي ..كل الناس اللي اناقشهم.. كلهم ..مرفهين ..عندهم ام او اب او اخ او زوج او عم او حال او بيت او او او او

فعشان كذا يناقشوا ..وبطنهم مليان ..وعنهم جوال..وفلوس يروحوا يشتروا الدوا والمستلزمات الضرورية

تقوليلهم والله اعرف وحدة ماعندها اولويز للدورة الشهرية ..تقول تروح للجمعية الخيرية ههههههههههههههه
تقولي اعرف وحدة والله العظيم سنتيانته مقطعة من كل مكان يردون عليك ..يقولون خلها تصبر ومن ترك شيئا لله ههههههههههه

اصلا الغلط مو فيها ..الغلط في اللي يناقش اللي بطنه شبعانة..وجيبه عمران بالمال

ولا لو تروحين للفقيرة تلاقينها ودها تاكلك بكبرك من شدة الجوع.. لاحول ولا قوة الا بالله ..ولافيها حيل تناقش ...ودها تشتغل اي شغلانة بس عشان تشبع عيالها الجوعانين ..او تجيب لهم دوا ..

واحنا ندور ايجابيات وسلبيات ...!!!
طبعا ندور ونناقش لان الانسان لما يشبع بطنه ويقعد على لاب توب باربعة الاف او حتى ابو الف

يصير يدور نقاش.. ويبغى يجادل ويجيب ادلة ويشوف الناس كلها زيه مكتفية وسادة حاجاتها الاساسية

ادري ان كلامي ماراح يعجب احد ..ادري ان كاشيرات بندة ماعنهم قدرة انهم يدخلوا نت ..ويشوفون الناس اش تقول عليهم اللي تقول متمكيجات واللي تقول متساهلا ت في الحجاب واللي واللي ..الله يغفر لنا بس ..ولا يجعلنا ناخذ ذنوبهم

الخلاصة

انا ساكنة جنب بندة وفعلا تعاملات مع هذولي الكاشيرات اللي الناس قاعدة تناقش وضعهم ..وهم قاعدين يدورون القرش قبل الريال..
واقول لك ..اذا يهمك الامر فعلا ..
تعالي حياك وشوفي الوضع بنفسك ..وتكلمي معاهم وتلمسي حاجاتهم واجمعي لهم تبرعات تسد حاجتهم
خصوصا الاخت اللي تقول بنات الخليج مدللات ..تحسب الناس زيها الله يسعد قلبها ويتم نعمته عليها يارب

كاندريل
يمكن كلامي ينحذف زي المرة اللي قبل ..يمكن كلامي يكون ثقيل عليك..لكن والله من الحسرة والالم ..
فسامحيني اني تكلمت بصراحة ..
واقسم بالله ماكنت بناقش ذا الموضوع .. خصوصا بعد ماجاني تنبيه ..وادركت سياسة تكميم الافواة ..المتبعة في عالم حواء

فقلت يابنت اش عليك ..ادخلي نت ..وتونسي وبلاش وجع راس ..

لولا اني شفت عنوان موضوعك الراقي وتوسمت فيك خير حسيتك انسانة حنونة مدري ليش هههههههه..والله لو مادخلتي قلبي ماكان رديت عليك ,,

اتمنى ان مفتي عام المملكه يفتي فيه
او احد يسأله
لكي لا نحلل ونحرم بما لا نفقيه فيه الاظاهــــــــره

اللهــــــــــــــــــم لا تجعـــل الدنيـــــا اكبــــــر همنـــــا........

اللهم بـــاعد بيننــا وبين الشبهـــات والشـــهوات



............................



سبحان الله وبحمد سبحان ربي العظيــــــم

استغفر الله .... ولا اله الا الله وحده لا شريك له

الايجابيات صفر
السلبيات:
1- الاختلاط بالرجال واخذ وعطى معهم .
2- النظر والتركيز عليها أثناء المحاسبه .
3- تزاحم الرجال في عملهم على حساب عمله الذي خلق من أجله وهو القوامه على البيت .وقد أمرت المرأة بالقرار في البيت .
4- تزيد نسبة البطالبة بين الرجال وهم بأمس الحاجة إلى العمل .
5- توجد وظائف للنساء كثيرة دون الاحتكاك مع الرجال التي قد تتعرض معه لتحرش وهو الذي سوف يحصل .
6- هي مؤامره على خروج المرأة من بيتها وتربية أبنائها وهو الهدف الاسمى لها ولفطرتها .
وكم شاهدت بعيني نساء يعملن في أماكن مختلطة فيها تحرشات ومواعيد و...................