حبيبتي انتي عارفه وضع زوجك المادي أما بالنسبه لشغاله ماهو لازم غيرك معاها تسعه عيال ماشاءالله ولا شغاله ولا شي حاولي تشتغلي اي شغله لين مايتحسن وضعكم وساعدي زوجك واوقفي معاه لا تحسسيه انه مو قادر يصرف عليكم

الفقر مو عيب احنا الحمد لله عشنا بفقر حالتنا كانت حاله حتى بيتنا الي كنا عايشين فيه منتهي مافيه فايده قديم خرابه والحمد لله مع هذا عشنا وتربيته وصبرنا يارب لك الحمد كبرنا مثلنا مثل غيرنا أهم شي القناعه مالك الا الصبر والقناعه وان شاء الله الله يفتح عليكم أو عيالك يكبرون يعوضنك أهم شي الأساسيات إذا متوفره فيارب لك الحمد اكل وشرب ولبس وصحه والباقي متاع الحياه الدنيا .....

معك حق الحياه الان اصبحت صعبه والغلاء المعيشي دمر الاسر البسيطه انا عندي 4اطفال ورغم ان راتب زوجي لا باس به لكن نزلت بشتري ملابس شتويه ماقدرت اخذ الا لكل واحد لبستين رغم انهم يحتاجون جزم ملابس داخليه ثقيله ماقدرت اخذ لي شي انا اسعار مبالغ فيها وعندنا مستلازمات ثانيه كثير اجار فواتير اقساط البنوك غير احتياجات المدارس والاطفال مهما كان الراتب ماراح يغطي كل شي الله المستعان والله يرزقنا واياكي من واسع فضله

الله يعينك طيب حبيبتي اذا العيال كبار وشادين نفسهم شوفي لك وظيفه او اذا تقاعد خليهم يشوف له شغله مثلا يوصل ناس بسيارته او يقعد مع العيال وانتي تشتغلين دبري عمرك والله يعينك الحياه مره صعبه

الفقر مو عيب بالعكس ياما ناس عندهم خير بس يدورون الراحه وياما ناس فقرانين ومرتاحين ف حياتهم احمدي ربك على النعمه اللي انتي فيها شغاله وجوال مو كل شي ف الدنيا أرضي بالقليل يأتيك الكثير ودايم قولي الحمدالله على كل حال ولاتتذمرين على الفقر بالعكس تفائلو بالخير تجدوه وإن شكرتم لأزيدنكم أشكري الله على العيشه اللي انتي فيها سوا سيئه او جميله وقلت أستغفرو ربكم أنه كان توابا يرسل السماء عليكم مدرارا ويرزقكم < بأموال وبنين> ماتدرين وش ربي كاتبلكم ف حياتكم دايم احمدي ربك ع اللي انتي فيها واشكريه واستغفريه والصلاة حافظوو عليهاا في وقتها وأطلبوو الله وتقربو من الله الدنيا ذي ماتسوا نتعب ونشيل هموم والله فوووق << ولاتنسين اذكروني أذكركم>> اذكروو الله بيتكم لايخلى من ذكر الله وتشوفون نعمة الله كيف تنزل عليكم وكل شي يمر في حياتكم قولو الحمدالله على كل حال حتى الفقر الحمدالله على كل حال والله يرزقنا من واسع فضله ،،،!! أصبرو: دأئمآ خلف الصبر شي جميل،،،،،،،،،،،


وان شاء الله ماكون طولت عليك وان شاء الله بعد يكون استفدتي من كلامي