اختي امون و كل البنات الرائعات اللي ردوا عليه
الله يرفع قدركم في الدنيا والاخره ويشفيكم بقوة الله و قدرته
نفسي اكون معاكم على طول
بس ظغوط الحياه تمنعني يا رب لك الحمد و مشاغل والتزامات الله يسترنا بستره
امون انا امي يمنيه الله يجمعني فيكي على خير
ما ادري ليه فرحت لمن عرفت انك يمنيه ( الدم يحن ) ههههههه
فيه دوا ذكرتي اسمه و عملت له بحث ما عرفته
قلتي انه من يوم استخدمتيه اختفت الامك
هل هو اقوى من الميدرول 4؟؟
طيب حبوب الكالسيوم نستمر عليها والا ؟؟
واخبار الشعر معاكم
شعري يتساقط بشكل مخيف .... ايش اسوي ؟
اوضاعي شبه مستقره كالعاده يا رب لك الحمد ولك الشكر كما ينبغي لجلال وجهك و عظيم سلطانك
سؤالي اللي يحوم في راسي و ما حد جاوبني عليه
يا ترا صنفرة الكريستال ماراح تتعارض مع الكورتيزون ؟؟
تحياتي لكم
اختي امون و كل البنات الرائعات اللي ردوا عليه
الله يرفع قدركم في الدنيا والاخره ويشفيكم بقوة...
عادي ياقلبي اسالي أي شي تبغي و***** الله اجاوبك
تحجمت عشان عندي تورمات في مفاصل اليد والم عند الحركه وانتم عارفين الشغل في رمضان وكسل شديد وكانت اختي ماخذه موعد مع الحجامه عشان تعمل حجامة السنه وكلمتني قالت تعالي تحجمي معي اول شي تلككت خايفه من الحجامه وقلت لاختي ماعندي فلوس خليها مع الراتب قالت تعالي انا بدفعلك الله يجزاها خير هي تدري اني خوافه المهم رحت وقلتلها عن الرماتايد والحرمه ماقصرت الرقبه يمين ويسار ثنتين في اول العمود الفقري ثنتين تحت بعض و لوح الكتف تعرفي مكان الابهر يمين ويسار ثنتين وكانت موالمه في هذا المكان وبعده نزلت الحوض على طول خط الحوض بالعرض ثلاث وحده في الوسط وثنتين يمين ويسار وبعدها رجعتلك على الذراع طبع انا عندي اليد اليمين تعبانه عملت على الكتف وحده على جانب الكوع من الزويه الي على براء ونزلت على اليد مكان قياس النبض عملت وحده والاخيره على خط اصابع الايد من الخلف والله يبنات اصابع اليد بذات صار الدم يطلع كانه تفاعل كيمياء يفور وفقعات و بخار داخل العلبه الي تسحب الدم قالت الي تحجم هذا دليل خير اننا اصبنا المكان التعبان وحجمات اصابع اليد اليسار وحصل نفس الشي
ونزلت على الركبه عملت للركبتين من الزاويه الداخليه والخرجيه لكل ركبه اثنين
ونزلت للقدم اكرمك الله وعملت على مشط القدم وحده الرجل اليمين وحده الرجل اليسار وتمت العمليه بحمد الله واسال الله العظيم ان ينفعبها ومن ناحيت ارتحت ارتحت كثير التيبس والتورم راح والالم خف من يوم سويتها لليوم هذا الحمد لله موقفه المسكن..طبع الحجامه بعد الفطور اقل شي بساعتين بس ماتكوني مثقله في الاكل غير كذا هي تسالني وين الاماكن الي توجعك وعلى اساسها تحجم بس مواقع حجامه السنه ثابته وكمان قالتلي خذي القسط الهندي اسبوعين والحمد لله لقيته عند اختي ملعقه صغيره وتشربيها مع اي شي ..
وبنسبها بعد لسع النحل سنه كامله وقفت الادويه كلها ويدوب فيفادول في بعض الاوقات القليله الي يكون عندي عزومه ولا شغل في بيتي يكون فيه اجهاد اخذ فيفادول ..وسالي عن كل شي يخطر في بالك انتي ولاخوات وانا دخولي قليل بس اذا تكرمتو الي تشوف سوال وتحس ان عندي اجابه نبهوني على الخاص احيان ادخل ولا اقراء كل الكتابات السابقه والله يجزيكم خير الجزاء ويعافي الجميع .