شوفي احرصي على عيالك وعلى دراستهم وان شاء
الله العوض فيهم ياكثر اللي عيالهم سكنوهم ببيوت
ملك
اسمعي يمكن ربي اختار لكم الفقر
غيركم اختار لهم العقم
غيركم اختار لهم طفل معاق
غيركم اختار لهم المرض
ترى كل بيت فيه اللي يشغله حتى المرتاحين ماديا
بس ما ندري عنهم
كثري حمد واطلبي الله يجعلك من الصابرات
المحتسبات اطلبيه عنده خزائن ما تنفذ
وادعي وادعي دايم لعيالك ما تدرين وش مكتوب
لكم من خير بالمستقبل
ولاتنسين الاستغفار ما يخفى عليك فضله
ولا بعد فيه حريم اغنياء غاثينهم رجالهم بالتعدد
ويتمنون لهم الفقر

الله يفرجها عليكم يارب
دوري وظيفه لو مستخدمه بالمدرسه
صح الوظيفه صعب تلاقي الان بس ادعي ربك
والله يفرحك باولادك يارب

صدقيني أوقات يكون الفقر نعمه .. لأن بعض الرجال اول ما تجيهم قرشين اول ما يقلب عليك انتي وعيالك ..
اتصدقين اني ما حطيت جوال زي الناس الا من 3 سنوات... اسنين على جوال نوكيا بو كشاف .. كنت اسلك طلبات عيالي من بو خمسه وبو ريالين والتزمت باالوتر والاستغفار والقرآن ولله الحمد وربك عدل الحال .. مااقول لك اغتنينا لكن ربك يسرها له الحمد والشكروالمنه ..
لا تجلسين تندبين حظك تقربي لربك اكثر واكثر وشوفي كيف يفرجها سبحانه

اقري هالكلام زيننن
لانها وعود ربانيه واصدقي مع الله وحثي زوجك واولادك قبل النوم انهم اي شي يبونه يتحقق يدعون ربههم ويستغفرونهم عوديهم من صغرهم ع الاستغفار خلوه روتين يومي


{اسْتَغْفِرُوا رَبَّكُمْ ثُمَّ تُوبُوا إِلَيْهِ يُمَتِّعْكُمْ مَتَاعاً حَسَناً .



:{اسْتَغْفِرُوا رَبَّكُمْ ثُمَّ تُوبُوا إِلَيْهِ يُرْسِلِ السَّمَاءَ عَلَيْكُمْ مِدْرَاراً وَيَزِدْكُمْ قُوَّةً إِلَى قُوَّتِكُمْ .



{وَمَا كَانَ اللَّهُ لِيُعَذِّبَهُمْ وَأَنْتَ فِيهِمْ وَمَا كَانَ اللَّهُ مُعَذِّبَهُمْ وَهُمْ يَسْتَغْفِرُونَ .



{اسْتَغْفِرُوا رَبَّكُمْ إِنَّهُ كَانَ غَفَّاراً يُرْسِلِ السَّمَاءَ عَلَيْكُمْ مِدْرَاراً وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَاراً .

اكثري الاستغفار والدعاء وصلاة الضحى والوتر
حاولي تشتغلي
سوي طلبيات اكل للمدارس او اهل الحارة
سوي مطويات وابحاث للطالبات
اعطي دروس خصوصية
شوفي محلات النساء لو حصلتي فرصة تشتغلي فيها
الله يرزقك ويفتح عليك يار