ندااااااااااااااااااااااااااااااااااااااااااااء الى همسة غلا امسحي من الرسائل الخاصه عشان اقدر ارسلك كل ما ارسل يقول مكتفيه وللي عندها رقمها تنبها الله يخليكم

توفي الـ 7 seas مافي أحسن منه ممتاز واشتري معاه كبسولات أوميقا 3 تراها مع الاستمرارا بتخفض الألم والالتهاب ..

همووووسة أظن ماعندها نت في البيت وكانت بتكلمنا من عند خالتها ..

وردة ..
شكلكم محسودين من السفر هههههههه (أمزح معك) ..كل شي فيه صالح باقي كم يوم وبيخرج رجب وبيدخل شعبان وباتلتهين بحاجيات رمضان ..
وانا الحمدلله بخير انخفضت كثييير آلامي واتحسنت زدت الميثوتريكسيت حبة فوق الاربع وحبة كورتيزون واخذت الاوميقا3 وكبسولات زيت كبد الحوت وكل يوم باكل منقا وشاغلة نفسي بالتجارة والمشاريع وبفضل الله بديت أتحرك وأشتغل ان شاءالله بنتج بنفسي منتجات باسمي وأسوقها .. بس انشغالي وملء وقت فراغي خلاني أنسى التعب ومشاكل الروماتويد وأنسى مشاكل الناس اللي حولي بس مركزة على شغلي وتحضيراتي ومنتجاتي ووقتي كله مشغول وكمان صرت بقوم أتحرك وأخرج من البيت وأروح السوق والمحلات طبعا حركتي بطيئة شوي وباخذ أختي معاي بترافقني بس انا بفضل الله احسن من بعد الهجمة اللي جاتني كثفت اللسعات كمان على يداتي وأكواعي وركبي ورجولي والحمدلله انا دحينه كذا في نعمة وبطلب من رب العالمين كمال العافية الله كريم ..
والبارح شفت طبق بيتزا هنا في المنتدى جنننننننني شكله ماشاءالله صاحبته كاتبة عليه عنوان بيتزا تنافس بيتزا هت وهي فعلاً شكلها مررررره يفتح النفس الجبنة بتتمط فيها مط لا وماهي محروقة بيضاااااااااء أتاريها بتسوي طبقتين من الجبنة طبقة فوق الصلصلة ولما تستوي البيتزا وتطفي الفرن بترجع تحط طبقة من الجبن ثانية تخليها تحمى على حرارة الفرن ويصير شكلها يسيل اللعاب اممممممممم وهذي اللي سهرتني البارح وطبعا انا سهرت من هنا وجسمي تعب من هنا ولاقدرت أنام الصبح كل شوية حد يدخل علي وينقزني ..

مون شادو
الحمدلله على سلامتك يا أختي خلاص هذا مقدر عليك ومكتوب انسي اللي فات وانتبهي لنفسك المرة الجاية وزي ماوصفت لك وردة الكورتيزون مامنه مشكلة مع الحمل وخذيلك مسكنات واسالي الدكتور على المكملات الغذائية زيت كبد اسمك والاوميقا3 .. زيت كبد السمك اظن مامنه مشكلة مع الحمل بس الأوميقا 3 ماأعرف إذا هي آمنة للحامل واللا لا ..
انتي بس ممكن عشان عادك ماتعودتي على المرض وأوجاعه عشان كذا بتتشكين منه بس اللي مثلي ومثل وردة صار لنا زمن مع المرض اتعودنا على آلامه ونوباته ونشاطه وهدوئه صرنا ماعاد نقلق اذا زاد معانا بس بنحاول ندور على شي يساعدنا في تخفيف الآلام وخلاص بنعيش معاه اذا نشط نقلل نشاطنا احنا ونريح في البيت ونقلل المجهود وإذا هدي خير وبركة اتحركنا شوية ..

بغيت أخبركم على تجربتي مع القهوة حقت الدورة والنفاس مرة نزلتها لنا وهج عبارة عن قشور القهوة ومعاها قرفة وزنجبيل وفلفل اسود وايش ثاني نسسسسسيت لأني سويتها من الشهر اللي فات وحطيتها بعلبة وهذا ثاني شهر أشرب منها بسوي ثلاجة من الصبح وأشرب منها طول اليوم الثلاث الايام الاولى من الدورة والشهر اللي فات أكلت التمر خلطته مع حب الرشاد بس هذا الشهر ماسويت التمر .. وكمان البردقوش مع الميرمية شاي ممتااااااااااااز جداً لتنظيم الهرمونات وخاصة هرمون الحليب ..
هذي الوصفات استفدت منها كثير من بعد كذا شهر ودورتي اتلخبطت ومافي دم هذا الشهر لله الحمد انتظمت دورتي وصار ينزل دم بشكل طبيعي ثلاث ايام متواصلة وكمان بينزل خيوط رفيعة عبارة عن أوساخ ..
حبيت أفيدكم بتجربتي ..يالله أخليكم في حفظ الرحمن ..

توفي
حبة البركة اذا مابغيتي تاكلينها ممكن تسوينها شاي اسحقيها في نفس اللحظة وحطي ملعقة منها على ماء مغلى واستمري ثلاث مرات في اليوم وشوفي النتيجة بعد شهر ان شاءالله تخفض نسبة الالتهاب عندك وممكن تخلطين معاها زنجبيل ..