مرحبا بنات
وهج عادي استخدم الطريقه اللي قلتي عليها اخاف بس تكون للمتزوجات واروح انا اخرب ع نفسي
اموون يلا طمنتيني
باسند الله يعينك حاولي تقسمين يومك من الصباح وتجهزين حبه حبه وتتيسر لاتربكين نفسك بتحتاسين اكثر

يسلموو بناات ع الرد ريحتوني ان شاء الله آروح وآحلل ويآرب خييير ..
ربي يسعدكم ويريح بالكم ويشفيكم من كل داء ..

أمون يا قلبي انا آفكر اسوي حجامه ايش الاماكن اللي نصحك فيها ؟؟

يسعد صباحكم بنات اخبار الكل ان شاء الله تكونوا بخير انا الركبه عندي مثل ماهي منتفخه وجيت ابي اسوي عملية المنظار قالوا لي بالالماني سبعه الاف قلت اصبر شوي البن تتحسن الاوضاع الماديه

اخواتي في الله حبيت ابشركم ان فيه شخص تعافى من الروماتيد بفضل من الله وبعد ان ذهب لمعالج بالقصيم
وهذا رقم المعالج 0507206732/QUOTE]

الله يبشرك بالخير اختي بارك الله فيك وجزاك الله كل الخير ومتعك بالعافية بس ماعندك فكرة هذا المعالج بيعالج بايش بالضبط بالاعشاب واللا ايش ؟؟

والشخص اللي اتعافى انتي تعرفينه ممكن تخلينا نتفاهم معاه نسأله ونستفسر منه بنكوم لك ممتنيني كثير وبتكونين سويتي فينا معروف يمكن حد من البنات يعجبها الموضوع وتروح تتعالج ربنا يسهل أمرك ..

منتطرين جوابك ..

وهج انا كمان سمعت عن هذي القهوة بس ماجربتها لكن كل شي فهمناه اللا النخوة هذا أخاف مايعرفه العطار او يكون له اسم ثاني ..

باسند لاتوسوسين ياحرمة واتحمدي ربنا واشكريه رربنا بيسوي كل شي فيه صالح للبني آدم قبل كم يوم حرمة صغيرة اصغر مني كثير مابها شي ماشاءالله وعندها في البيت عرس حق بنت اخوها وي نفس الوقت بنت اخت زوجها وخلاص قد الجماعة جاهزين وشنطتها اللي فيها ثياب العرس جاهزة مبخرة ومكوية باعتبار انهم بيسوون حنا وحفلة بسيطة هنا في حضرموت وبعدين بيروحون عدن عشان العريس من هناك اللي حصل ان الحرمة هذي وهي راحت للخياطة مادري ايش بتجيب وبس قالت لها انا تعبانة شوية بمدد عندكم وممددت الحرمة وراحت لله الحمد جو يصحونها لاقوها في منازل الحق انطفت زي الشمعة .. تتخيلون كيف أختي سوت لهم كيكة بالكريمة وراحت فرحانة بتحضر الحفلة متزينة طبعاً وقفت وسط الحريم اللي بيطالعون فيها وكلهم لابسين أسود كانوا يدوبك دافنين الميتة الله يرحمها ..

ودايما بتذكرها انا وبتذكر وحده ثانية صاحبتي وأصغر مني في السن ماتت السنة اللي فاتت عاد بناتها صغار مرة كانت قمر طويلة ورشيقة وشعرها طويل وبيضاء ماشاءالله وزي الصينيات بتشبه وبتحب تلبس وتصبغ شعرها وزوجها مسافر الامارات مايقصر معاها الحرمة صارلها سنين مقدمة في التعيين عشان تشتغل مدرسة بالتربية وعادهم اللا قبلوها واشتغلت شوية عادها ياعيني مااتمتعت بالمرتب ولا بالشغل المدرسات ساعة يقولون لها شفناك في هايبر وكل ساعة يقولون لها شي وصاحبتي على نيتها مسكينة الظاهر الجماعة عطوها عين بس تنزف والدم مايتوقف وطلع عندها اللوكيميا سرطان الدم فجأة كل ماعطوها دم ينزل من جسمها واتوفت وأنا طبعا أفتجعت صورتها ماتفارقني لانها كانت تتنطط زي النسمة وكانت مفعمعمة بالحياة الحمدلله رب العالمين ..

الحمدلله على أي حال ..