اخوي مشكور والله00 ولو فكرت اروح لطبيب اروح لطارق الحبيب لكني ما اعرف مكانه ولا رقم عيادته
واتمنى الاخوات يردو علي بالنسبه للراحه اللي بديت احس فيها مع القرآن هي بداية العلاج ؟ ام لازم اروح لشيخ
وادعولي تكفون ما عرفتوني ولا عرفتكم الا انه من اخلاقكم فك كرب المسلمين فاسأل الله ان يفك كربكم ولا يريكم سوء ويجعل جمعنا على طاعة وخير

الحين أنتِ تقولين


والأسباب بينتيها أنتِ..


يعني اللهم لك الحمد مافيك إلا العافية..
أنتِ فقط تحاولين تلفتين نظرزوجك ..
لأنك تبين تشوفين إهتمامة بك وخوفة عليك...
.

لكن لو أستمرت الحالة لازم تزورين طبيب نفسي حتى ماتتفاقم الحالة..
وأفضل طبيب نفسي عرفتة وعلاجة روووووووعة..
هو ربك الذي لاتخفى علية خافية..

ليه إذا تضايقتي تقعدين توسوسين على نفسك؟؟
ليه ماتذكرين الله ..وإذا ماأرتحتي روحي توضي وصلي ركعتين ..
وأقري على نفسك بعض الآيات حتى ترتاح نفسك وتستقر..
ويوم بعد يوم الحالة تخف وتتلاشى وتختفي بإذن الله..

ترى حنا اللي نجيب الهم والمرض لنفسنا ببعدنا عن ربنا..
تقربي له في أزمتك هذي وإن شاء الله بيعافيك..

دعواتي لك ياعيوني..:26:

السلام عليكم ورحمة الله وبركاته ..
أختي سحر الشرق أبيج تسوين إللي أنا أقولج عليه وتطبقينه يمكن يفيد معاج ..:41:

أول ما تحسين بالنوبه غمضي عيونج وتنفسي بقوه يعني شفطي الهواء عدل مدل وطلعي الهواء إللي تنفستيه من حلجج على شكل نفخ وكرري هالشئ وإنتي مبتسمه ولازم تكونين رافعه صدرج وراسج لفوق وشاده جسمج ( وقفي مثل وقفة الواثقه بنفسها ) ..
بعدين وإنتي تتنفسين بهالطريقه أو أثناء تنفسج فكري و آمني إنج مافيج إلا العافيه وآمني إنج سليمه وقولي أنا واثقه بنفسي وكل ماتوسوسين قولي للشيطان لأن أنا واثقه بنفسي وأنا سعيده ومرتاحه بس إنت شيطان وما تقدر علي لأني قويه ..وكلام من هالنوع (( كلام يقويج ))..

بعدين إستلقي على سريرج ولازم تكونين مبتسمه ومغمضه عيونج وفكري في كل شي حلو في حياتج وتذكري كل المواقف الحلوه إللي حصلت بينج وبين زوجج ومواقف مع أصدقائج ...

صدقيني راح ترتاحين .. وتكفين كرري هالمحاوله حتى لو فشلتي من اول مره ..

وإذا تحسنتي ولاحظتي تغير واضح إعرفي إنج بس كنتي في حاله نفسيه قاسيه .. وصدقيني يا سحر الشرق الدنيا حلوه بس تبي إللي يساحلها ويجاملها ويرضى بكل إللي تجيبه له ..

على العموم الله يشافيج .. أختج مشمسه الزين :41:

مشكوره اختي ونة خفوق على ردك قد ايش ريحني الله لا يحرمك الاجر 00وتحليلك ما خطر ببالي اللي خطر ببالي اني عندي قدره للايحاء لنفسي بالمرض مو بالخير تصوري00والطبيب الي ذكرتيه سبحانه ما اعظم شأنه يشهد الله اني لم اقصد سواه اولا واخيرا واسأله سبحانه ان يعافيني ويذهب عني ويكفيني شر الشيطان وشر نفسي 00
اما الافكار السوداويه فهي مثل ما ذكرتي طبعي كذا لا حول ولاقوه واحاول اغير لكن والله اذا جيت افكر باشيا حلوه بحاتي ما الاقي رغم انها موجوده وكثيره ولله الحمد لكن الطبع يغلب صاحبه 00
مشمسة الزين 00تسلمين اختي على اقتراحك وانا حاولت فعلا بالسترخاء والتنفس بعمق لكني فشلت 00نجحت معايه اني استرخي بالقرآن اقرا لحد ما يغلبني النوم عشان ما يكون بتفكيري شي غير كلام الله 00واحاول انشالله اعيد المحاولة بالاسترخاء مثل ما قلتي لحد ما تنجح معي خصوصا ان حولي توترات من كل جانب 00والله يتقبل دعاءكم

خلوني اقلكم تطور حالتي مع القران وكثرة الصلاه والنوافل خصوصا اني ما كنت اصلي النوافل 00والدعاء بديت اشعر براحه ومتى ترجع لي الحاله لمن اصحى من النوم الظهر فقط الظهر مو الصبح لاني اصحا الصبح مافيني شي لكن بالظهر اصحى مخنوقه ومتضايقه مرررره واشعر بحراره بجسمي وغثيان 00هي خفت الان بدل ما كانت تاخد معايه لين المغرب صارت تستمر ساعه ونص الى ساعتين 00والله اني احاول اقوم بشغل البيت وانا اجر نفسي جر ومع الوقت يمشي الحال 00طمنوني هذي بدايه الشفاء ام اني اتوهم وراح ترجع لي 00