ألف ألف مبروك وهج الله يرزقك ماتتمنين ويسهلك كل عسير
هموسه جد كذا وزنك ع بالي من كلامك إنك صاكه السبعين ؛

توفي
أنا اللي صاكة السبعين أم سبعة وسبعين هههههههههه السنة اللي فاتت وصلت للثمانين حتى الجلابية بسلامتها مادخلت علي وقفت من فوق من الصدر لا إللاه اللا الله حسبي الله ونعم الوكيل عليه روماتويد يخاف ولايختشييييش بس بعدين اشتغلت على نفسي ووصلت للسبعين وقبل رمضان بكم شهر اشتغلت ونزلت خمسة كيلو وبعد العيد خيييييييييييييييررر اللهم اجعله خييييييييييييير بس انا الحينه متبعة نظام عدم التجويع والحرمان يعني باكل شغلات مش حلوة بس أحيانا وشي بسيط عاد انا جسمي زي باسند من النوع اللي بينتفخ طوالي حتى من غير أكل أي شي ينكد علي بسمن على طووول وطبعي اني في المواقف الصعبة اللي نفسيتي تكون فيها تعبانة باكل يعني افرغ طفشي في الاكل وقت الامتحانات تلاقيني طول الليل رايحة جاية على الثلاجة وأخلي امي تعبيلي الثلاجة شاي بالحليب اصلي بحبه مرررررره والحليب لازم كامل الدسم أصلي بفضل نكتهه ولازم شوية هيل لزوم الشغلة عشان يصير زي الأيسكريم هههههه وطبعا قوام الشاي غلييييييييظ ..
بس انتي يابنتي لازم تمتنين على الأقل انا اذا جيت الاقي لحم أعض فيه يعني مايصير تكسرين ضروسي لازم تكرميني يابنتي هههههههههه كلي يابنت كلي لازم تاكلين ترى الرجاجيل حقنا بيحبون الحرمة المتلحمة مايحبون الحريم العظام فهمتي هذا انا قلتلك من الحينه وانتي بكيفك بعدين بيصير عض و(صميل) يعني تكفيييييييييييخ ..
وكمان ممكن يكون هذا سبب في الاكتئاب احتمال يكون الحديد عندك ناقص يعني الاكتئاب مرات يكون بسبب قلة نشاط وطاقة في الجسم او مشاكل صحية

وردة
طبيعي يجيك هبوط كل هذي السمبوسة ومادري ايش ويمكن عادك بتطبخي وأكلك مش ولابد وانتي عارفة انك مصلوبة بالمسكنات والكورتيزون غير كذا كانك طايحة على الفرش ..

أنا اذا سويت كذا شغلة في المطبخ ومسوية حساب ناس في الفطور بكون متحملة لازم أخلص بدري ومركزة انه ماينحرق شي او ماانسى شي في الفرن ولما يقرب وقت الأذان ومعاي كذا شغلة بنتفض وحالتي حالة ماان احط التمرة في فمي امدد على السرير وماعاد اقدر اقوم منه واذا مابنفطر حد خلاص انا واخواني مانكثر طبيخ بس نسوي وجبة رئيسية وشغلات بسيطة ..

هموسة صحيح انا بحاول انظم وقتي وانام عشان بغيت استغل الليل ومع ذلك ساعات انام الساعة اثنعشوأقعد اتقلب ومايجيني النوم اللا اللا الساعة وحده ونص ومسوية المنبه على ثنتين .. وعلى كذا انا بصلي زيك وزي وردة على الكرسي لا وكمان ركعة اقدر اوقف فيها وركعتين اقعد ماعاد اقوم وأما صلاة الليل فبكون وقتها مش أمون ألا شوية أشلاء ركبوها كأن حد رفسني زييييييييييين جسمي كله يئن الله لايوريك وتشوفين رجولي المسافة بينهم متر ههههههههه وأتمسك بالجدران وأتأوه وساعة على بال ماأصل الحمام وطبعا كل شي بسويه وأنا واقفة أتوضى ويداتي مررره تعورني وماتطلع عند وجهي اللا بالضرب وظهري مايوطي لاقدامي يغسلهم اضطر بس ارش عليهم من فوق لفوق والحمدلله أرتاح لما انتهي من الحمام اخرج كرسيي مكانه ماحد يحركه وعنده كراسي ثانية لزوم الحاجة وطاولة صغيرة فيها مصحفي ومسبحتي وفرشاتي امشط بها ومشابك اقعد على كرسيي حق الصلاة وافتح المصحف فوق الطاولة اللي قدامي ملاصقة بركبي على طول وأصلي واذا تعبت يداتي اغير وضعها بصراحة بحاول اريح نفسي واسند ظهري كمان على الكرسي لاني بقعد ساعة واكثر على هذي الطريقة لاني بصلي الليل وادعي وبعدين اوتر وادعي وطبعا بجيب لي كاستين موية اخليهم جنبي اذا عطشت بنقص في القراية عشان أشرب لاني ساعات بقرأ جزء كامل في ركعة وحده وطبعا رجولي ساعة امددهم وساعة ارفعهم .. وبعد مااخلص ينادني أتسحر وأنا على سريري جالسة بكون قد سوكت اسناني لاني بعدين يأذن

وعادني ماسوكت أسناني من الاكل بس اشرب موية واقوم للصلاة بكون وقتها أخس من أعجز عجوزة في الدنيا .. ماأصدق أخلص صلاة الفجر وأنام .. ومع اني عندي طاولة صغيرة جنب سريري بحط فيها أغراضي وكريماتي وأدهاني وكل شي لكن الادوية بخليهم في كيس وبعلقهم على زاوية السرير عشان يكون سهل علي اشيلهم واشربهم بعد السحور .. هي رحلت المتاعب حبيت احكيها لك عشان تشوفيني كيف بعيش ههههههه مسرحية .. وطبعا أملي بعد العيد في رحمة الله يسخر لي سبل العلاج وأبدأ في برنامج اللحيدان للسع وبسأل الله الشفاء والعافية وأم جنان دايما ببالي نسيتي انها قالت ان الروماتويد كان عندها 130 وبعد اللسع وصل الين 9 مخلية تجربتها قدامي أمل بسأل ربي أوصله والله كريم ..
بث خلاااااااث انتهت المسرحية .. أعرف قرقرت كثير كالعادة ..

وهج
لاتقولي للأسف يابنت الحلال قولي خلاص أمر الله وانا راضية بيه وافرحي كل شي يقدره الله فيه صالح ولاتخافين الكورتيزون مامنه مشاكل على حسب مااشوف البنات كلهم ياخذونه وهم حبالى والسلفاسلازين كمان أضعف انواع الادوية انا عطاني ياه الدكتور زمان وهو منتظر مني احبل ومنع عني الميثوتريكست لان هذا هو الخطير ويسوي تشوهات بالجنين .. انتي الحينه روحي لدكتورك واسأليه على كل شي عشان تطمنين وأنا اللي بعرفه يقولون كلام دكاترة والله اعلم ان الجسم اثناء الحمل بيفرز هرمون الانوثة بكثرة هرمون الاستروجين وهذا بيخلي الحامل اللي عندها روماتويد تخف عندها مشاكل وآلام الروماتويد.. أما بعد النفاس فهذا يعتمد عليك ياشاطرة انك تهتمين بنفسك وتبتعدين عن المشاكل ولاتنكدين على نفسك وتحملين هموم الدنيا وياستي احنا حريم وبنحبل وبنولد والولادة اخت الموت هذا مثل عندنا عشان كذا الحرمة اللي بتموت على ولادة بتعتبر شهيدة بس انتي ابعدي تفكيرك عن هذي الاشياء ياما فيه ناس تعبوا كثير في ولاداتهم وثالث ولادة واللي بعدها اتسهلت امورهم ادعي باستمرار استغلي الشهر في الدعاء واسألي الله يسهل امرك وألف مبروك مقدما و*****الله توم بنات دقة وحده ياخبلة خلي شيخ الشباب يجيبلك شغالة وربيهم وبيكبرون مادامك عادك صغيرة وفيك همة وربنا يتمم عليك ويسهل كل امورك ..

نسيت اخبرك هموسة اني بجلس على كرسي الصلاة وخلاص ماعاد اقدر اتحرك فبنادي اي حد يناولني كاسة الموية وعشان اكسبهم اقول كذا : مثال( يافلان ناولني كاسة موية الله يشريك من موية زمزم يارب ويعافيك ويفتح لك ابواب الخير) ههههههه بهذي الطريقة اي حد اقوله هات لي شي يجيبه ههههههههه مبسوط من الدعوة وكل واحد اعطيه دعوة على حسب مايتنتى يعني حد ادعيله بالزواج وحد ادعيله بالعمل وعيال اخواني اقولهم كذا (تعالي يابنتي هاتي لعمتك كاسة موية لك عمر ياربي يكبرك وتصيرين كبييييرة قد عمتك الصغيرة )ههههههههههه المهم أمشي اموري ياهمووووسة ههههههههه مامعاي اللا هذا الاسلوب يخليهم يتعاطفوا معاي ويساعدوني هههههههه بتمسكن هههههه كنت زمان دايما احنق أزعل يعني وأتعصب وابكي بعدين شفت مامنه فايدة لازم اتواطى شوية واتبعت اسلوب المسكنة هههههههه ولابأس مشت الامور بس ساعات مايخلى الامر اني اتنرفز وأعصب وأزعق وبالتأكيد أبكي يارب عافيتك ياكريم ..

خلاص كفاية قرقرة يالله باااي بقوم اصلي