حياتي بعد التكميم

بِسْم الله الرحمن الرحيم
السلام عليكم ورحمة الله وبركاته
كيفكم بأرشيقات وش اخباركم
من مده كنت مترددة أسوي تكميم وسألت البنات قالو سويها وتوكلي على الله وفعلاً استخرت وارتحت ورحت وسويتها بسبب مشاكلي الصحيه ووزني ماعد ينزل بقولكم الصراحه اول ماسويتها ماندمت وعشت بعدها كأبه بعد فتره ومرضت فتره بعدها رجعت لحياتي الطبيعية وصرت اطلع طاقتي في المطبخ لاكن بعد الفترات العصبيه الي مريت فيها لان النظام كان مره صعب الاكل مافيه تنويع شوربة بعدين خضار واكل مهروس مافيه قهوه ولا شاهي بس نعناع وشاهي اخضر وزبادي لمدة ثلاث أسابيع سبب لي اكتئاب بس فتره بسيطه بعدها تغيرت حياتي للافضل والإحلى والاجمل كل يوم احس الحياة حلوه اشوف جسمي يتغير اول شي تغير نومي صرت انوم واصحى بدري صرت اروح النادي آكلي تغير وصار نظام اكل عادي ومنوع بس دايت وتغيرت نفسيتي اشوف تشجيع الي حولي أيه برافو عليك صح عليك كسبت صحتي صح فيه ناس غيوره وحسوده وكل ماتشوفني تقول مانحفتي بس هاذا مايقلل من عزيمتي بالعكس يزيدني اصرار وتصميم أني أوصل لحلمي الي هو الوزن المثالي ان شاء الله وأوصل للهدف الي رسمته جالسه احفر وابني عشان اشوف النتيجه ان شاء الله وان شاء الله بحقق الحلم والي كان في بدايته صعب وممل وكئيب حتى أني ندمت على هالقرار الان اصبح اجمل واحلى قرار اتخذته في حياتي وليتني قررت هالقرار من زمان وسويت التكميم من زمان خاصه التغير الي صار لي نفسياً وجسدياً وزي ماقالو العذال راح ترجعين فقررت ان شاء الله بأذن الله اذا وصلت للهدف بعامل نفسي كأني توني مكممه وماراح ابالغ او أزيد في الاكل او اكثر من الحلويات والشكولت والشبس والتزم بالأكل القليل ولا أوصل لمرحلة الشبع وغير نظام آكلي وامشي مع دكتورة التغذيه خطوه بخطوه ومااخربط او أخبص في الاكل