حورية بغت تصير حرمة ..

حـــوريه انا بنتظــرك لين تكملينهــا ....

وبعـــدين اعلــق....

صار الصبح وطلعت الشمس

قعدتني امي علشان اتريق

ورحت غسلت وجهي وحاولت قد ما اقدر الهي نفسي باي شي علشان اتأخر

لأني كنت مستحية انزل تحت واشوف ابوي

جت امي واستعجلتني

نزلت وعدى الموضوع على خير

ما كلمني ابوي وسالني عن الموضوع الحمد لله ولا جان صارت علوم وسحت من الحيا

كل كلامنا كان عن اخوي وحرارته اللي كانت ترتفع وتنزل

خلصت ريوقي ورحت علشان ابدل

وجتني امي وقالت لي لا تكثرين مكياج حطي كحل وقلوس خفيف بس

طبقت كلام الوالدة وحطيت من هالمرطب على الوجه اللي جنه صحرا وخطيت الكحل بعويناتي وصبغت براطمي بالقلوس الوردي الفاتح وبخيت من العطر اللي مخلص ثلاث ارباعه وبخرتني امي

خلصت كل شي وصرت جاهزة :bkh:

وبعدين لبست شيلتي وحطيت عباتي على راسي وامي البست ولبست اخوي الصغير وصرنا مستعدين للحرب بكامل عدتنا وعتادنا

ركبنا السيارة مع ابوي وتوجهنا للمعركة :09:

ابوي عطى امي التعليمات والاسئلة المهمة اللي لازم تطرحها على المرة عن ولدها :arb:

وصلنا بيت جدتي

دخلنا وسلمنا عليها

وقالت جدتي لأمي انه الناس طيبين وعيالهم مدينين وملتزمين واهم خوش ناس

شوي ودقت جدتي على المرة علشان تجي

شوي ولا امي تقولي روحي الغرفة الثانية مع اخوج ولا تطلعين الا لما اقولج

جت المرة وسلمت وقعدت وقهوتها امي وصبت لها الشاي وقدمت لها الحلو وفطاير التقديم

نادتني امي ودخلت معاها وسلمت على المرة وقعدت جمبها ورديت شعري ورى وبعدته عن وجهي >>> مثل ما وصتني جدتي الله يحفظها

تمقلت فيني شوي وسألتني عن شهادتي ووين اشتغل

ورديت عليها بكل ثقة بس بصوت هادي وناعم على عكس ما كنت متوقعه اني باستحي وما راح اعرف ارد

شوي ولا امي تعطيني ذيج النظرة ذات المعنى يعني قومي طسي واخذي اخوج اللي عاث بالفطاير فساداً

نقزت وشلت اخوي وشردت للغرفة

الا امي تناديني تعالي يا فلانة ام فلان تبي تشوفج

وتقولي المرة ما مداني اشوفج بعد ليش انحشتي مني :30:

تكلمت عن عيالها وولدها وحريم عيالها شلون مدللينهم

وولدها :arb: انه ما عمره عرف بنات ولا يغازل ولا يدخن وانه ملتزم

وبعدين استأذت علشان تروح البيت وتطمن على شايبهم مريض شوي وتعبان وما تقدر تتأخر عنه

سلمت علينا واطلعت وقالت إن شاء الله بترد لجدتي خبر بعد ما تشاور أبو العيال والولد

اهي طلعت مني وانا حسيت ان هم وانزاح عني

دخل ابوي وكان توه واصل من صلاة الجمعة

واخذ تفاصيل الاخبار من بعد الموجز من جدتي وأمي

وطلع الرجال ما عنده الا ثالثة متوسط

ويشتغل بمحل موبيلات حاطينه له اخوانه

ابوي طبعا رفض وجدتي قعدت تقنع فيه الناس زينين وما يتعيبون وخوش أوادم

ابوي ما رد ولا قال قراره الاخير

انا لما قالت لي امي انصدمت

ومن يوم ما طلعنا من عند جدتي وانا افكر يا ربي فلان شلون شكله شلون صاير طويل ولا قصير ضعيف ولا متين حلو ولا جيكر وحسيت خلال الفترة اني صج بنت وانثى ممكن تنخطب وتتزوج >>> الاخت كانت شاكة قبل بروحها

يعني باختصار عشت باحلام وردية خلال الفترة على الرغم من ان سالفة انه ما عنده شهاده مو عاجبتني

لكن خليت الموضوع على الله ولأني كنت عارفة انه ابوي ما راح يتأخذ قرار الا بصالحي وما راح يختار لي الا كل زين

بعد كم يوم اتصلت المرة على جدتي وعطها الخبر اليقين

وجدتي دقت على ابوي

وابوي بلغ امي

وامي ردت علي

وكان الرد كالتالي :

الاخ :arb: يبي عروس :27: عمرها 18 سنة ما يبي وحدة اكبر من جذي

عاد رديت على امي :

شدعوة عادت انا كنت موافقة ولا ميتة عليه ما عنده غير ثالثة متوسط وجاي يتشرط

الحمد لله الموضوع ما زعلني ولا أثر فيني لأني كنت عارفة ومتأكدة انه سبب رفضهم مو العمر

لأ لأن أمه أكيد كانت عارفة عني وعن عمري وعن كل شي خاص فيني قبل لا تجي وتشوفني

لأني كنت متأكدة أنه شهادته وشغلته ما تسوى شي عندي >>> مو غرور والله بس ترقيعهتم للرفض وردهم يبط الجبد

وأني انا احسن منه مو العكس

الحمد لله ما ضايقني الرفض ولا حز بنفسي الموضوع

وقلت لعلها خيرة

ولا حقين على الزواج وهمه :angry::7_2_103v::3_13_11::3_13_12:


بانتزار تعليقاتكم

لي رجعه وأقراها شكلها حلوه

يا سالفتك سالفة يمكن صدق خيرة لك خيتو


مشكوووووووووووووورة ع القصه الحلوة


تقبلي مروري

ههههههههههههههه
حلوة بس ما خلصتها كلها لي عودة لتكملتها
يسلموووووووووووووووووو