كوبونات الراقية تسجيل الدخول

باساند
باساند •
مساء الخير

اليوم يابنات تخيلو خرجت سيارتنا على المغرب والساعه 7 وصلنا المستشفى قالو راح يوم الخميس يكون متواجد العصر بس

يووه بغيت ابكي طيب والمشوار والتحاليل وش اسوي فيها وبكره الجمعه قلت لزوجي اشرايك ناخذ التحاليل ونشوف اذا مافيها

شي يخوف خلاص اراجع بعدين واذا فيها شي نجلس للسبت قال والله جبتيها واخذ التحاليل ومريت على 4 دكاتره عشان نتأكد

وكلهم نفس الكلام كل شي تمام اللهم لك الحمد بس فيتامين د ناقص والترسيب مره فرحانه الحمد لله من زمااااااان مانزل عن 70

طلع عندي 40 وقالو لي جدا ممتاز انه نزل وبس الحمد لله تطمنت

رحت مستشفى الأطباء المتحدون ورحت عند دكتورة نساء قالت مره التهابات وعطتني 3 انواع حبوب وغسول ولبوسات

وان شاء الله يارب يفكني من هالألتهابات على خير

وبس هذا اللي صار لي

جوودي

ماشاء الله لاقوة الا بالله مره روعه ننتظر جديدك ان شاء الله
باساند
باساند •
روح علووش

ان شاء الله يارب توصلين بالسلامه عند اهلك وتستانسين

هناك

وعقبالي ان شاء الله اجي ابشركم اقولكم بكره موعد طيارتنا للشرقيه يارب ياكريم مررره مشتاقه لأهلي
أمووون
أمووون •
أختي كرزة برضه زي ماقالولك الاخوات لاتخافين ولا تتحملين وكلي امرك وامر امك لله وان شاء الله مافيها إللا الطيب وقد يكون فعلا الورم في الاصابع من الغدة سبحان الله انا سمعت ان القسط الهندي ممتاز للغدة وكمان هو زين للروماتويد حاولي تعطيها شوية سفوف ثلاث مرات باليوم ملعقة صغيرة جدا وانا رايي تشوفي دكتور ثاني عشان تتاكدين من التشخيص وسلامتها الف سلامة رينا يقويك ويساعدك ويعينك ويشفي امك ويشفي مرضى المؤمنين اللهم آمين ..
أمووون
أمووون •
باسند الحمدلله ان نسبة الترسيب منخفضة ربي لك الحمد بس برضه اوصيك تنتبهي لنفسك والالتهابات ليش ماتسويلها علاج عربي انا اسمع البنات يتكلمون عن عشبة مامنها صرر ويستخدمونها الناس من اول زمان بس صراحة ماني متذكرة وغير كذا اوصيك بموية دافية وملح اذا تقدري تقعدي عليها تمام او سويها زي الغسول الملح تراه ممتاز كمطهر ويستحسن لو كان ملح صخري او بحري طبيعي من عند العطار وكمان استخدمي المسك الاسود حق الطهارة هذا اذا سويتي منه ثلاث ايام متواصلة بعد الدورة يبعد الالتهابات منك وان شاء الله ربنا يشفيك ..

هموسة انا ياعمري سيم سيم انتا الذاكرة مضروبة مررررره حتى هنا في البيت عندي يعايروني ويستهزأون بي عشاني انسى كثير بس تصدقين كثير افكر اني في نعمة بسبب النسيان ماعاد اذكر مين ظلمني ومين اخذ حقي ومين آذاني كله انساه ههههههههه واحس هذا احسن شي دايما في سلام ..

جودي بصراحة انتي فعلا مبدعة انا قدني اعرفك شااااااااطرة ومجتهدة ماشاء الله عليك بس صراحة حكاية تعبت وصورة الابرة هي بتعبر عن جودي ومكنونها وصراحة تجيب للحزن لنا احنا الروماتويديات مانبي نتذكر الابرة والتعب والالم والطفش نبي شي يفرفشنا ..

توفي يالله اتشجعي دوريلك على صور حلوة اشتغلي عليها ..

وردة صباحك ورد وياسمين وجمعتك مباركة باذن الله ..

وهج اصلا ضروري مايعجبك ويلفت نظرك اللا الفساتين والجزم والشنط عاد شي غيره !!

أم طيوف وينك ؟؟

خالة دندن وينك؟

عبير وينك ؟؟

من كوكب آخر فلورة روز انجوانا اكليلة عساكم طيبين ..
روح علوووش
روح علوووش •
وهج المساء وهج المساء :
روح علوش شفتي كيف دعواتنا لك خلت علوش يحجز لك طيارة مو سيارة هااا دعينا لك من قلب والحمدلله انك بتجلسين معانا اسبوع قبل السفر حياك الله
روح علوش شفتي كيف دعواتنا لك خلت علوش يحجز لك طيارة مو سيارة هااا دعينا لك من قلب والحمدلله...
وهوووجه لبى قلوبكن ياعلني ما افقدكن وووه بس وهذي بوسه لكن كلكن اموووووووووووواه ..

والله يرزقك بالبنت الصااالحه ..