اختي في حملي الاول كنت اراجع عند الدكتور الافغاني في مستشفى المواساه.. واهو بعد ولدني.. بصراحه وااااااااايد ارتحت له واحسه حنون ويخاف عليج ولايبيج تتالمين.. بس ترى كماكم مو قوي.. بس انا خذيت ابره الظهر.. وارتحت وايد منها..
المستشفى وايد راقي وهادي.. ومعاملتهم حلوه.. وبعدين غرفه الولاده مريحة يعني ماتحسين برهبه او خوف.. عادي جنها غرفه عاديه وفيها تلفزيون.. واي احد يدش معاج عادي.. وفي وقت الولاده تتغير الغرفه وتتهيا حق الولاده.. ويقدر زوجج او اي احد من اهلج..امج خواتج..يقدرون يدشون معاج.. وغرفهم وايد راقي..بس اسعارهم غاليه شوي..
الحين انا اراجع عنده في حملي هذا وسويت الربط عندهم بعد.. وعند دكتور الافغاني بعد.. المراجعه تكلفج 15دك حق الموعد.. واذا الدكتور راح يسويليج سونار اللي عنده يكلفج عشره دنانير.. اما السونار الكبير فسعره 30 دينار.. ودكاتره الاشعه والسونار يسونونه لج.. بصراحه المستشفى نظيف وزين ..وانشالله بولد في ..والله يسهل يارب.. واي استفسار انا حاضره :)

مشكورة وايد حبيباتي على الرد
انا الحين اراجع عند دكتور عادل بمستشفى الراشد بس المستشفى مو عاجبني . بس الدكتور يمدحونة
وبالنسبة لسؤالك اخت الاء

اخر دورة جتني يوم1 . 8

وبالنسبة لك أختي نونا سونا وايد شكرا حبيتي وتدرين ليش اسال عنها لانة جنب بيتي اقدر اروح لها مشي عشان يا حبيبتي زوجي كسول واخاف يضيع على المواعيد هي شكلها من برا حلو بس بصراحة خفت منها وانا بكرية وابي احد يدخل معاي
اشكرك بعد كل الي ردوا علي (دلوعة حمني , عبقرية كويتية , رياح الجبل, وعسولة ومنال , وطبعا غلا الدنيا )

شوفي يا قلبي وانا عندي بنتين الاولي ولدتها بالهادي صحيح انها كانت الولاده متعسره لاني بكر والرحم ماكان مفتوح بس ولدت بسلام ولاده طبيعيه عند بهواني وخياط مافي احسن منه وكل شي تمام حملي الثاني قلت بغير وبروح المواساه وراجعت عند شاديه وصراحه مثل ماقالوا البنات نفس شينه وبوز وشطوله وبس تبي تخلص مالها خلق تسوي سونار ولا لها خلق شي وماديه حيل والأعظم من كذا لما جات حزة الولاده جيتهم الرحم كان مفتوح 5 سم والطلق حامي وكانت الظروف كلها تقول مفروض تكون ولادة طبيعية ومع هذا برمشة عين ماشفتهم إلا هم شايليني وموديني غرفة العملية وفاتحين بطني والحين لي سنه وعمليتي تصب ماي وغي الله لا يوريج تحسفت قد شعر راسي بس ما أقول إلا قدر الله وماشاء فعل والحمدلله