البنات اللي جربوا ولدوا وزواجهم مسافرين ياليت تفيدوني وتخففون عني شوي

انا حاليا بامريكا لان زوجي عنده دورة وماراح يخلص الا في شهر 5 من السنة الجاية وزوجي رافض اولد عنده بامريكا لانه بيكون في قاعدة عسكرية في ولاية اوكلاهوما وهالمدينة مافيها شي يعني مثل حفر الباطن بالسعودية وانا بكرية ودجة مااعرف لامور النفاس وامي ماتقدر تجيني فزوجي قرر اني ارجع للسعودية بعد 3 شهور واجلس عند اهلي الين اولد ويرجع زوجي بالسلامة :crap:

امي لو اجلس عندها العمر كله ماقلت شي بس ماتخيلت اني اولد وزوجي مو عندي وخاصة ان هذا اول طفل لي ومو متخيلة ان زوجي ماراح يكون جنبي بالمستشفى وماراح يكون معي في كل مرحلة من مراحل حملي

يابنات نفسيتي تعبانة صح باقي على ولادتي كثيررررررر بس افكر في هالموضوع كثير وخاصة اني ابرجع للسعودية بعد 3 شهور وماراح اشوف زوجي الا بشهر 5 هجري :06:

فيه احد مثلي ولدت وزوجها مسافر

انا كتبت هالرد لاني ابغاكم تعطوني شي ايجابي في اني اولد وزوجي مو عندي :icon33:

انا لما افكر بيني وبين نفسي مالقي ولا شي ايجابي كل تفكيري ابغى زوجي جنبي وبس

كلامي مخربط بس والله انا حالتي النفسية مايعلم فيها الا ربي

لاتقولون لي اقنعي زوجك وأولدي في امريكا زوجي رافض وتكلمت معاه بمافيه الكفاية واخر شي تهاوشت معه :angry2:

يارب سهل علي :(

بنات انا بعد حامل و ولادتي في اول نوفمبر
بس يمكن ما اتالبعكم دايم لاني ادرس


آخر تحديث
مواليد شهر 5
سعوديـــه -امريكا 30/5/2011(ماشاء الله ..ولدت وجابت بنت)
رااويه - امريكا 30/5/2011 ( ماشاء الله ..ولدت وجابت ولد )

مواليد شهر 6
ام نواف ونوف -امريكا - 2/6 (ماشاء الله ..ولدت وجابت ولد )
سمو آنثى 6-6 (ماشاء الله.. ولدت وجابت بنت)
السعاده . امريكا. 10/6 (ماشاء الله.. ولدت وجابت بنت)
ظل انثى- امريكا- 11/6 (ماشاء الله ..ولدت وجابت بنت )
دلال 20-امريكا-14/6
ashouaaq99 - 6/20 (ماشاء الله.. ولدت)

مواليد شهر7
тoFı Oм Ksнαн فانكوفر 13-7ان شاء الله
بنت انديانا . امريكا .16-7 ان شاءالله
kitkat55 امريكا 16/7 ان شاء الله

مواليد شهر 8
عطري انفاسه 16 /8 باذن الله
احساسي غلاك - بريطانيا - 20\8
ح ـكآية روح امريكا 22/8 بمشية الله
توتو =27 /8

مواليد شهر 9
جــنان _ أمريــكآ _ 22/9
العين تدمع لاجلكم 10/9


مواليد شهر 10
نور عيني1-استراليا-4/10 ان شاء الله
#فراشة الأمل# بريطانيا 5/10 إن شاء الله
sweety امريكا 11\10 الولاده بالسعوديه ****لله

مواليد شهر 11
حواء ذوق -امريكا- 11-1
تعبت من الغربه3/11
المرجوحة حواء_امريكا_11/11
face 2 face -بريطانيا - 25 /11
@ام ليان@ 11/27 بأذن واحد احد

مواليد شهر 12
حنين وطن 12\12
ام فـ المزعج ـروسي ..17\12
مياسين الحب 13/12
سمرا1980 .../12

حوامل 2012

مواليد شهر 1


مواليد شهر 2


مواليد شهر 3

الله يتمم على كل حامل ويقر عيوننا بشوفتهم بصحة وسلامة

جنان

اهلي توهم مرسلين لي اغراض ع البريد السعودي السعر غالي بس ارخص من الفديكس
و الاغراض مافتحوهم ابد ابد
بس انواع التكسير والكراتين متعفطه من التجديع معامله اي كلام
انتبهي قولي لاهلك مايحطون شي بقزاز كل شي بلاستك وغلفونه ب نايلون ولا اكياس عشان اذا انكسر ماينكب

الله يسهل على الجميع

بنات مرررررررره تعبانه من الحرقان زي النار في معدتي وحلقي وش الحل الحليب مانفع لي اربع ايام

وشي ثاني وشلون تنامون بالليل مت مااقدر اتحرك وظهري يوجعني حيييييل و النوم صعب ولا اقدر اتقلب انام على جنبي واذا صحيت اصير ماتقلبت وانواع الالم بكتوفي ويديني
وش الحل؟؟؟

انا بدخل الاسبوع 24

جنان الرباعية مايسوونها الا للحاجة القصوى الله لا يقدر شر واذا تبين روحي لخاص هم اللي يسوونها انا بحاول اني اسويها على حسابي ان شالله والالم الله يعين بس مررررة يخوفني
الله يسهل عليك بالشحن بس نصيحة حطي اسماءها بالانجليزي على كل علبة وش تحتوي انا باستراليا يعني مقدر افيدك بشي

حواء ذوق حياك الله بيننا الله يعينك اذا انتي بمنطقة حارة كلي ايسكريم يخفف الحركان او زبادي بالخيار اذكر كنت اسوي كذا بس انتي مرتفعة يعني ان شالله اخف من حركات الوحام

خزامى الله يعينك انا لو لا الله ثم ان عندي دراسة كان ولدت عند امي بس الشكوى لله انتي منتي مخيرة لان ظروف المنطقة على كلامك صعب فتوكلي على الله وبعدين لا تفكرين من الحين مرررررررررررررررة تو الناس