السلام عليكم

شكل مافي الملف الا انا

فرحانة اني اليوم مافيني الم واقدر احرك يديني وامشي

اخواتي بشاوركم بموضوع لان لكم الفضل بعد الله في تحسن نفسيتي ومرضي

دخلت موقع هاشم الحسين مثل ماوصيتوني وحصلت عدة خلطات واخذت منها هذي قولوا لي رايكم فيها ولو فيه زيادة علموني لاني بروح اشتريها اليوم
هل تنصحوني اتركها حتى اخلص من علاج الدكتور او اخذها معاه

بسم الله
1- زيت خردل +زيت كافور+زيت نعناع =دهان لمكان الالم

2- كيلو عسل مع 35 غرام عكبر =ملعقة صغيرة قبل كل وجبة

3- زهورات عبارة عن اكليل الجبل+بردقوش = تنقع وتيشرب كوب على الريق وكوب عندالمساء



وعشبة الحزا وفول الصويا بس ماادري كيف اسوي بها

يالله عطوني رايكم واستمروا معي نقضي على هالمرض

باسند ياليت تسوينها لبنتك يمكن ربي يكتب لها الشفا

مرده لي
ان شاء الله من احسن لأحسن يارب

فعلا باسند ممكن نقص فيتامين دال يسبب السبع والذمة ويمسك المفاصل يهدها هد انا علشان كذا بغيتك تودينها لدكتور ثاني عشان يشخص المرض الله يذكره بالخير كان فيه دكتور هنا متخصص في روماتيزم الاطفال اسمه د/ محمد المظفر وكان يرد على اسئلة العضوات حتى انا سألته مرة والله كلامه بلسم .. اذا فيه حد من الاداريات بتساعدك لو حتى توصل سؤالك واستفسارك له انا قلتلك شوفي العيادات اللي هنا ادخلي فيها وحطي استفساراتك انتي ليش كذا ماتسمعين الكلام ..

مرده لك ماعليك من تعامل الدكتور ضياء معك يمكن هو طفشان من الحريم اللي يكثروا كلام وهو مايكون فاضي لثرثرتهن انتي المهم اهتمي بعلاجاته والله انها باين حلوه الحمية ممتازة جدا وكل شي عجبني والليزر استحمليه انا بستحمل اللسع الظاهر اللسع مثل الليزر هذا بيحرقني صراحة وانا بصبر عليه نص ساعة الى ساعة ويروح وينخفض الورم ويقل الالم شوية شوية ..

بالنسبة لاعشاب هاشم الحسين ممتازة جدا ومافيها شي اعشاب تخوف وانا متابعة معاه وعضوة في موقعه وعرفت ان ناس كثير اتحسنوا بفضل الله وبفضله بصراحة رجال جنتل ماياخ فلوس من حد وتعامله مع الناس لوجه الله وانا نصحتك تتبعين وصفاته لاني بفكر انك ممكن تتعافين خاصة ان الروماتويد في بدايته معاك ممكن اعشابه تنفعك وتتحسنين زي حالات كثيرة عنده وكمان عشان جسمك بعده ماتشبع بالكورتيزون .. والدهانات الاربعة بصراحة حلوة بتخفض الالم صباح ومساء ..

وللمعلومية بنات انا ماكنت بغيت اقولكم اني استخدمت الوصفة اللي عطاها شقيقة رعد السويدي اللي جابوا البنات رابطها هنا في المنتدى لاني كنت بغيت اجرب وبغيت اشوف النتيجة وبعدين احطها لكم خاصة لهموسة وفلورة باعتبار ان حالاتنا احنا الثلاث متاخرة وهموسة اهلها مابيرضون انها تاخذ اي برنامج اعشاب اللا لما يشوفون حد قد اتعافى منها ..

بس مدام انفتح موضوع هاشم الحسين خلاص خليني اخبركم انا رحت من كم يوم للعيادة وفحصت نفس اليوم اللي انصابت فيه بنت باسند وحزنت وماجتني نفسي اتكلم بشي الحقيقة انا انخفضت عندي نسبة الترسيب في شهر فبراير كانت 130 والحينه 87 .. طبعا الفضل لله سبحانه وتعلى ولصبري على لسع النحل النحل النحل انا متاكدة انه من سم النحل حتى الدكتور انبهر ومايبى يصدقني وخفضت نسبة الكورتيزون اللي معي وصرت بس اشرب 5ملجم على امل اني اتحسن اكثر واوقفه ..

بالنسبة لوصفات هاشم الحسين هي نفسها وصفات شقيقة رعد السويدي اللي استخدمتها بديت فيها من تاريخ 25/4/2011م وتواصلت مع هاشم الحسين وقلتله ماحسيت بشي نتيجة او تغير بالعكس اول مابديت الوصفات حسيت نفسي تعبت بس شغلى وحده يابنات اللي بانت واااااضحة جدا لي وهي رجولي اقدامي كانت وارمة كلها مش بس اورام الروماتويد الدكتور قالي يمكن انها وارمة بسبب الاملاح او بسبب حباية الضغط ساعات تسبب انتفاخات المهم الاورام كلها امتصت راحت يعيني والله اقدامي كان حد شفطها بس شوية ورم بسيط على الكواحل هذا حق الروماتويد انا اعرفه ..

بعد تواصلي مع هاشم الحسين قالي استمري على الوصفات وتابعيني وقالي انه ممكن يكون جسمي متشبع بالكورتيزون وان جسمي يمكن عاده ماتعرف على هوية علاجه وهذا انا مستمرة على العلاجات وبصراحة لحد اليوم ماشفت شي نتيجة زي اورام في ركبي خفشت مثلا بس اللي عرفته ان فيه بنت صغيرة كانت مقعدة وذبلانة وقامت بفضل الله علاج هاشم الحسين وفيه بنت شابة ثانية كمان استفادت وقامت واخت رعد السويدي انا حاولت اتواثل معاهم بغيتهم يقولون لي كيف صارت حالتها الحينه بس آخر مره رعد السويدي شارك في آخر شهر ابريل وقال ان اخته قامت وصارت تطبخ لنفسها وانخفضت آلامها الى الصفر وبيكلم الدكتور ينقص لها الكورتيزون ..

بالنسبة لبنتك باسند انا جاي على بالي اعطيك رابط هاشم الحسين وانت تسجلين في منتداه وتشرحين له وانا متاكدة انه بيعطيك علاج ****لله باذن الله يكون فيه عافية لها وانا اللي بعرفه من زمان ان سم النحل احسن علاج للحمى الروماتزمية خاصة لما يكون في بدايته يكون بسرعة نتغلب عليه هذا المرض برضه من الامراض المناعية زي الروماتويد وانا عشان كذا بأكد عليك دايما تتاكدين من طبيعة مرضها وتلحقين بسرعة استغلي الوقت عشان نحصل لها علاج من البداية ونسيطر على مرضها على الاقل اذا قلت آلام البنت وقامت بتتحسن نفسيتها ونفسيتك لكن انا ****لله متفاءلة خير ان البنت تتعالج وتتحسن اذا عرفنا مرضها الحينه وحتى لو كان روماتويد برضه لاتخافين بس انتي فكري في موضوع هاشم الحسين و****لله ربنا يقومها وترجع زي اول واحسن ..