حياكم في ملف سياحه

صباح الخير بنات :27:

تصفحت المنتدى وما لقيت احد تكلم في السياحه مع ان الكل يحب السياحه :(

وبما ان بنات المنتدى ما شاء الله من بلدان مختلفه :39:

فكرت ليش ما انسوي ملف كل وحده تكتب فيه اهم العناوين والمرافق في بلدها والبلدان السياحية اللي زارتها واللي تستحق المشاهده والزياره عشان نفيد بعض في حال السفر:16:

انشاء الله يكون فيه تجاوب قوي بنات عشان ماايصير الصيف الياي الا احنا ماشاء الله طب او تخير ( الله يحينا بطاعته)

والحين انا ببدي
استعييييييييييييييييييييييييييييييييييد ارمييييييييييييييييييييييييييييييييييييييييييي
( حشى مدفع الافطار ) :icon28:

انا من دولة الكويت الحبيبة الغالية:

عندنا بالكويت اهم شي المجمعات التجارية ،المطاعم ، عندنا مدن ملاهي ، عندنا جامعات خاصه للراغبين في الدراسه اهني ، وعندنا ارقى المستشفيات والعيادات التخصصية .

ولان ملفنا سياحه انا راح اعدد لكم المجمعات ، المطاعم، ومدن الملاهي اللي تستحق انكم كسياح اتزورونها:

اولا: مدن الملاهي:

المدينه الترفيهيه ( منطقة الدوحه)
حديقة الشعب( منطقة الشعب )
حولي بارك ( منطقة حولي )
كويت مجك ( منطقة الفحيحيل )

ثانيا : المجمعات التجارية :

سوق شرق ( على البحر)
مرينا مول ( على البحر )
الفنار
بلازا السالمية
جالريا 2000
ليلى جالري ( متخصص تقريبا في بدل السهره)
الراية ( الماركات العالمية)
الصالحيه(الماركات العالمية)
بلازا حولي
مجمع العثمان
مجمع الكوت (الفحيحيل)

ثالثا المطاعم:

المطاعم في الكويت اكثر من الناس والكافيهات كذلك في كل مجمع من المجمعات المذكوره سابقا راح تلقون كم هائل من المطاعم والكفيهات بالاضافه الى ان كل اوتيل فيه مجموعة مطاعم وكافيهات الايطالي والعربي والفرنسي وانتو ماشين .

رابعا :اماكن مميزة:

عندنا مجموعة من المنتزهات البحرية الجميله اللي تقدرون تأجرون فيها شاليهات وتستمتعون بالبحر وبوسائل الترفيه في المنتزه من اشهرها

منتزه الخيران
هيلتون
كمنسكي

في اماكن بعد وايد راح تعجب اليهال وهي:
الاكويريم
القهوه الشعبيه
السينمات المنتشره في جميع المجمعات

بنات احلى جو عندنا في شهر فبراير لانه بارد ولان فيه احتفالات العيد الوطني المسيرات والوناسه :3_10_6: ومهرجان هلا فبراير يعني لا ايفوتكم :love:

اتمنى من الجميع المشاركه ولي عوده انشاء الله مع دول اخرى :icon35: