منتديات عالم حواء
لوحة تحكم العضو
الرسائل الخاصة
رسيل 369
الرسائل الخاصةتحميل المزيد من الرسائل
السلام عليكم اختي كيف حالك..
اختي هذا مرض معروف في علم النفس..وهو نفس الصفات التي ذكرتيها..لا مس ولا جن ولا شيء من هذا القبيل..اقرأي اختي في مرض الفصام..وستجدين الحل بإذن الله..لاتضيعي شبابك بين المشائخ..
بادري للذهاب الى طبيب نفسي واشرحي له حالتك بالتفصيل..ستتوقف بإذن الله الأصوات والأوامر التي تدور في مخك ..وستعيشين حياة افضل بإذن الله..
نصيحه من اخت في الله بادري بالعلاج..لان هذا المرض يتطور بسرعه..واذكرك مره اخرى بأنه مرض معروف ومنتشر..وليس له اي علاقه بالجن...فإنتي
اختي لستي الوحيده المصابه بهذا الابتلاء..
اقرأي في مرض الفصام العقلي وستقتنعين بكلامي..والتعب عند سماع الرقيه مجرد قلق وخوف ليس له أي علاقه بالعفاريت...مع العلم ان اغلب هذا المرض وراثي..
تاريخ الإرسال: اليوم
الساعة الآن 01:20 .
تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.
الصفحة الأخيرة
الله ثم بيدك مو بيد احد ثاني لا رقاه ولا غيره كنت مثلك واشد كنت ياسه ومحطمه لاقصى درجه لين صحيت على نفسي وحسيت العمر يجري وسنوات عمري راحت وانا مو عايشه مثل خلق الله
اول شي سويته توكلت على الله وعرفت ان علاجي بالقرآن مهما كانت حالتي ومافيه مانع من الاخذ بالاسباب سويت منظار للمعده طلع عندي مشاكل كثيره من تقرحات وارتجاع مع اني ماكنت احس بشي وطلع عندي نقص بفيتامين د
اما الشي اللي نفعني كثير واحب انفع به غيري هو برنامج بسيط سويته بعد ماكنت اقرى البرامج العلاجيه بالمنتديات والمواقع واحس تزيدني ياس،فوق ياسي لان احسها صعبه ومستحيل اطبقها فسويت لي برنامج بسيط جدا بس قلت هالمره راح استمر لين اشوف النتيجه والحمدلله في اسبوعين تحسنت تحسن كبير يارب لك الحمد
اول شي حطيت ببالي ان الشفاء من عند الله لاهو من عند راقي ولا عند طبيب كنت اقرى قصص اللي تشافوا بالقرآن واحس تحمسني
اول شي سويته كنت كل صبح على الريق اخذ 7او5او3تمرات اي نوع واشرب بعدهم مويا اقرى فيها الفاتحه7مرات وانفث
اصلي الفجر واقرى الاذكار وارجع انام
اصحى على. الساعه11اول شي افتح الشبابيك عشان يدخل الضو واشغل اذاعة القرآن بصوت مسموع اسمعه وانا بالمطبخ
العصر او قريب المغرب اقرى اذكار المساء واحاول قد ما اقدر اقرى يوميا لو صفحتين من القرآن وكل مازدتي افضل
قبل النوم ارقي نفسي بالفاتحه وطريقة رقية الفاتحه موجوده بالنت واقري قصص اللي تشافوا بفضل هالسورة وبعدها احط السماعات باذني واسمع رقيه او سورة البقره وانام وانا اسمع اذا ماعندك احد بالغرفه يتضايق،من الصوت افضل شغليها عند راسك بدون سماعات الاذن عشان ماتتعودين عليها
والله اني بالبدايه حسيت بضيق وزاد التعب وكنت راح ابطل الاشياء اللي اسويها رغم بساطتها بس الشيطان حاول يمنعني عنها لكن بفضل الله استمريت وكنت وانا نايمه احس شي خرج من صدري واحس صار تنفسي سهل وكان طوب كان على صدري،وانزاح تكررت كثير هالحاله والحمدلله يوم عن يوم بديت احس بالتحسن والراحه يارب لك الحمد صحيح الحين انا لي سنه او اكثر تاركه البرنامج لكن الحمدلله حالتي احسن من قبل بكثير وكل ماحسيت بتعب ارجع اقرى قرآن واحافظ على الاذكار وتتحسن نفسيتي
ماراح اقولك جربي لان احس اذا الانسان مو من داخله نوى على التغيير ماراح شي يغيره عشان كذا بقولك فكري بحياتك الحين وهل انتي راضيه عنها شبابك يضيع وانتي ماعشتي مثل الناس ماستفدتي شي من حياتك فكري ان اذا الحياه صعبه ويأسه منها ليش ما اعمل شي ينفعني باخرتي احسن من اطلع من الدنيا ماستفدت شي لا لحياتي،ولا لاخرتي علقي قلبك بالله وتوكلي عليه وفكري بكلامي وان شاء الله تجين تبشرينا بشفاءك وارجع اقولك مهما اشتدت الاعراض لاتتراجعين واعرفي انك ماشيه بالطريق الصح وكلها فتره وتتقلص الاعراض وتحسن الفرق
استودعتك الله الذي لاتضيع ودائعه