بنات شرايكم كل وحدة تدخل للموضوع تكتب لنا طبق تبي تسوي بالفطور :23:
لاني صراحة تعبت وأنا أكتب المنيو ,اتمنى وخاطري كل وحدة تقولي رايهافي :44:
وأذا كل يوم كتبنا طبق بنتساعد على باقي رمضان :cook:
بنات مووووووووووووووووتكشتون فيني بليييييييييييييييييييزززززززز:(

تسلمين اختي تينه

يعطيك العافيه

:26:

السلام عليكم
تسلم ايدينك أختي تينه ..
وأنا ابتعاون معك اليوم وابكتب لكم وش ابسوي على الفطور

شوربة الجريش

المقادير:
لحم غنم مقطع صغير
بصل مفروم
طماط مطحون
جريش حب مغسول
عود قرفة
حبتين ليمون أسود مغسول
كزبرة مطحونة - ملح

الطريقة:
نحمس البصل في شوي زيت ثم نضع عليه الكزبرة.
نضيف اللحم ونحركة إلى أن يتغير لونه قم نضيف الطماط المطحون.
نحرك المزيج جيداً, ونخليه عشر دقايق على النار ثم نضيف الجريش الحب.
نضيف الماء المغلي على القدر بس مو كثير عشان ما تصير الشوربة ماء.
نخليها تطبخ لمدة لا تقل عن ساعة ثم نضيف القرفة والليمون الأسود ونخليها تطبخ معهم شوي (15 - 20) ثم نطفي عنها (ممكن أنها تحتاج إلى زيادة كمية الماء لأن الجر يشرب ماء .. أما إذا كانت الشوربة خفيفة فيمكن إضافة القليل من شوفان كويكر ويحسن الوضع)
ملاحظة: الملح يوضع بعد أن تطبخ لشوربة لمدة 45 حتى لا يؤثر الملح في نضج اللحم



مشخول الربيان

المقادير:
ربيان مقشر ومنظف (على حسب عدد الأشخاص)
بصل مفروم
طماط مطحون
صلصة طماط
كزبرة مفرومة
بهارات - ملح - فلفل - كركم - ليمون أسود مطحون
رز مغسول ومنقوع (على حسب عدد الأشخاص )

الطريقة:
1- نسلق الرز نص سلقة ( يعني ما يستوي مره يصير نص حب)
2- في قدر كبير: نسخن شوي زيت ونحمر البصل ونضيف له الطماط المطحون والصلصة ونحركه ونضيف شوي مويه عشان تصير الصلصة ثخينه.
3- نضيف الربيان ونضع جميع البهارات ( المخلوطة + الكركم - الفلفل الأسود المطحون - الليمون الأسود).
نحركه زين وإذا حسيتي إنه ناشف زيديه مويه شوي.
4- نضيف الكزبرة المفرومة ونحرك الكل.
5- لما يستوي الربيان أو يكون باقي له شوي ويستوي ( والصلصة لازم تكون ثخينه) نعدل شكله و نحط الرز فوق الصلصة ونرصه ونضيف شوي مويه ونغطي القدر ونقصر النار لين يستوي الرز.
6- نجيب صحن كبير ونقلب القدر عليه .
وبالعافيه.


مطبق على الصاج


الحشوة:
بصل مفروم يحمس على النار ويضاف له لحم مفروم ونحركه زين إلى أن ينشف مويته.
نضيف ملح - بهارات - فلفل أسود مطحون.
نضيف له طماط مقطع ضغير مره ونحركه لين ينشف اللحم ويبدأ يلصق بالقدر.
نحط الحشوة في صحن ثاني ونحط عليها:
بصل أخضر مفروم
كراث مفروم ( يمكن الاستغناء عنه)
بيضة مخفوقة (لكي يتماسك الخليط)
ونخلطهم زين لين يصيرون متماسكين.

نجيب عجينة سمبوسة بس اللي تكون بالزيت (أنا استخدم دلتا بالزيت)
ناخذ شريحتين ونحطهم على شكل زائد فوق بعض
نكون خالطين شوي طحين مع شوي ماء ليكون الغراء اللي يلصق المطبق.
نضع الخلطة في المربع بالنص, ونبدأ نسكر العجنية من الجهة التحتية وندهنها بالطحين والماء , بعدين نسكر الجهة اليمين أو اليسار وهكذا إلى أن تتسكر كاملة.
تسخنين الصاجه وتدهنينها بزيت
تحمرين المطبق على الجهتين .
وبالهنا والعافية.

عين حمران مشكورة على الرد حبيبتي
واو شي عجيب السفرة عمرانة اليوم ......... مشكورة أختي um reemaعلى الرد وعجبني مطبق الصاج وجربة وأرد عليج :26: :26:

تينه المتينه

الله يعطيكِ العافية على المنيو الرووووووعة أختي ..
إن شاء الله بأجرب أطباقك الحلوة ..