رفع

ابقولك قصص عن الصدقه من اللي حولي




بنت عمتي تقول كانت هي وزوجها وعيالها بسيارتنا واقفين عند مطعم من المطاعم المعروفه اللي تاخذين الاكل من الشباك زي ماك وهرفي الخ تقول وحنا واقفين نحتري الطلب شفت عامل النظافه وكان وقت لليل قلت لزوجي عطه شي من بوكك فتح بوكه لقاء بس 3 ريال قال لااااا مامعي الا ثلاث ريال قالت عطه قال لاااا وين عيب بزر هو امدله ثلاث ريال عيب استحي مالي وجهه قالت له عطه الثلاثه يمكن عطشان جوعان يشري فيهم الحين ماتدري وش محتاج الحين مدهن له بسرعه لايروح وينزل ويمدهن له الثلاثه واخذوا طلبهم وراحوا بعد يومين جاء زوجها يقول جتني مكافئه من الشغل 3000 على شغل انجزته وهو بنفسه ذكر زوجته بالصدقه كيف من 3 ريال الى 3000 سبحان الله


ووحده قريت قصتها هنا هي كاتبتها بنفسها
تقول اني اسوي دايم شاهي واعبي زمزميه واعطيها بنتي تعطيها العمال بالشارع يوميا كذا واخلي ثوابها لابوزوجي الله يرحمه وتقول مره جارتي زيرتني وقلتلها قالت مجنووووونه مهبووووله تخلين بنتك تودي للعمل الشاهي ماتخافين على بنتك الولد هالحين ينخاف عليه فكيف بنت عند اجانب لو صار شي وراحت البنت لايقتلك زوجك تقول خفت وبغيت انجن وتركت الشغله ذي ولا صرت اسوي ولا ارسل بنتي برا البيت تقول بعد كم يوم زوجي كان نايم ظهريه وجاء ويوم صار العصر وحنا نتقهوى انا وياه قال شفت حلم اللهم اجعله خير ابوي جايتي بالحلم ويقول وين الشاي ياوليدي وش هالحلم الغريب تقول وانقز واقوله السالفه كلها اللي كنت اسويها وللعلم زوجها مايدري ان زوجته تسوي كذا كانت مخبيه السالفه تبيها اجر لابو زوجها وبالسر بينها وبين الله فعلمت زوجها عن يالفة الشاي وام جيرانهم قالت وكذا واني وقفت لي كم يوم قال خلااااااص قوووومي الحين سوي شاي وانا اللي ابوديه كل يوم


انا
كنت مع سواق المشارير برنامج كريم وكان هندي وكنت اخذه عيالي وبنت اختي للمستوصف تعبانين وقال مشوارك يوم وصلت 11 ريال وانا مامعي ريالات معي خمسات وعشرات مديت له 15 يعني فكها الخمسه قال مامعي صرف خلاص مدام مو لازم .... قلت لا خلاص خذ ال5 كلها لك مو لازم استغربت انه التفت علي وهو مستغرب يقول لي مدم قلت ايه قام يقول مدام شكرا شكرا شكرا ومن بكرا جيت اروح للسوق وبنفس البرنامج مع واحد ثاني ومديت له 100 مامعي الا هي ببوكي قال مامعي صرف قلتله اصبر طيب ابفكها من المحل اللي قدامنا ذا قال لااااا خلاص بعدين اذا طلبتيني عطيني اياها قلت له مابي دين علي اصبر افكها قال لا خلاص انا مستعجل وراي طريق انا مسامحك فيها تراها 10 المشوار ورفض لا يصبر ولا شي وقال مسامحك
للعلم طلعت للسوق مابوكي الا 100 بس ابي اروح اجيب بس عقد لي بسوق الذهب كنت حاطته تصليح ودافعه مسبقاً واببدل تكرمين جزمة بنتي ابجيب اكبر يعني ماراح اشتري شي كلها اغراض باماكن مدفوعه مسبقاً ورجعت بال100
مو مره كذا مره تصير لي اتصدق بشي بسيط يجي اكثر

لاتتذمري أبداً وكوني مع الله أنا ماعندي حتى طلبات المطبخ دايم تنقصني أغراض وأكل وطلبات لي ولعيالي وزوجي انفصل من عمله ومع ذلك أقول الحمدلله وان شاءالله يجي يوم وتزين الامور أهم شيء عيالي معاي وبصحه وعافيه ربي لك الحمد والشكر وكل الناس تمر بظروف وصعوبات الحياه ماتنتهي لكن الله يفرجها علينا وعليك اذا انتي في مدينه دوري لك وظيفه في مجمع نسائي رواتبهم 3000 او 4000 زينه أنا حاولت اكون مندوبه لكن ماكسبت لأن محد أخذ من عندي شيء وع الاقل زوجك عنده وظيفه وراتب لكن زوجي صارت له مشكله في عمله وانفصل والحمدلله ع كل حاااال عليك بالاستغفار والوتر والبقره ويارب يارب انها تنفرج قريب....

الله يفرج همكم ويرزقكم

امي تقول دامه مأكلك ومشربك ومنومك


احمدي ربك وشكريه وتحملي ..ودبري عمرك بالي عندك واهم شي رضى زوجك على الاقل يبقى زوج حنون ومحترمك يونسك بالحياة ..والباقي خليه على الله