مرحبا صبايا .. أنا روماتوديه جديده كيفكم وكيف السيد الوحش الروماتويد معكم أنا تعبانه حيل يداتي متورمات مو قادره اشتغل أو حتى اقطع فاكهه واكلها رغم اني ابلع بلأدويه من افطر لحد ماتسحر يارب هووون علينا و ع جميع المسلمين ..

كرزة
معليش أمس اتأثرت شوية وخرجت ماعاد رديت عليك وزي ماانتي شايفة البنات مرة مشغولات حد بيتوحم وحد حالته حالة وحد الروماتويد مطلعله القرون الله يستر ..

شوفي كرزة مافي حد في التجمع مجرب اللسع واستفاد منه غير أم جنان الله يحفظها بس هي من دخل رمضان شكلها انشغلت انتي ممكن تسوين لها نداءات هنا في البيت بين الوقت والثاني وهي اذا دخلت بتشوف .. والروماتويد ياكرزة معاناة خاصة للشخص اللي بيكون في بدايته لانه يكون عاده ملتخبط وماهو داري ايش يسوي وماعنده خبرة كافية انتي لا تلعوزين نفسك احنا علىفكرة كلنا تعبانين في رمضان انا هذا الرمضان بالذات تعبانة فيه كثييييير لدرجة ماأخلص شوية طبيخ اللا وانا أنتفض من الآلام والطفش حق الروماتويد وعلى فكرةكرزة انا ترى خبصت الحمية كلها وصرت باكل كل شي بس ساعات احس اتألم زيادة اذا أكلت لحم زيادة قمت الحينه اقلل منه وباكل سمبوسة الخضار وفطاير وبيتزا ومكرونة ورز وأجبان والسلطة نسيتها من يوم دخل رمضان بس باكل فواكه ..

طمنيني كرزة كيفها امك شي تحسن فيها واللا لا ؟؟

أهلييييييييييين ومرحبا روعة الشتاء آنستي ونورتي بيتنا هههههههه الله يستر هذا المرض بينتشر انتشار مفجع هالايام احنا ماعاد بغينا حد يدخل هنا بغينا نغير اسم البيت الى وداعا روماتويد بس الله المستعان ..
كلنا ياروعة بنبلع في الادوية من الفطور الين السحور بس انتي مطلوب منك ياحلوة الاول تعرفينا اوبالاحرى تعطينا لمحة تاريخية عن شخصيتك يعني كم عمرك متزوجة واللا عزباء بتشتغلي واللا طالبة فيه عيال ورجال واللا لا من امتى صرتي ويا الوحش عشرة ايش الادوية اللي بتاخذيها وكيف حالتك الحينه يعني بتدخلي بتنزلي من البيت بتقعدي على الارض بتصلي على الارض واللا في كرسي اصابعك بخير واللا شي اتعوج منها هههههههه يالله مستنييك بعدين البنات بيرحبوا فيك ..

على فكرة روعة حتستانسين معنا هنا كثيييير اذا حد خانقك او مطفش بك او مطلعلك القرون تعالي هنا وخذي راحتك واحنا حنواسيك ههههههههه صار البيت هذا بالنسبة لنا زي المصحة النفسية بنيجي هنا نكب اللي معانا ونروح وبنشكي بمآسي الروماتويد (البؤساء)!!

حياك الله

بنات الله يعطيكم العافيه ويسلمكم من كل شر ابيكم تساعدوني
انا اختي منومه ف المستشفى من بداية رمضان فيها حراره احيان ترتفع واحيان تنزل مع بقع ف الجسم والالام ف المفاصل والعضلات
وارتفاع في كريات الدم البيضاء ودوخه وخمول وارهاق ورعشششه وفيه انتفاخ ف بعض المفاصل والام بالرقبه حتى عظام الوجه تعورها .. والدكاتره يقولون سليمه مافيها شي

والبنت احيان ماتقدر تمشي

انا ابي اعرف ايش اعراض مرض الروماتويد

بالتفصيل

وشلون عرفتوا انه فيكم هالمرض يعني ايش التحليل اللي سويتوه

الله يعافيكم ردوووووووووووو علي

الله يجزاكم الجنه يابنات حواء والله انكم غاليات