السلام عليكم..
أخبآر الكروشات الحلوآت؟؟؟

اعذروني يآبنآت علا الانقطاع تعرفون التعب ، والنو نو الله يصلحه مايخليني،
تروني متابعة لكم بس مافي وقت ادخل واشارك،

نور عيني ياقلبي ،الله يرزقك بالولادة السهلة الميسرة الغير متأخرة ويهون عليك ويقر عينك بطفلك ياااارب
المرجوحة كيفك مع الثقل؟؟ اذكر بالثامن انا استويت خخ الله يهون عليك ويفرج لك ولباقي البنات
اقدر الامكم الله يبارك بايامك ياعسل وعقبالك

بنات تبون اكشن ولادتي ولا مو لازم>> عجآزة خخ

جآكن الأكشن :05:

طبعا تذكرون يم اقولكم عن موعدي كان الجمعة وقالت لي مفتوح 3 سم , واستغربت انهم ماقعدوني عندهم ,

بس اتوقع لانه ماكان معي الم او دم ..

المهم من بكرا السبت قمت مافيني شي , وطلعنا برا , يم صار الظهر حسيت بألم خفيييف فبطني ,

يعني مزعج شوي بس عادي وطنشته ,

يم صار العصر كنا تونا راجعين البيت , وبدآ فيني ألم زي الدورة , يروح ويجي وكلمالة ويشد , بس برضو محتمل

تعرفون اول ماتنزل الدورة زيه بعدين يشد معك لين تبكين خخخ

المهمة قلت شكلها الولادة لانه اول مرة احس بألم ويستمر ويقوى , وخصوصا انه عنق الرحم مفتوح ,

فمااستبعدت انها الولادة , طبعا كنت عقب فطوري ماكلت شي , وقلت لزوجي نطلع نتغدى برا ,

مع اني كنت تعبااانه ويالله أمشي , بس أخذت بنصيحة اللي يقولون لا تروحين تالدين الا وانتي شبعانه لانهم يجوعونك بالمستشفى وصدقوا ..

المهم بالمطعم صار يشد علي الام واجدع الملعقه خخخ بس اقاوم اخر شي قلت لزوجي عجل حاسب بنروح المستشفى ,

طبعا كنا بالمطعم العربي وحافظيني القرصونات خخخ انا وكريشتي , عاد تقولي وحدة منهم يم جينا نطلع تشوفني يالله امشي وواضح اني اتألم ,

تقول كم وذ بيبي , يعني حامت تسبدنا منتس انتي وكرشتس اخلصي علينا خخخخخخ:hahaha:

ورجنا البيت واذن المغرب وصليت المغرب والعشاء واخذت شنطة البيبي يازينه , وطلعنا وجلست اقرى اوراد الولادة اللي من ابن عثيمين ,

وصلنا المستشفى وأنا حاسة بالفرج قررررب وشعور جميل > دخلت جو :35:

ودوني لانتظار بقسم الولادة , بعد نص ساعة دخلوني لغرفة الكشف , وقلت للممرضة انو عندي آلام وكذا وكشفت علي قالت فاتح 4 ونص شكلك خلاص ولادة ,

وبدت تسألني أسأله كثيرة , وتاخذ معلوماتي , وسألتني اذا ابغى ابرة الظهر وطلبتها ,

بعدين أخذوني لغرفة الولادة ههههههه , المكان المرعب عند بعض البنات خخ انا الحمد لله احسن غرفة دخلتها بالمستشفى كني بفندق مو غرفة ولادة , روووعة ماحسسوك انك داخلة تالدين ,

غرفة خاصة فيني وفيها حمام خاص , وغرفة صغيرة على جنب فيها عدة التوليد وسرير بيبي وكذا ,

طبعا هذا الساعة 10 بالليل , المهم وحطوني عالسرير , وجت القابلة او الممرضة الخاصة فيني

اسمها سارا هع ياحليلها طيوبة , وركبت لي المغذي وقاست لي كم فاتح كان بين الخمسة والسته ,

وشوي وجاء طبيب التخدير , عشان ابرة الظهر , وجلسوني وخلوني اضم مخدة واثني ظهري ,

وكشفوا ظهري وعقم المنطقة وسوى عدت اشياء نسيت وشي بس مايخلونك تخافين ,

يقولولك على الخطوات اللي جالسين يسوونها عشان ماتتفاجئين بشي وتتحركين ,

المهم تراها مو ماتححسين فيها الا تحسين بس شي خفيف ومحتمل بس مزعج مرة

خصوصا لحظة انتشار المادة المخدرة لا بطوك باالابرة بس ثواني ويختفي ,

والله يابنات كنت أون قبل الابرة يم رجعوني وانسدحت دقايق وانا مافيني شي واختفى الطلق ..!

عاد صبر الدكتور ماراح لين تأكد انو بدا مفعول الابرة اللي هو تنميل بالرجلين ,

وصار الجزء الاسفل من جسمي مخدر مآ أحس فيه, والباقي عادي , بس لا زم احد يقلبك اذا بغيتي لانك ماتعرفين تحركين رجليك ابدااا مخدرات ..

طبعا الممرضة قالت لي بجي كل فترة اشيك عليك واقلبك على جنب عشان ماتتعبين , وفعلا صارت تجي كل فترة وتسوي اللي قالت , واحيانا الله يكرمكم تاخذ البول مدري كيف تطلعة سبحان الله ويبدا يصب في علبه معها > حومت تسبودكم صح هع

المهم وكل ساعتين تفحص كم فاتح لين جاء بكرا اللي هو الأحد الساعة 9 , قاسوا وكان موقف على 8 سم عيى يفتح اكثر من كذا ,

وقالوا لي بنحط لك مادة تساعد على فتح الرحم والولادة و قلت اوكي ,

وطبعا كل الفترة اللي راحت ماحس بألم , لدرجة اني نمت بالليل خخ , بس على 8 الصبح بديت احس بألم خفيييف , وقلت للممرضة توقعت انها تزيد لي الجرعة ,

بس قالت لا عادي حنّا نبغاك تحسين شوي لأنه هذا بيساعدك وقت الولادة , عشان تحسين بالدفع وتقدرين عليه ,

وبعد ماحطولي المادة اللي يقولون , بدا الالم يشتد وصرت اون على خفيف هع , وكلما له يزيد اخر يم جت الممرضة قلت لها (( طبعا انا ما اتكلم انجلش الا كلمات بسيطة , وزوجي هو اللي تفاهم معهم هههه لانه ماكان موجودة مترجمة ))

وقلت للممرضة عن الالم وفحصت قالت خلاص ولااااااااادة 10 سم , وزجي انبسط قال خلاااص هانت وانا من الفرحة جلست اصيح وارتبكت ههههههه


وعلطول مماشاء الله جت الدكتورة ومعها طالب مدري شدخله هع وممرضة ثانيه غير حقتي شكلها عشان البيبي ,

ويفتحون الانوار ويستعدون ويرفعون رجولي , وتجلس الدكتورة قبالي عند مكان خروج البيبي , وزوجي واقف عند راسي ,ويواسيني عشان ماانهبل هع

والممرضة حقتي جنبي بعد , وقالوا اولا ماتحسين بألم ضمي رجولك او رجعيهم لمك وادفعي وحاولي ترفعين راسك وقت الدفع لانه بيساعدك ,

والله ويجيني الالم واسوي اللي قالولي وادفع بقووووة وهميشجعوني قود جب :tongue3:

وهكذا كلما جتني طلقه يخلوني ادفع وتشجيع رااائع منهم ,

ولاحظت انهم يصبون زيت على المنطقة عشان يساعد بانزلاق البيبي بسهوله..!

وظليت على هالحال سآعة أو ساعة تقريبا , والصراحة انها اصعب واهم مرحلة لكن الحمدلله ربي يسرها لي ,

لاني ماخذه الابرة , وكان الألم قوي بهالمرحلة لكن شديت عزمي وحاولت قد مااأقدر ادفع عشان يطلع البيبي بسرعة ولا يدخلوني عملية ولا ينضر راسة ,

لان احيانا تلاحظون بعض البيبيات روسهم طويله سبحان الله هذا ترا من الدفع السيئ ولا اللي تدفع شوي بعدين توقف تقول خلاص ماعاد فيني , لأ عسولات مهم جدا بهالمرحلة تطلعين كل طاااقتك من صبر وتحمل وعزم لأنها مهمة >> تلاحظون بديت أتفلسف :icon19:

المهم يم صارت 12 وربع شرف ولدي الحمدلله , اول ماطلع راسة يقولي زوجي خلاص طلع راااسة طلع راسه خلصتي وانا مو مصدقه جالسة ادفع خخخخخ وأقوله صــدق !

وزلق معه جسمه وشآلته الدكتورة وحطته على بطني وكان يصيح فديته وآزرق خخخ وانا اناظرة مو مصدقهواسمي عليه وماقدرت المسه من الصدمه هع وقالوا لزوجي قص حبله السري وعطوه المقص وقصة حرركات لحظة تاريخيه الحمدلله ,

وآخذوه للغرفة الجانبيه وجلسوا يهندسون فيه يادلبه وهو يصايح وانا اصايح معه خخخخ واحاول أطل عليه وأسمي عليه ودموعي غرقانه مو مصدقه انو هذا البيبي لي وانو طلع خلاص وصار معي اقدر اشوفه والمسة واضمه
يالله مشاعر عجيبة ذيك اللحظة الله لايحرمكم منها ,

وجلست الدكتورة تخيط فيني , وسألت زوجي هم شقوني ووش بتسوي وسأها , قالت البيبي شق , وانها بتخيطني من برا وجوى , واطمئنيت لأني كنت شايله هم الخياطة هنا فامريكا ..

وجابولي البيبي بعد ماخلصوا منه وخلصت الدكتورة , يادلبه وشله ابوه وعطاني اياه وانا كأني فحلم وه بس الحمدلله..~

وكلمنا اهلنا نبشرهم وتعالوا اسمعوا صياح امي وام زوجي من الفرررحة الحمدلله ..

وبعد اربع ساعات ودوني لغرفتي وحمموا البيبي وجلست اشمشم فيه فديته ههههه

ومانمت من فرحتي وخبتي الا من بكرى اللهم ساعتين كذا في الليل ..

وطلعت الثلاثاء العصر لبيتي الحمد لله , والدنيا مو واسعتني من الفرحة لحظات حلوة وانا اطلع من المستشفى وشايلة ولدي بحظني , ويم دخلت البيت وهو معي بين يديني واول كان فبطني ,

واللي بكاني دخلت غرفة النوم ولقيت سجادتي وعندها الكرسي اللي كنت اصلي عليه لاني كنت تعبانه مااقوى اوقف اخر الوقت واقول الحممممممدلله اللي خلصت واجلس امطخ في ولدي هع


وتوته توته ولدي يصيح مع السلامه خخخخ

^^^^^^^^^^^^^^^^^^^^^^^^^^^^^^
اخيرا وصل الاكشن ماشالله تبارك الله الله يخليه لكم يارب وتفرحون فيه عريس ان شالله
والله اثر الولادة تطول وانا احسبها على طول يطلع الله يعين والله شلت هم
والله يعينك عالخياطة بعد هذي عوقة بس الحمدلله شي احسن من شي
والله الله بالتجارب على ولدك عشان تعطينا دروس عقب ان شالله خخخخخخخخخ

ان شالله الدور عندي قريبا يااااااااااااارب عسى يفحصوني ويشيكون موعدي الاثنين ان شالله لان قبل يومين قالوا مسككككككككككككر تماما مافي اي بوادر سبحان الله لا وشككوني بوزنه كل من كشف علي قالي البيبي صغنون

الله يسلمك وعقبالك يارب عن قريييب،،

لا مدة الولادة تختلف مو كل الناس وحدة انا يقولون لي اهلي طولتي لاني جلست يوم كامل اطلق،
تطمني خيتو لا تشيلين هم الولادة بتتيسر ومصيرها بتنفرج ماراح يعمر فبطنك خخخخخ

^^^^^^^^^^^^^^^^^^^^^^^
امين يارب
اجل كود اني ما اطول على اني اغلب احساسي اني بعوشر خخخخخخخخخ الله يجيبه اهم شي بالسلامة والعافية
هو انا ما طفشني الا الطلق على قولتهم الكاذب ذبحني ظهري هلكت منه حتى يوم رحت للمستشفى اقولهم ماعاد اقدر تخيلي تقريبا 8 ساعات كل ربع ساعة مسكة في ظهر ي محتتتتتتتتترمة اصيح منها واهم مستنكرين يقولون مافي شي خخخخخخ وعطوني مسكن الم قوي شوي حبتين غير حبة للغثيان اللي فيني من شد الالم واشوى هجد الحمدلله

قالولي لا تجينا الا لا صار كل 5 دقايق خخخخخخخخخ ملوا مني الظاهر