حياتي كلها حيره وخوف وهموم..مصيبتي ماظنها مرت على احد

يعدها بفترة صار يرد علي برسايل لكن كلمة كلمتين.. وكلها تقول انه اللي فيه اكبر من انه يقوله لاحد..
اهلي طبعا استغربو من هالحال وانا كنت دايم اترجاهم يخلوني اروح عند اخته عشان اشوفه هناك اذا جاها وكانو يرفضون.. لكن حاولت معاهم وحاولت وحاولت.. لان خطيبي يستاهل المحاولات..واخيرا وافقو وحملوني مسؤلية تصرفي.. رحت عند اخته شوي دق الجرس وكان خطيبي هو على الباب..
مايعرف ابد ولا عنده ادنى شك اني انا عندها او اي احد من اهله..
دخلت انا المجلس وكان النور مقفل وهو دخل وراي .. وهنا المصيبه..
اول ما لمحني ركض على الباب يبي يطلع يصرخ باخته لانها قفلت الباب لين اخذ المفتاح بقوة وطلع مثل المجنووون..وصار يدور حول البيت..
انا لما شفت هالموقف انهرت ماصدقت ان هذا هو اللي اعرف شلون صار كذا وليه يهرب.. والكل اكد لي انه سحر..
روحت شقتنا وفقدت الامل اني اشوفه جلست اصلي وقرات سورة البقرة وتوكلت على ربي.. مع اني قلبي انفطر عليه..
ثاني يوم الساعة3 بالليل ارسل لي رسالة يبي يشوفني.. اكيد انا وافقت.. شوي ومرني واخذني بسيارته
مادري شلون اقول لكم لقانا.. كانه ماصار بينا شي ابد ابد ابد
كان هو مرتبك واغلب وقته ساكت.. مايرد علي.. قال لي تكفين خلنا نروح الحرم نصلي انا وانت.. رفضت لكن هو اصر..شغله هو هناك بمكه..
رحنا الحرم وكانت من احلى اللحظات رجع كل شي لوضعه الطبيعي..صلينا ودعينا..من غير ماعرف وش سبب مشكلته
رجعنا واحنا بالطريق كان يسولف ومرتاح.. شوي فجاه كتممم وتضايق حيل حيل حيل عيونه كلها دموع.. ورجعت لشقتي وكلي حسرة عليه.. وكنت مسافرة ثاني يوم واتفقنا يجيني للمطار يودعني
وبالفعل جا عندي ووعدني انه يزورني بديرتي قريب..مع العلم انه ماكان يقطعني اول ودايم يزورني..
وهو واقف معاي وصله اتصال قلب كل الاحتمالات اللي كنت اتوقعها.. وزادني انا واهله حيره..
اللي صار ان سيارته الثانيه..(( انحرقــــــت)) بفعل فاعل.. هذا الكلام من يومين بس
والى الان الشرطة تحقق ومحد عارف مين السبب؟ وليش؟
واللي عقد المشكلة اكثر ان التهديدات وصلت لجوال ابوي بالرسايل يهددوني انا بعد وينصحون ابوي انه يطلقني منه لان حياتي معاه على حسب ما يقولون مستحيل تتم....
وابوي اكيد خايف علي وقال لي بالحرف الواحد.. مستحيل تتزوجين هذا الانسان.. انا ماراح ارميك بالنار..

وانا مابي اخسره.. والله مابي.. ودي اني اوقف معاه واصبر لاخر يوم بعمري.. ماتدرون شكثر احترم هالشخص..
لكن مادري وش بيدي .. سويت كل شي اقدر عليه..الكل يقول لو وحدة ثانية تركته من اول المشكلة حتى اخواته مستغربين وقفتي معاه.. لكن انا اعرفه زين.. احترمني طول وقتي معاه شلون اتخلى عنه الحين؟
لكن الحين ماعرف وش اسوي محتاااااااارة .. محتاااااااارة..
_ابي اعرف لو وحدة بمكاني وش تسوي..تحت هالضغوطات من الاهل.. والاحداث اللي تصير .. والتهديدات!!!
دعوااااااااتكم لي الله يسعدكم ولا يحط اي وحدة بمكاني..دعوااااااااتكم..
ادري محد بيده شي.. الله يحرسني انا وزوجي بعينه اللي ماتنام.. ياربي رد كيدهم بنحرهم... وعوض صبري خير
ابيكم توقفون معاي وتشورون علي.. انا قلت لكم كل شي بالتفصيل.. عشان تحسون بمعاناتي..
انا الحين في عز محنتي..واعيش احداثها الى هاللحظة..
حسبـــــــي الله ونعــــــــم الوكيل,,

الله يفرج همك


مالك غير ربك اللي خلقك وخلق الناااااااااااس أدعيه واتقربي منه

بصراحه مشكلتك غريبه وغامضه

الله يكون بعونك

الله يصبرج

بس يمكن يكون مش من نصيبك

اعرف وحده كان ولد خالتها مغرم فيها سنين
لين اخر شي وافقت عليه وملجت
وكانت وياه ااااااخر وناسه ومرتاحين
بين يوم وليله تركاها وترك لها ورقة الطلاق بدون مقدمات تغير عليها حييييييل

وسافر ما احد سمع عنه شي

البنت اليوم تزوج واحد احسن منه بوايد

يمكن تكون اسباب عديده تخلي الواحد يتغير

بس النصيب عجيب وكل انسان راح ياخذ نصيبه
وانا اقولج استخيري ورتبي امورج يمكن يكون نصيب غيرج وانتي نصيبج مع انسان افضل منه

الله يعينج

أختي الله يكون في عونك

ما الك غير الدعاء الى الله
لوكان بمقدورك الصلاة في الحرم فصلي فيه دائما
وصلي صلاة إستخاره وبعدين إذا وقفت جنبه أو تركتيه
يكون هو الي فيه الخير لك .
وصلاة حاجه بعد

وإن شاء الله يرجع مثل الأول وأحسن بعد
وعسى يا رب يكون من نصيبك

الله يبعد عنك الهم والحزن

:(

انتي قلتي يحبج ,, ويحترمج

و انه انسان زين

يمكن اهو لانه يحبج ,, صارله شي مو زين و ما يبيج تتأذين من هالشي ,,

يمكن راح تنقهرين ,, تسألين نفسج شنو هالشي ؟

وكلي امرج لربج ,, بس لا تستعيلين ,,

و خلج صابرة ,, واطلبي من ربج يعطيجياه