مرحبا بنات
أنا الحمدلله بخير وأموري في تحسن ان شاءالله وشاغلة نفسي وتفكيري هذي الايام بالمشاريع بحاول افرح نفسي واشغل عمري وابتعد عن جو المشاكل ومن ناحية ثانية بتحرك بخرج برا وبمشي وبتحرك في البيت الحمدلله رب العالمين بس الصبح بكون تعبانة وبتألم بيزول الألم على الظهر وبشرب حبة كورتيزون الله المستعان وباخذ حبة سودة وعسل ..

ام توتا
لما تكوني تعبانة ومحتاجة لغيرك يخدمك ماتعرفي لاتاخذي أثر ولا غيرة مسلمين الامر لله رب العالمين ..

همووووووووووسة منور الملف بتواجدك
لكل البنات اللي مايعرفوا همس الغلا تراها عمرها شي 26 سنة ومعاها المرض من الولادة يعني انولدت بالمرض ..

إكليلة
الله يقويك ويعطيك العافية امتحانات الاولاد حمل

جودي
اخبار جودي خلصت واللا عادها واخبارك انتي والروماتويد

فتاة
مبروك العمرة جعلها ربي عمرة مبرورة .. الله يسهل عليك كل عسير .. كيفها بنوتك عساها طيبة ..

لوجين
أصل المرض بيدمر الحالة النفسية ويسوي اكتئاب بس انتي انتبهي على نفسي واقري قرآن يحفظك ولاتكثري على نفسك بالتفكير والتوهم .. هذا مرض عادي زيه زي كل الامراض ضغط او سكر وهو ذكر من الله سبحانه وتعالى .. حاولي تتعايشين مع المرض ولاتستلمين له خذي ادويتك وعيشي والمؤمن مبتلي يااخيتي فاصبري الله معك ..

توتي وومن
كل اللي ذكرتيه كلنا قد مرينا به وتجينا اوقات ينشط المرض ويشتد ومانقدر لانلبس ثياب ولانمشط شعر وانا بحمد ربي كثييييير انه ماكتب لي اجيب عيال لاني ماني قادرة امسك الاطفال واحملهم بسبب الآلام وتشوه يدي اليمين لله الحمد ..
تابعي علاجك وعليك بالصبر

هلا ربي ارزقني شكل المرض نشط عندك الله يعينك والله ماني عارفة ايش يهدي المرض بعض البنات بيسوون زيوت ويدهنون بها وحد بياخذ حبة سودة وحد بياكل ثوم على الريق وحد بيقول انه استفاد بالكركم والزنجبيل بس ترى العافية ماتيجي فجأة الشغلة محتاجة وقت واستمرار .. وليش ماتروحي للدكتور يوصفلك مسكن؟

مساءالخير
اسعدتني شوفة مشاركات البنات وامون الله يكتب لك العافية
ام الغالي حياك الله مدري انتي اللي كنتي مععنافي الملف الاول مع بداية الحياة

فتاة مبروك العمرة عقبالنا جميعا
ربي ارزقني انتي بعد من العضوات القديمات.؟