لا حول ولا قوة إلا بالله، الله يكفينا من صدق من الكورتيزون ومضاره .. تصدقين جودي أنا قريت عن الكورتيزون بس المعلومات اللي جبتيها اليوم مستفيضة وأنا ارتفع عندي الضغط بسبب الكورتيزون وبشربه مثلك بالليل عشان ينقص الآلام الصباح عشان أقدر أروح الدوام ومادام الموضوع فيه توقف الغدة الكظرية عن إفرازه أظن إني بحاول اسرع من برنامج توقيفه .
وبالنسبة للميثوتريكسيت اللي تظهر نتيجة توقيفه بعد أسابيع أو أشهر أنا ماراح أتحمل به مادام أننا بنمشي في الحمية والغرض من الحمية تخليص الجسم من السموم بشكل عام وبالأخص من سموم العقاقير وبإذن الله الخضار والفواكه بتساعد في طرد السموم وكمان الصيام له مفعول عجيب في تطهير الجسم من السموم بالإضافة لبعض الأعشاب أنا شفتها في النت لها مفعول كمان قوي في طرد السموم من الجسم بس صراحة الأعشاب لقيتها بالإنجليزي بحاول أترجمها للعربي لكني متأكدة أن الزعتر البري اللي قالت عليه بداية واحد منهم والزعتر البري ترى هو نفسه البردقوش اللي بيتكلم عنه عبدالباسط السيد دائما وهو بيختلف عن الزعتر العادي لأنه له ريحة عطرية ووريقاته صغيررررررررة مررررة، هذا الإكتشاف اكتشفته بعد قراءة طويلة عن الفرق بين الزعتر العادي والزعتر البري . أنا بشرب زعتر يوميا ومعه أوراق النعناع بمعدل على الأقل كوبين في اليوم إذا ماهو ثلاثة وشغالة على الحمام بس كمية الماء ماأشرب كثير زي بداية بسبب شربي للأعشاب.. ****لله بالحمية تخف الأورام وتخف معاها الآلام واللي بفكر فيه من دحينه هو مابعد الحمية هل يرجع الروماتويد واللا لا أقدر آكل كبسة وبيض ودجاج يااااااااااادي النيلة بصراحة الظهر نمت نومة العافية وشكلي غرقت وأحلامي كلها كانت عبارة عن أكل ، كبسة لذيذة مع اللحم وحاجات حلوة رهيبة ههههههههههههههههههههههههههه وكنت مبسوطة بس حلمت إني بشوفها بس ماآكلها هههههههههههههههههههه .
لكني كل ماطولت في الغرقان في النوم وجيت أبي أروح الجهة الثانية تآلمني ركبي ألم فظيييييييييييع مايروح إلا لازم أصحى له أطبطب على الرجل شوية وبعدين أنقلب والغريب أن الألم في الركبتين في نفس المنطقة مش في وسط الركبة محل الصابونة ولا أعلى الركبة إلا على الجنب واحنا نازلين للساق ونفس هذا المكان في الرجل الثانية متورم الساق غريبة وايش دخل الساق في الشغلة ماني عارفة!!!
لمى وأصلا الكورتيزون مامنه إلا المضار مين قال أن له مزايا وبعدين الجسم بيدمنه مع الوقت لأن الغدة الكظرية تتوقف عن إفرازه أو تصير خاملة في إنتاجه، الكورتيزون في الجسم هو هرمون النشاط، قريت أن العرق سوس بيخلي الجسم يفرز الكورتيزون بشكل طبيعي وكنت مداومة على شرب العرقسوس بس بعد ماجاني الضغط ابتعدت عنه لأنه بيرفع الضغط، وفيتامين دي هذا بيفرزه الجسم نتيجه لتعرضه لأشعة الشمس عشان كذا مهم أننا نتعرض للشمس يالمى .
جودي ياقلبي أنا من رأيي تبدأي في الحمية يمكن بعدين تستغنين عن الإبرة وغيرها ومادامك ست بيت يعني حتى إذا تعبتي راح تكوني في بيتك بصراحة الحمية تبي عزم وإرادة قوية قوية وصبررررررررررر الله يصبرنا ويصبركم.
إيثار ياريت تذكري لي إسم الطبيب اللي عالجك بالحمية لأني قريت عن واحد في النت مسوي موقع أسمه ... البيطار بيعالج الناس بالحمية بس طالب فلوس مقابل البرنامج اللي يعطيك إياه والفلوس لازم تحولينها له الأول وتنتظرين حتى يرد عليك وياعالم بعدين يرد واللا تروح فلوسك . المهم أنا متشوقة كثيرررررر أعرف برنامج حميتك لا تتأخرين علينا ترى كلنا متعلمات ونقدر نفهم إذا الحمية تناسبنا واللا لا والله يعطكي ألف عافية .
فتاة الشملي فعلا كلنا هنا خوات وانا كمان أحبكم كثير وأتمنى الخير لكل وحدة وإذا بيدي شي أقدر أقدمه أو أسويه لحد منكم والله ماأتأخر حفظكن الله جميعا .
هند 999 بصراحة أنا كمان ماأعرف هالمضادات اللي بتتكلمي عنها ولا عمري سمعت عنها إلا منك .
لمى انتي كمان ربنا يقويك وتشوفي التحسن قريبا بمشيئة الله وبالنسبة للبقدونس قولي لي كيف الطريقة اللي بتعصريه بها على الخلاط واللا ؟؟؟؟؟ بصراحة أنا عصيراتي كلها على الخلاط ماحبيت أشتريلي عصارة جزر قلت لنفسي مافيه داعي للخسارة الخلاط حقنا فيه البركة بعصر كل شي وبخففه بالماي والعصيرات ماشالله اشوفها كلها زينة .
أنا البقدونس بسويه مرقة وأخلط معاه خضار ثانية كوسة، بامية، كزبرة، شبث، دبه برتقالية، بصل أخضر وثوم يعني بسوي كوكتيل وأشرب منه . والجزر دحينه باقوم أعصره أو أسخنه شوية على النار الأول وبعدين أعصره بمويته وربنا يسهل .
أنا بس باقي أدور الرز البني لكن مو دحينه مو مستعجلة عليه خليني أشوف نتيجة السوائل الأول .
تصبحون على خيررررررررررررررر..
لا حول ولا قوة إلا بالله، الله يكفينا من صدق من الكورتيزون ومضاره .. تصدقين جودي أنا قريت عن...
انا كلمت دنيا امس قالت لي على الكركم زين لالام الليل
بس طريقته مو شاي او مرق لا ناكله سفوف ناخذ ملعقه في الليل قبل النوم ونسفها مع شرب الماء بالتدريج ونشوف النتيجه
وان شاء الله تكونوا اليوم احسن
و روح علوش
لا زلت صامده الله يقويك