شكلاته ساخنه
شكلاته ساخنه
مع اني ما ادري وش سلة موسى بس تكفي اكيد اول شهرين لكل واحد فيهم لانهم يصيرون صغار مرره مساكين:( الله يسلم قلبك ياعمري ويقومك بالسلامه يارب آخر تصوير لي قبل اسبوع من عمليتي قالو لي الولد راسه فوق والبنت تحت يعني اذا تبين تولدين طبيعي ممكن نطلع البنت همن نحاول نقلب الولد او هو عادة لين طلع التوام الاول ينقلب ويتعدل بس انا خفت ما حبيت اخاطر ابد والحمدلله صارة الخيره لي وبتعرفين وش اقصد لينقريتي باقي القصه ما اتذكر بس اني باقي لي عشر ايام بالثامن وهذا كلام الدكتور لي لما شاف الطلق قال لي انا كان ودي اخليك لين تكملين الثامن يعني لو اول يوم بالتاسع حلو لكن الله سبحانه مااراد والله البنج النصفي ياقلبي مدري وش اقول لك انا احس ببعض الالم بظهري بس مااعتقد انه منه اتوقع اي وحده بزي ظروفنا جايبه توام وناقص عندها الكالسيوم اكيد بتحس نفس الشي انالو خيروني مره ثانيه بختاره اكيد بس انا ما انصح فيه الي خوافه ولا عندها اي مشكله منهالقبيل لان العمليه لها رهبه شديده وانتي طايحه على هالسرير وهم يقلبون فيك زي الذبيحه وزي ما قلت لكم كنت احس بالمشرط واحس بالفوطه الي كانو ينشفون بها الدم واحس بهم وهم يوسعون الجرح بيديهم يعني زي دكتور الاسنان تحسين به وش يسوي بس ماتحسين بالم [/CENTER]
مع اني ما ادري وش سلة موسى بس تكفي اكيد اول شهرين لكل واحد فيهم لانهم يصيرون صغار مرره مساكين:( ...
ودي اخليكم زياده بس ماتهونون علي
هههههههههههههههههههههه

المهم يا طويلات الاعمار زي ما قلت لكم كنت طايحه على هالسرير واحس بهم وهم يقلبوني
اقسم بالله اني مع ثقل جسمي كنت ارتفع من السرير من طريقتهم معي فعلا الدكتور عباره عن قصاب بس متعلم
ههههههههههههه
يعني جفاسه حتى ولدي كان تعبان مرره بسبايب الدكتور طلعه بطريقه عنيفه دخل ايده ولفه عشان يطلع راسه ونتقه مني يعني الجرح يكون صغير ويطلعونهم بصعوبه ويسحبونهم منك سحب تحسين انك ترتفعين من السرير
وزي ماقلت لكم لما طلعوهم ووروني اياهم بديت اشوفهم يختبصون ورايحين جايين بهالغرفه وجابو اطباء من برا
وبديت اسمع جهاز الشفط مره ثانيه
جهاز الشفط هذا زي جهاز الاسنان الي يشفطون به اللعاب وانتم بكرامه
يستخدمونه لين فتحو كيس الجنين يشفطون المويه حقته بعدين يطلعون الجنين
انا استغربت ليه استخدموه مرره ثانيه خلاص التوام طلعو وش يشفطون ...
ولما سالت دكتور البنج قلت دكتور وش فيه قال مافيه شي لا تخافين وكنت احس بالدنيا تظلم بوجهي وراسي يدور بي
وكانه بيغمى علي...
وقتها جاب الدكتور كمامه وحطها على فمي
كانت الساعه وقتها تقريبا خمس الاربع او بهالحدود
المهم اني ماعاد حسيت بشي نمت او دخت او مدري وش صار

فتحت عيوني وشفت فوق راسي ممرظات ودكتو البنج واشوف دكتوري على جنب يمسح ايدينه ويشيل اللبس الي عليه كله دم..
صاحو الممرضات الحمدللله مدام كويسس توينزز
ودكتور البنج يقول الحمد للله على السلامه
قلت وش صار بعيالي
وينهم قالو حظانه :crap:
وبعدين جا دكتوري عند راسي وقال الحمدلله على السلامه
ما افطرت بسببك اخرتينا على باله يمزح قلت له كم الساعه قال الساعه سبع ونصف...
قلت ليه تاخرت كذا قال انا مشغول الحين ابروح افطر واصلي..
بس عموما امر عليك بكره الصباح ***** الله..
وطلع بسرعه
:confused:قعدت اهوجس وش فيني ليه يتهرب كذا
قلت لدكتور ثاني كان موجود لسى ماطلع من الغرفه دكتور تكفى وش فيني وش صار
قال مافيه شي بس نزفتي شوي والدكتور اظطر يحط لك حشوه!!!!
وطلع بسرعه مستعجلين كلهم يبون يفطرون
المهم جهزوني غيرو لبسي ومسحو جسمي ونقلوني للسرير المتحرك مرره ثانيه وطبعا ماكنت حاسه بنصفي الي تحت وكان راسي يوجعني مررره

واحس الدنيا تلف وتدور...
نقلوني لغرفه مرررعبه اشين ليالي حياتي قظيتها بهذيك الغرفه الله لايعيدها

الغرفه ظلام بس يحطونك على السرير يطفون اللمبات ويخلون نور خفيف؟؟!!
مافيه تكييف بس مروحه ذيك القديمه الي تلف يمين ويسار تخيلو!!
وكان جنبي ثنتين بس مسكر بيني وبينهم بعيدين شوي ما اقدر اكلمهم..
الغرفه كلها اجهزه واصوات الاجهزه كان السائد بالمكان تعرفون الصوت الي يصدر من الاجهزه الطبيه..
ركبو لي جهاز بايدي للظغط وجهاز باصبعي للنبظ
وحطو بساقي جهز مدري وشو
وركبو لي مغذي كل شوي يحطون فيه ابر...
ولما بدا البنج يخف بغيت اموت من الالم الم شديد...
بديت اتلمس بطني :eek:لاااااااااا وش ذااااااااااااااااا
تخيلو بطني فيه فتحه طالع منها لي!!!
فتحه بعيده طبعا عن جرح العمليه فوق على الجهه اليمنى بين السر والجرح تقريبا بس انه على الجهه اليمنى...
ويالمني بقوه....
ومن تحت قصدره للبول ...
كانفيه ممرضه مساوله عن كل مريضه يعني كل مريضه لها ممرضه خاصه فيها ما تتعداها حاطه كرسي ومقابلتني
قلت لها عطيني شنطتي ..
قالت ما اتكلم عربي!!
ياربيه وش الحل؟
حاولت اطقطق شوي انقليزي وفهمت اخيرا وجابتها.... لما طلعت جوالي بغت تنهبل..
راحت تنادي وحده ثانيه شكلها مساوله في القسم
قالت ممنوع يامدام الجوال ياثر على الاجهزه هذا عنايه مركزه مو لعب:eek:!!!
عنايه؟؟
قلت ابي اكلم امي واسكر على طول
ابي اقول لهم يدعون لي ويجيبون لي زيت مقري فيه
ولا يرسلون لي آيات النزيف بصوت الشيخ ماهر المعيقلي كانت بجوال اختي..
وهي ممتازه لنزيف..
قالت ممنوع مرره ما احليك تكلمين .ز
قلت طيب بقفله واخليه عندي..
طبعا حقدت علي الممرضه المساوله عني...
قلت لها ابموت تقفين عطيني مسكن..
وعيت قالت لو فيه الم ماتبين جوال:(
حسبي الله عليها...قعدت اترجاها.. كني مدمن يبي جرعه الله يكفينا الشرر..
وصارت تعرف عربي بس ماتبي تكلمني عشان كذا تكذب..
قعدت افكر بوظعي واتامل هالغرفه المرعبه... وادعي لنفسي ولمرضى المسلمين؟؟
كنت ابموت من الالم ومن التفكير ابي اعرف وش هالحشوه الي قالو لي وش صار لي..
ووش هالحظ الي حطني عند هالممرظه المجرمه..
شوي واسمع دكتور ودكتوره سعوديين ..
يمرون على المرضى....قاعدين يتكلمون مع الميضه الاوله بالغرفه..
وبعدين جو للي جنبي..
وبعدين جادوري..فرحت مرره
دخلو علي لما طالعو الملف قال الدكتور اوووووووووو هذي هي اليـــــــــــــــــــــــــــ
قاطعته الدكتوره قالت ايه ايه هذي هي:angry2:
قلت في نفسي لااا المساله فيها انا
قعدو يتكلمون مع الممرضه ساعه..بعدين قالو لي وش لونك الحين؟
قلت ابموت من الالم تقفون يادكتور ارحموني قال الدكتور انتي انتي احمدي ربك بس واسكتي
احمدي ربك انك عايشه وانهم ما شالو رحمك.........قلت ليه وش صاير؟
قال دكتورك يعلمك
قلت متى يجي دكتوري قال بكره الصبح؟؟
وراح كانت الدكتوره واقفه تكتب..
قلت لها تكفين دكتوره انا مؤمنه بالله وراضيه بما كتب الله علي علميني وش السالفه تكفين حطي نفسك مكاني
شوفي وظعي وارحميني..
قالت طيب مع انه ممنوع اني اتكلم معك بهالمواضيع لازم دكتورك هو الي يفهمك بس ابقول لك..
بس انتظري اكمل اللفه مع الدكتور وارجع لك, وبخلي الممرضه تعطيك مسكن الحين على بال ما يهدا الالم ارجع لك
قلت ياااصبر ايوب الله يصبرني على ما بلاني....
جت الممرضه تنافخ وعطتني ابره مع مكان المغذي بس من تحت عند الكف ما خلطته مع المغذي>>>الظاهر تبي توجعني زياده:22:ههههههههههههه

جلست تقريبا نصف ساعه كنها 24ساعه مامرت بسهوله.
ورجعت الدكتوره لي مره ثانيه<<<<شكلها راحمتني ومتعاطفه معي
شكرتها وعطيتها كم دعوه من قلبي
قالت شوفي يا اختي انتي كنت حامل بتوام وكان الرحم كبير مرره ومتظخم
وجاك طلق من الساعه 6الصباح كل هذي عوامل خلت الرحم يتعب مرره ويتمزق
وكانفيك مشيمتين كباررمره اكبر من احجام الاجنه عنك نزول شديد بوحده منهم وكانوملتصقين بجدار الرحم
وحده منهم منغرزه غرز بالرحم
اظطرينا نشيلها بجراحه والثانيه حكيناها حك عشان تطلع من رحمك..
وبعدها نزفتي يقوه ومن اماكن كثيره...
نادا الدكتور مجموعه اطباء مناوبين وقررو انهم يشيلون الرحم
بس اولا لازم زوجك يوقع وزوجك مو موجود
ثانياالدكتور مستعجل <<<الظاهر بيفطر هههههههههههههههه
بعدين قررو يحطون لك حشوه تظغط على رحمك زي الجرح لين نزف وظغطتي عليه بشاش يخف النزيف او يوقف صح؟
قلت اي صح
قالت ايه انتي الحين تحت المراقبه
وقاعدين نعطيك ابر مظاد حيوي وابر عن الجلطات وابر توقف النزيف وتقبظ الرحم
وبكره لازم يجي زوجك الصباح الساعه ثمان ويوقع على انه موافق نشيل رحمك وننزلك غرفة العمليات..
ونفك لك الحشوه هناك عشان لو بديتي تنزفين مره ثانيه بنفس القوه
على طول نشيل رحمك.. حفاظا على حياتك:o

يااااللــــــــــــــــــــــــــــــــــــــــــــــــــــــــــــــــــه
وش هالمصيبه
قالت توكلي على الله ومالك غير الدعاء انا ماكان ودي اعلمك بس انتي الله يهديك اصريتي
ابخليها تعطيك منوم نامي وارتاحي انتي رحمك مافيه بيس جرح واحد زي الحريم انتي رحمك كله جروح وخياطه اكيد بيوجعك مرره
قلت كبف المشيمه نازله وماعلموني وانا مراجعه عندهم الف مره ومسويه اشعه ويقولون وظعط طبيعي؟؟
قالت مدري اسالي دكتورك
والله يابنات انها معطيتني منوم واني مانمت من الهم والخوف
خايفه وظايق صدري مرره
ماعندي احد يذكر الله ماعندي غير هالممرضه اصلها اجنبيه كنديه او بريطانيه مدري وشي بس انها تروع فوق همي جابت لي الهم
قعدت افكر في حالي واوسوس اليوم انتي هنا بكره وين بتصيرين ؟
يمكن بثلاجة الموتى هذي آخرتك..
قعدت اتامل هالدنيا كلها والله ماتسوا والانسان اظعف بكثير من انه يتكبر ويتجبر او يظلم
حاولت اطلع جوالي وارسلت رساله لاختي قلت لها ارسلي لي آيات النزيف انا بامس الحاجه ادعو لي ..
طبعا رجلي كان واصل من الساعه 5 بس قالو له انها توها ووروه عياله وراح يفطر
همن رجع وقالو له اني بالعنايه وانه ما يقدر يدخل عي حاليا
ارسلت لي اختي رساله خلي زوجك يمر بيتي ابعطيه اغراض لك راح لبيت اخي الله يسعدها وعطته ما زمزم مقري فيه وزيت زيتون مقري فيه
وعطته جوالها لان حجم الرقيا اكبر من الحجم المسموح به بالوسائط

جا عند غرفتي وقل لهم ابدخل اشوفها عيت عليه الكلبه ومن نجاستها ولعانتها الله ينتقم منها قالت له زوجتك غير مسموح لها بالزياره الا مره وحده باليوم وفيه تو واحد جا وزارها يقول انا زوجها
شوفو الله ينتقم منها وين وصل بها الخبث والنجاسه
قال انا زوجها كيف تقولين انه قال زوجها يمكن اخوها قالت لا يقول زوجها
قال طيب خذي هذي الاغراض ووصليها لها
جابت الاغراض وحطتها بعيد عني ما اقدر اوصل لها ما اقدر اتحرك من الآلام ومن الليات الي معلقه فيني بكل مكان
حاولت فيها تقرب الكيس ..عيت قالت وش تبين انا اجيب لك
قلت لو قلت لها المويه بتقول لي ممنوع عنك الاكل والشرب
لو قلت الجوال بتذبحني..
قلت مالي غير الزيت قلت عطيني الزيت عشان ادهن صدري انا ادهنه يوميا عشان الرضاعه
واخيرا عطتني ايااه
دهنت نفسي بطني وصدري
وقعدت اقرا على نفسي
وادعي الله واستغفرلين غفيت شوي..
تخيلو انكم تكونو عايشين انتظار
تنتظرون وش مصيركم باقي لكم ساعات قلائل
يمكن تكون آخر ساعاتكم بهالدنيا
قعدت افكر بعيالي طلعت الصبح ماودعتهم فكرت بولدي الي عمره 4سنين يحبني وتعلق فيني وش بيسوي من بيربيه
لو صار لي شي
ووشلو بيتلقى الصدمه
دايم يجي يبوسني ويقول احبك ياماما
ولوجيت اطلع من البيت يلحقني ويقول لا تخليني ماعندي ام؟
قلت ياارب تخليني له ولا تحوجه لاي مخلوق
وهالصغار الي ما بعد ذاقو حناني وما ظميتهم على صدري
يااااااااااااااارب دموعي حفرت خدي هذيك الليله:icon33:
معليش بنات اكمل لكم باليل تكفون
شكلاته ساخنه
شكلاته ساخنه
على فكره بتقولون ليه حاطين المروحه الي تدور يمين ويسار
سالتهم قالو عشان انفونزا الخنازير طفينا تكييف العنايه لان الي بالعنايه ماراح يتحملون لو جتهم الانفلونزا
طبعا سالت الممرضه الثانيه بعدين لما تغيرت الشفتات ولا الكلبه الاوله ما اقدر احاكيها
حسبي الله عليها
عيون ولدي...
عيون ولدي...
شكلاته والله عورتي قلبي الله يكون بعونك يارب ويشفيك ياحي ياقيوم

حبيبتي اذا ماعليك كلافه كملي القصه والله اني قاعده ادعي لك بين الاذان والاقامه
7awa al hanan
7awa al hanan
الله حفظج يا قلبي
والله عورتي قلوبنا
الحمدلله على سلامتج يا الغاليه

يارب تهون علينا حمله وتسهل مخرجه
باتشي كراميل
باتشي كراميل
شكلاته وربي اني اقرا ومصدووووووووووووومه مره مدري وش اقول لك الله يكتب لك الاجر

ارجوك كملي لاني قاعده اتراجف من الخوف