حياتي جحيم لا يطاق

السلام عليكم ورحمة الله وبركاته

والله انا ترددت كثير قبل لا اكتب الموضوع
بس والله من القهر والمعاناة اللي عايشتها
ابي احد يخفف عني ويريحني ويساعدني ارجع احسن من اول
ولاني شفت فيكم بنات ماشاءالله قمه بالاخلاق والادب مايقصرون بالمساعده


بقولكم قصتي
بدت معاناتي من 3 سنوات بعد ما خلصت الثانويه بتفوق يثلاث اشهر

وصار فيني وسواس قهري وانا اقرأ القرآن
وماقدرت اكمل القرأه وليومكم هذا وانا اعاني
اتضايق حيل لوسمعت قرآن او قريته
احاول اهرب من المكان اللي يقرأ فيه قرآن
والله العظيم اني اتقطع يوميا وحياتي كلها عذاب بعذاب عشان هذي السالفه واتحسر على حالي
وياما حاولت ولكن ما قدرت

الله يعلم بحالي لا تفكرون اني مرتاحه لاني ما اقدر اقرأ القرآن بالعكس قمة العذاب عايشه فيه

ورافضه الزواج نهائيا
حتى يوم خطبتي كنت مضايقه حيل
انا اللي اعرفه الناس تستانس اما انا لأ
ورفضت وما ازلت ارفض مع ان ودي اتزوج بس عذابي مو راحمني

يمكن الناس قرايبي يشوفوني طبيعيه وما فيني شي
لاني اتظاهر بهالشي ولكن الله يعلم باللي فيني

اول ماصابني كانت حالتي يرثى لها
24 ساعه ابجي ولا انام ليل ولا اعرف راحه
والله اقولكم اياها اتمنى اني ما صرت ولاجيت للدنيا
ياليتني مت وافتكيت من عذابي
والله والله والله من ثلاث سنين ما شفت سعاده ولا راحه ابدا
احس كأن طابوقه بصدري من ثقل همي
كانت فيه اشياء تفرح وايد بس انا ما عاد للحياه اهميه عندي ولا عاد افرح لشي

الحين عمري 21
واعتبر نفسي خلاص ما مني فايده
ومليت اشكي لهلي لانهم اتعبوا
كل واحد منهم عنده معاناه مو ناقصيني
احس اني خلاص مو لازم اعيش
حياتي هم بهم

وعلى فكره
احنا عايله شبعت سحووووره لين قلنا بس
امي لها 19 سنه مريضه بسحر وياما لقينا في حديقتنا بالصدفه سحوره مدفونه
وياما شفنا بعيونا بلاوي من قرايبنا وسكتنا
ابر محترقه ودبابيس وحركات ونسكت
واخوي الحين يعاني بعد وتعبان كلش


والله والله ودي افرح امي لمسكينه بشي بس مو قادره
الحزن متمكن مني وكارهه نفسي وودي افتك من الدنيا
ومليت اعالج عند مطاوعه لاني كنت اتعب زياده
ومنهم من قالي عين وفيه احد قالي سحر

يعني قولوا لي شسوي؟؟ والله تعبت مادري ليش عايشه
وانصحوني؟؟ واذا اتعرفون احد مثلي لاني تركت نفسي جذي بدون علاج و لاشي

انا كنبت لكم هالكلام وعندي امل 1% اني ارجع مثل اول
لاني شبه يائسه واستغفرالله على هالكلمه >>>> لا تلوموني جد تعبانه
واعتبروني اختكم او بنتكم ... ولا تقصرون معاي
واجركم عندالله بتلاقونه


واعذروني لاطالتي وكلامي الحزين بس هذ الواقع

ولاتنسوني من دعواتكم انا واخوي وامي واهلي كلهم