حياتي فووضى

الله يفتحها ويسهلها في وجهك ياكريم ..

اميين يارب العالمين...شكرا حبيبتي على الدعوه الحلوه🥀

نومك قليل ..وطول اليوم تعب..حاولي تاخذين لك غفوه بعد الغدا ساعه ...تراها مريحه وتساعد على النوم بالليل...

مشكوره ربي يسعدك بجرب ان شاءالله يفيد💗

الله يشفي زوجك ويقومه لكم بالسلامه يارب..
شوفي انا كنت اعاني من تراكم الشغل وماكنت اعرف ارتب حياتي وبيتي.. ومهما بحثت ومهما حاولت.. اكتشفت ان محد راح يساعدني غير نفسي صحيح ممكن استفيد من التجارب والجداول اللي احصله لكن ماتناسبني.. جلست مع نفسي وسجلت بمذكره جوالي وسويت جدول لي انا ع قولتهم اخترعته يناسب ظروفي ووقتي ومساحة بيتي وعدد افراد عائلتي تقريبا انا مثلك عندي ولدين والصغير عمره 3.. المهم الحمدلله ترتبت حياتي وقدرت انظم وقتي وشغلي..
انتي شوفي نفسك وش اللي حايسك لانو ماوضحتي.. هل هو شغل البيت او الاولاد او ماتاخذين كفايتك من النوم.. يعني شوفي وش الي حايسك.. يعني اذا انتي عادي تاخذين كفايتك من نوم الصباح وتبقين طول يومك نشيطه خلاص عادي خليك ع وضعك واستغلي فتره الليل تتفضين لنفسك وتسوين اي شي تبينه وتتسلين فيه .. المهم قسمي ملحقك كم غرفه وكذا وحاولي كل يوم مده ساعه تخصصينها لمكانكم ترتبينه وتنظفينه مثلا بالأسبوع حددي ثلاث ايام لتنظيف دورك المياه.. يوم بالاسبوع ترتيب ملابس ودولابك.. يوم لتنظيف مكان جلستكم انتي واولادك.. بعد الظهر اجلسي بملحقك العبي مع العيال وذاكري لبنتك او روشيهم يعني خصصي وقت باليوم تقضينه مع عيالك.. وباقي اليوم مع اهلك لانو حسيت اكثر يومك مع اهلك اجلسي معهم سوي قهوتك سولفي معهم .. أشياء بسيطة بس تنفعك مثلا اخذي سبحه او الخاتم حق التسبيح واربطيه بسجادتك وبعد كل صلاة استغفرالله 100 وسبحان الله وبحمده 100 مره وخلي بجنبك مصحف صغير بعد كل صلاه تقرائي وجه واحد بس واذا ماتقدرين خلال اليوم ش'في وقت الصلاه الي تكونين فاضيه فيه اقرائي لو صفحه وحده من القرآن .. عمل بسيط بس مع المداومه بتتعودين عليه وماتتركينه ومع الوقت انتي بنفسك بتزودين شي .. تقولين تسهرين حلو قبل الفجر توضي وصلي ركعتين بس واكثري من الاستغفار بعده.. وبعد الفجر اقرائي اذكارك.. والعصر اذكار المساء.. لانو المغرب يكون فات وقت الاذكار وقتها المناسب العصر.. واهم شي لاتفكرين كثير وخلي نفسيتك حلوه لانو ماحس فيه مشكله احسك متوتره وحايسه كلامي كثير بس اتمنى اكون افدتك لو بشي بسيط