جودي مررررره حلو التوقيع خاصة مع الايدي تسلم الايادي كمان توقيعك توفي بجد الروماتويديات مبدعات فعلا ماشالله عليكم ابداع ابداع ابداع وشطارة ماشالله بس انا مااعرف احطة في التوقيع اخاف اسويله نسخ ولصق بعدين يصير صورة واقفة مو متحركة فلاش زي حقتكم علموني كيف اسويه توقيع ؟؟

هموووسة على فكرة هنا في عالم حواء التوقيع مايظهر اللا في مشاركة وحده بس في اليوم يعني اذا كتبتي اول مرة يطلع التوقيع بس بعد كذا ماعاد يطلع في باقي المشاركات هذا بسبب الزحمة في عالم حواء وكثرة التواقيع ..

روح علوش انا بخير الحمدلله بس الوضع عندنا متأزم والناس بيتكلمون عن حرب وربنا يجيب العواقب سليمة .. أحنا اليوم صايمة تضامناً ومساندة لشباب الثورة والقتلى والجرحى وعشان ندعي بالنصر ..


إكليلة تعالي طمنينا عنك عساك بخير وعيالك طمنينا يااكليلة الله يطمن قلبك يارب ..

مردة لك نسيت شغلة بغيت اقولها لك بالنسبة للمكيف طبعا التعرض مباشرة له بياثر حتى على الانسان السليم لكن بالنسبة لمرضنا سببه مش المكيف انتبهي مرضنا يعتبر من الامراض المناعية والامراض المناعية هي اللي سببها خلل في جهاز المناعة زي الصدفية والذئبة الحمراء والروماتويد وغيرها .. مرضك ماله دخل بالمكيف مرضك اختلال في جهاز المناعة بدل مايحمي الجسم راح يهاجمه مهاجمة ذاتية بيفرز شغلات كذا هي اللي بتسبب لنا الالام والانتفاخات ..
شوفي الروماتويد في الطب العادي (الحديث) ماله علاج عشان كذا المرض مزمن والادوية اللي بنستخدمها كلها بس بتحد من نشاط المرض كل الادوية بتلعب على جهاز المناعة بتخليه يقل نشاطة عشان مايهاجم وبالتالي مايزيد المرض عشان كذا بيسمونها ادوية (مثبطة) لجهاز المناعة طبعا أكيد مع الشهور والسنين وخاصة اللي تاخذ ميثوتريكسيت بكميات كبيرة راح يضعف جهاز المناعة والكورتيزون البريدينزلون له أثار قوية اولها بيسبب انتفاخ في الجسم بيحبس السوائل وتيرقق الجلد وكمان العظام ااذ ماحصلنا كالسيوم حتروم عظامنا وتتهشش تصير بسكوت ..

طبعا كلنا هنا بنتم بجهاز المناعة وبنحاول ناكل شغلات نعوض بيها مشاكل الادوية يعني مثلا العسل وغذاء ملكات النحل عليه هذا للحفاظ على مناعتنا وكبسولات زيت السمك او زيت حوت القد هذي مهمة لاتقطعينها خليها باستمرار معاك ومامنها ضرر لانها طبيعية على الاقل ثلاث حبات يوميا ..

والسلطة حاولي تتعودين عليها بس هم بيمنعوا عننا الحمضيات في الخضار والفاكهة داميا يقولون ابتعدوا عن الباذنجان والطماطم والبرتقال بصراحة بيني وبينك انا ماقدرت ابتعد اكلنا كله طماطم وبطاطس وبحب المانجو كثير والمشمش والخوخ وبنسوي شوربة وايدام عليه باذنجان وساعات نقلي الباذنجان يعني انا ماقدرت ابتعد عن شي لاني ساعات اطبخه بنفسي كلهم ياكلون وانا نفسي في الشغلة ماعاد احرمها ..

قبل كم يوم شفت طبخة في المنتدى بالباذنجان زي المسقعة كذا واحلى وعليها حااااار على طول قمت سويتها ومارحمت نفسي والله حتى التعب ماعاد اقدر افرق اذا زاد واللا لا لاني اتعودت خلاص صار عادي عندي .. بس انا بستخدم اللسع بالنحل وهذا مريحيني ومستمرة عليه والله كريم ..

أطباء التغذية والطب البديل يعتبرون مرضنا سببه الرئيسي مشاكل في التغذية وترسبات لاكلات معينة كنا بناكلها واحنا ماندري عشان كذا علاجهم هو تصفية وتطهير الجسم الاول وبعضهم بينصحون بالصيام وبعد كذا بيعطون المرضى حميات علاجية فيها انواع من الاكل ممنوعة وانواع مسموحة ويخلونك تستمرين عليها والله اعلم اذا اتحسنتي بسرعة او اتاخرتي ..

الحرمة اللي اتعافت وجابوا تجربتها هنا في المنتدى شقيقة واحد عراقي اسمه (رعد السويدي) كانت بدأت بالحمية لمدة شهرين امتنعت عن بعض الاكلات زي الطحين والباذنجان والطماطم واللحوم والاجبان والالبان ومشتقاتها ويعض الفواكه الحمضية ويقول اخوها انها اتحسنت بنسبة 10% خلال شهرين لكنها بعد 10 ايام من استخدام الاعشاب قامت من على السرير وهي كانت مقعدة من سنة 1993م يقول اخوها انها قامت من على السرير واتحسنت آلامها وانخفضت انتفاخاتها وماننسى ايش اسمه نسيت اسمه العشاب السعودي اللي كنا دايما نتكلم عنه جودي تعالي ذكريني تراني نسيت الاسم اللي قام بعد ماكان مقعد وصار الحينه يعالج الناس بالاعشاب وبياخذ آلاف ذكروني به موجود هو في الملف الاول العتب على الذاكرة ..

يعني القصد بغيت اقولكم ان طب الاعشاب انا مؤمنة به كثير وخاصة الاعشاب اللي تنفع وماتضر الجسم زي الحلبة الحلتيت البردقوش اكليل الجبل الميرمية كل الاعشاب اللي حطها هاشم الحسين ممتازة وحتى الدكتور جابر القحطاني دايما يذكرها ماعليها مشكلة والعسل العسل العسل مهم جدا بيقوي جهاز المناعة ويبني الليتخربه الادوية ..

وسلامتك الف سلامة مرده لك احنا معاك وخبرينا بكل جديد يحصل معاك آآآآآآآآآآآآآآآآآآآآآآآآآآه وبمناسبة الاولاد خير وبركة هذا تقدير من رب العالمين ربنا بيسوي اللي فيه الصالح للعبد انا زيك ماقدر لي ربي اولاد والحمدلله لا تتحملي واحمدي ربك اللي عندهم اولاد متوهقين وتعبانين اتخيلي نفسك الحينه ومعاك اولاد وانتي يداتك ماهي طايقة نفسها ..

وسلامتك الف سلامة خبرينا عن كل جديد معك وخليك متواصلة بس لاتدمني النت حاولي تنظمين وقتك اقريلك شي من القرآن اما بعد الصلاة او خصصيله وقت وسوي استغفار الف مرة تراه ممتاز الاستغفار ممتاز جدا جدا واذكار الصباح والمساء اتبعي طريقتي مع الدعاء وانا اضمنلك ان احوالك تتغير وتتحسن حتى زوجك يتحسن معك تراها مجربها انا بنفسي جربتها وحسيت بالفرق في حياتي ولاتنسين بر الوالدين كمان مهم وخلي علاقتك وصلة رحمك باخوانك زينة بادري انتي واتصلي عليهم بين الوقت والثاني وربنا يستر عليك ..

ربي اغفرلي وارحمني واشفيني واشفي اخواتي في المنتدى واشفي كل مريض مؤمن ياشافي يامعافي يارحمن يارحيم ..

هاي صبايا كيفكم اخباراتكم انا تمام الحمد لله مشتائتلكم
مردة لي الله يسخرليك زوجيك حبيبتي واعتني بصحتيك جربي الدكتور ضياء بجدة او البروفيسور محمد كامل بالخبر ان كانك تروحي الدمام
امون تسلميلي حبيبتي فيكي تحطي من الخيارات فوء خيارات سريعة
تعديل التوقيع
توفي حبيبتي اعتمدي الي مع ادين وحطيلو الانشودة يا عسل

بنات بسالكم وشو الاعراض اللي جتكم بداية المرض لاني تعبانه ومري وشفيني مدري هو نقص فيتامين او شي ثاني