على هذا الرابط
ملف سفرات وعزايم وبوفيهات أطباق عالم حواء ابداع × ابداع
طبعا من بعد الدلع في بيت اهلى وفي بيت زوجي ابدا ماطبخت اصناف الرز والاطباق الريسيه كان دايم يكون عندنا طباخ او طباخه لهذا الشغل
ولكن هالسنه احكمت الظروف وسافرت الطباخه وجبت وحده بس ماتعرف تطبخ
وبما اني من محبات الطبخ شمرت ذراعي على الاطباق الرئيسيه وغيرت اشوي من الحلويات
والحمدالله طبخي نال على الاعجاب وضبط معاي واطلعت اطباق الغداااااء سهله جدا غير لما كنت احسبها صعبه بالاول
وعلى فكره يا بنات ترى الطبخ نفس ... يعني اللي تحب الطبخ ان شاء الله راح يكون طبخها حلو وراح تتفنن فيه بنفسها... ومهما تطورنا في الاطباق لازم نطبخ اطباقنا الشعبيه ... واغلب البيوت تتشابهه الاطباق مابينهم
وطبعا وابدا ودائما ابحث عن اسهل الطرق :42:
وانا مابي اتقيد وايد بالمقادير لان كلن وحسب ذوقه في البهارات والاضافات والمقادير حسب اعداد افراد الاسره
ونبتدي في اول طبق بسم الله
حمسة الربيان مع الرز الابيض
خفيفه وشهيه وسريعه
ربيان منظف ومغسول ومهم جدا يا بنات تنزعون الخيط الاسود بالظهر
وكركم ... وملح ... وماء للطبخ ...
اول شي انظف الربيان واحط الماء على النار ولما يسخن انزل عليه الربيان واضيف له الملح والكركم واخليه لما يستوي ثم اصفيه ... والوقت ياخذ حوالي النص ساعه او ساعه الا ربع على حسب حجم الربيان
احمس البصل والثوم بالزيت القليل ثم اضيف ملعقه معجون طماط (لاتكثرون حتى مايروح طعم الربيان ) ولما يبتدي يذوب اشوي اضيف عليه الربيان ثم البهارات والكركم ثم الاشبت المفروم واحركه على هالحال تقريبا ربع ساعه
الحين اطبخ الرز بالطريقه العاديه .. احط ماء مغلي واضيف عليه الملح وملعقة زيت وكم حبة فلفل اسود ... وممكن اعواد دارسين اذا تحبين ... ولما يغلي اضيف الرز المغسول والمنقوع ... ولما يستوي اصفيه ... اضع في القدر (نفس القدر اللي طبخنا فيه الرز ) زيت ولما يسخن انزل عليه الرز المصفى واحط عليه صفار الزعفران المنقوع بالماء... ثم اضيف عليه حمسة الربيان حتى ياخذ ريحة الربيان الشهيه ... واتركه على نار هاديه جدا بعد ما اضع تحته حديده لمدة ساعه الا ربع او نص ساعه...ثم اقدمه مع الدقوس
ونتابع ان شاء الله
الاطباق موجوده فى الصفحات التاليه :
1\ 2\ 3\ 5 \ 7 \ 9 \ 12 \15 \17 \18 \19
المشرفه ام علاء
الدقوس الكويتي ضروري جدا في الاطباق الكويتيه .. مع اني ماحبه وايد بس العيال يبونه
وطريقته جدا سهله
4 او ثلاث طماطات كبيره ومقطعه
3 فصوص ثوم
ماء تقريبا كاسين
وفلفل اسود وملح
وملعقة زيت
وفلفل اخضر حار او بارد حسب الرغبه
نضع كل هالمقادير في خلاط الطماط (ونترك فص واحد للاخر ) ... ونفرم بس يكون خشن اشوي يعني لايكون حيل ناعم
ثم نصب الخليط بالقدر وعلى النار ثم نضيف الفلفل الاخضر حتى يغلي غلوتين وبالاخر نحط الفص الثوم
في ناس تحب ريحة الثوم ولذلك نضيفه بالاخر وفي ناس تبي ريحته تكون خفيفه نخليه بالخلاط
وفي ناس تضيف عليه اشوي كزبره
:42: