وهج المساء
وهج المساء
السلام عليكم ورحمة الله وبركاته الله يرفع قدر كل وحده فيكم و قادر الحي القيوم يشفيني و يشفيكم ويشفي كل مبتلى يا رب العالمين انا كمان اعاني من الروماتويد من سنتين ولله الحمد بس ما عرفت انه عندي روماتويد الا قبل سنه عن طريق الدكتور ضياء الله يرفع قدره مشكلتي مع زوجي مو قادر يستوعب مرضي يقول انتي ما فيكي شي مجرد وهم هوه مو عدم احساس .. لا هوه من باب انه ما يبغاني اوسوس على باله ان الوهم هوه اللي يجيب المرض يا رب لك الحمد ولك الشكر ولو قلت محتاجه علاج طبيعي يستثقل سفرنا للدكتور ضياء عندي هواجس كثيره وما احد غيركم حبيباتي راح يفهمني و يواسيني انا الان استخدم الكورتيزون medrol 4 mg نص حبه يوميا كانت حبه ونص وبعدين حبه و دحين نص حبه بس من خوفي من الكورتيزون نقصتها نص لكنها ما تغطي الالام واستخدم كمان salazopyrin ام غطا برتقالي كمان حبه يوميا نفسي اسوي صنفرة كريستال للبشره بشرتي مره معدومه يا ترا ماراح تتعارض مع الادويه ؟؟ وكمان ابغى اعرف منكم حبيباتي كل متى يفترض تكون مراجعتي عند الدكتور اللي يتابع حالتي لان دكتور ضياء ما كتب لي مراجعات لمن احس بالام شديده اروح له غير كذا نفسي اوقف الكورتيزون واتعالج بالكيميائي بس كيف و فين اللي جربت تساعدني وتحكي تجربتها لو كان جاب نتيجه معاها واللي جربت علاج الملاريا رجاء لا امر تعطينا فكره الله يسعدكم يا رب الحياه حلوه ولله الحمد بصلاتنا ودعائنا وعباداتنا ولكن مستحيل تكون عاديه مع الروماتويد اي سؤال من عيوني انا حاضره تحياتي ..
السلام عليكم ورحمة الله وبركاته الله يرفع قدر كل وحده فيكم و قادر الحي القيوم يشفيني و يشفيكم...
السلام عليكم ورحمة الله وبركاته
الله يرفع قدر كل وحده فيكم
و قادر الحي القيوم يشفيني و يشفيكم ويشفي كل مبتلى يا رب العالمين
انا كمان اعاني من الروماتويد من سنتين ولله الحمد
بس ما عرفت انه عندي روماتويد الا قبل سنه عن طريق الدكتور ضياء الله يرفع قدره

مشكلتي مع زوجي
مو قادر يستوعب مرضي
يقول انتي ما فيكي شي مجرد وهم
هوه مو عدم احساس .. لا هوه من باب انه ما يبغاني اوسوس
على باله ان الوهم هوه اللي يجيب المرض
يا رب لك الحمد ولك الشكر
ولو قلت محتاجه علاج طبيعي يستثقل سفرنا للدكتور ضياء

عندي هواجس كثيره
وما احد غيركم حبيباتي راح يفهمني و يواسيني
انا الان استخدم الكورتيزون medrol 4 mg نص حبه يوميا كانت حبه ونص وبعدين حبه و دحين نص حبه
بس من خوفي من الكورتيزون نقصتها نص لكنها ما تغطي الالام
واستخدم كمان salazopyrin ام غطا برتقالي كمان حبه يوميا

نفسي اسوي صنفرة كريستال للبشره بشرتي مره معدومه يا ترا ماراح تتعارض مع الادويه ؟؟
وكمان ابغى اعرف منكم حبيباتي كل متى يفترض تكون مراجعتي عند الدكتور اللي يتابع حالتي
لان دكتور ضياء ما كتب لي مراجعات لمن احس بالام شديده اروح له

غير كذا نفسي اوقف الكورتيزون واتعالج بالكيميائي بس كيف و فين
اللي جربت تساعدني
وتحكي تجربتها لو كان جاب نتيجه معاها
واللي جربت علاج الملاريا رجاء لا امر تعطينا فكره
الله يسعدكم يا رب
الحياه حلوه ولله الحمد بصلاتنا ودعائنا وعباداتنا
ولكن مستحيل تكون عاديه مع الروماتويد
اي سؤال من عيوني انا حاضره
تحياتي ..[/quote

حياك الله يا حلا الايام والله يجعل كل ايامك حلا ياااااارب

بالنسبة للدكتور ضياء لو كنتي عملتي جلسة ليزر كنتي اكيد ارتحتي من الالام
انا اتعالج معاه واستخدم نفس ادويتك وما افكر ابدا اني اتحول للكيميائي
وعلى فكرة الكورتيزون تقريبا اساسي بعلاجنا لكن النوع اللي اعطاني هو الدكتور ضياء هو ميدرول 4 نفس الكورتيزون اللي اعطاك هو احسن الانواع واخفها ضرر
لاني جربت نوع اسمه جوبيزون ولا ارتحت الا لما رجعت للميدرول
انت خليك مع الدكتور ضياء وبعد جلسات الليزر ما راح تحتاجي الا زيارة واحدة في السنة وتحاليلك تقدري تعمليها في اي مستوصف في البلد اللي انت فيه وتتواصلين مع دكتور ضياء بالتلفون فقط
انا من جدة والدكتور ضياء قريب مني لكن مصاريفه كثيرة فما اروح له دايما انا مستمرة على العلاجات اللي اعطاني هي نفس علاجاتك واحلل بمستوصف حكومي واتصل عليه وابلغه بالنتيجة وهو يحدد لي العلاج وانا الحمدلله وماشاء الله مرتاحة على كذا


الله يوفقك
أمووون
أمووون
طيبة القلب ربنا يشفي اختك ويجعله أجر وعافية يارب ويشفينا ويشفي مرضى المؤمنين *****الله البنات اللي من القصيم او من الرياض يساعدونك في حال بغيتي مستشفيات حكومية وبالنسبة للدكتور ضياء الحاج شكلنا سويناله دعاية غير مقصودة هذا بسبب ان فيه مجموعة من البنات هنا في التجمع راحواله وارتاحوا بالليزر خاصة لما يكون المرض في بدايته وتلحقينه ممكن تتلافين انه يتطور وان اختك تضطر تاخذ ادوية زيادة .. راجعي الملف حتلاقي ان احنا اتكلمنا عن الحجامة والحمية ولسع النحل زعن الدكتور ضياء الحاج وعلاج الليزر ..
أمووون
أمووون
حلا الايام حياكالله الف حيا طهور *****الله ..
شوفي الروماتويد شكله عندك سالب عشان كذا ماعرفتيه اللا متأخر زي حالتي وحالة كثير بنات هنا عندنا لما يكوم سالب مايظهر في الدم والسالب بحسب كلام الدكاترة اهون من الموجب وفيه امل الشفاء من اذا قدر الله وبحسب خبرتنا وتجاربنا البنات المختلفة انا شايفة ان كلنا زي بعض وكلنا بنعاني وكلنا بندور على العافية والشفاء بعضهم صترله سنين طويلة وبعضهم حديث مع الروماتويد لله الحمد الله كريم .. فيه من جربت الحمية مع مكملات غذائية واتحسنت وفيه من سوىحجامة واتحسن وبعضهم اتحسنوا بالليزر والحمدلله ماشيين في حياتهم شبه طبيعيين ..

اختك امون الحينه بتصير احدعش سنة مع الروماتويد لما كنت في البداية زيك كانوا يعطونني كورتيزون وسلفاسلازين وكانت حياتي طيبة وزادت مشاكل الروماتويد بعدين وصارت لي انتكاسة واتعرفت على الميثوتريكسيت ومشيت حياتي بفضل الله معه شبه طبيعية بعد كذا انتكست انتكاسة العافية طبعا الانتكاسات بسبب غباءي لاني كنت بتوقف عن الادوية في عز نشاط المرض .. الانتكاسة الاخيرة جابت خبري وأقعدتني وماقمت اللا بفضل الله ولسع النحل بس بعد ماتمكن مني الروماتويد واتآكلت مفااصلي وزادت التورمات واتوقفت طبعا عن الدوام هم متعاونين معاي والدكتور بعد كذا صار بيعطيني اجازات طبية الين ماربي يسهل امري واقدر اطلع الدرج واركب السيارة باذن الله ..

بالنسبة لزوجك انا اشوف انه معه حق في تصرفه وهذا احسن شي لك انك تعيشين مع المرض متناسية مشاكله وأوجاعه هذا أفضل أسلوب للتعامل مع الروماتويد بكذا *****الله الروماتويد مايرتفع عندك وممكن يظل خامل أطول فترة ممكنة .. غير كذا فالرجال كلهم زي بعض الروماتويديات هنا كثير بيشتكوا من أزواجهم زي زوجك كذا وأنا رأيي انكم تتأقلمون مع الروماتويد ومع رجاجيلكم واذا بغيتوا شي هاتوهم بالحيلة والدلع وربنا يستر عليكم ويسهل اموركم عقدتوني من الزواج والرجال خاصة مع الروماتويد ..

بالنسبة لصنفرة الكريستال ماادري اذا هي كيماوي انا بصراحة ماجربت *****الله البنات يفيدوكي بس انا بصراحة بفضل الاشياء الطبيعية اكثر صحيح هي بتاخذ وقت بس مضمونة والحمدلله انا بشرتي بخير وزينة وبعتني بها مافي غير آثار الكورتيزون بس زي اذا فيه خدش بسيط ممكن يسوي علامة ماتروح اللا بطلوع الروح مع العناية وشوية عروق خضراء على زرقاء خفيفة على رجولي ماتبين اللا اذا قربتي من الرجل هذي برضه اظنها بسبب الكورتيزون وباقي الجسم شوية وبيترهل انا ناوية اسوي رياضة اذا اتحسنت زيادة وأمشي كل يوم والشعر بينزل من الميثوتريكسيت بس انا بحاول احافظ عليه ومااصبغة اللا بعد مدة أكثرمن ستة شهور ومسويتله برنامج عناية بالزيوت وغيره والحمدلله محافظين عليه اربعتعش شعره بس خير وبركة ..

الكورتيزون اهم دوااء في مرضنا واحنا بناخذه سنين طويلة ومانقدر نستغنى عنه انا كنت دائما باخذ بريدنسلون 5ملجم الحينه الدكتور غيره لي الى جيبزون 20ملجم كنت باخذ حباية وبعدين نص والحينه ربع لله الحمد ..

والبلاكونيل كنت زمان باخذه سنين بعدين وقفته من نفسي خفت عيوني تجف او يحصل لي مشاكل في القرنية وسواس ايش تقولين لكن الدكتور أصر يرجعه الحينه رجعته ووقفت السلفاسلازين ماعاد صار يجيب نتيجة معي السلفاسلازين ولاباس اموري لاباس المهم احسن بكثير من شهور الانتكاسة انا بعتبر نفسي الحنيه في مرحلة التعافي على الأقل اذا وصلت لمرحلة 60 او 40 نسبة الترسيب خير وبركة والله كريم ..

أنا بالمناسبة حضرمية من اليمن ياريت كنت اقدر افيدك وقوانينكم مختلفة عن قوانينا احس قوانينكم فيها متشددة *****الله البنات اذا عندهم فكرة بيفيدونك ..

البلاكونيل هو دواء الملاريا ..
أمووون
أمووون
شوفوا ياحلوات الحينه تجمع الروماتويد هذا بيضم مجموعة من المدرسات إذا ماهم الأغلبية أنا بقترح عليكم اقتراح *****الله يكون فيه الخير لكم وأنا بتكلم عن المدرسات المواطنات في المملكة لان كثير منكم بيعانون ويتواجهون مع إدارة ماتقدر مرضهم وظروفهم الصحية عشان كذا انا شايفة ان المفروض تجمعنا هذا يرجع بفايدة للعضوات بحيث تتجمعون كلكم وتوقعون على عريضة تكتبونها وتكتبون أسماءكم كلكم تحت باعتبار انكم مدرسات مصابات بالروماتويد وبتعانون من مشاكل كثيرة أهمها آلام وإعاقات من الركب والأصابع وتعب وتيبس صباحي يعني خلوا حد دكتور يشرح الحالة وكل وحدة تستعد بتقرير بحالتها اكتبوا في العريضة معاناتكم وعدم تقدير الادارة لظروفكم الصحية الحرجة واطلبوا من ادارة التربية انها تسن لكم قانون أو تعاملكم معاملة وظيفية خاصة زي تخفيف عمل أو تحويلكم إلى إداريات .. انتو عددكم لابأس به هنا في التجمع كثير منكم مدرسات وكلكم بتعانون هذا اقتراحي لكم وممكن تخلون إدارة الموقع تتعاون معكم اذا احتجتوا هااااااااااااااااه ايش رأيكم ؟؟؟؟

وردة، روز، مرده لي، أم طيوف، من كوكب آخر، توفي بماانك مقدمة في عمل ومستنية ومعاكم حلا الأيام ومين عاد ؟؟
من وكب اخر
من وكب اخر
يسعد مساكم بنات كيفكم جميع
اموووووون ياقلبي يشهد الله اني احبك في الله
بنات انا ركبتي متورمه وقال الدكتور ارجعي اسحبلك المويه مره ثانيه وشرايكم