يا صباح الورد
لأحلى الورود في الدنيا حتى وإن كانت ذابله :29:
ندخل الموضوع من غير لا إحم ولا دستور
كلامي اللي رح أقوله .. كلام للورود اللي ماهي حاسه في نفسها
أو ماهي قادره تحس إن لها قيمه في الدنيا .. تكتفي بالمعاناه .. فقط :44:
للحلوه اللي ماهي لاقيه وقت لنفسها
ماهي قادره تعيش حياتها ..
تحصر نفسها في المشاكل والهموم .. وتنسى إنها إنسانه رائعه
وممكن جداً تكون قادره على تغيير اللون الأسود اللي في حياتها
إلى قوس قزح يلون كل زواياها .. وكل حياتها ..
كلامي أخصّ به ..
اللي فاتها قطار الزواج .. وتنتظر الزوج الصالح ..
اللي متزوجه .. لكن زوجها هو مصدر تعاستها بدلاً من أن يكون مصدر
السعاده والفرح ..
المطلقه .. الأرمله .. اللي تعيش في دائره مغلقه .. يحاصرها الناس بنظراتهم
اللي تواجه بعض المشاكل .. في حياتها بأي شكل .. ولأي سبب
أقول لكم تعالوا أبغاكم في موضوع خاص ..
والباقيات ..
الله لا يهينكم .. شوفوا لكم موضوع ثاني
وخيرها بغيرها ..
لالالالالا تصدقون .. ترى مانستغني عنكم .. وعن وجودكم .. وآراءكم ..
إجتماع مغلق للستااااااات دونن عن الرقققااااااااااااااااله ..
:30:
تعالوا حبيباتي عندي لكم شوية كلام ..
ماني لاقيه أحد يسمعني .. على شان كذا قلت مالي إلا حبيباتي في المنتدى
أتكلم واخذ راحتي ولا يقدر أحد يقاطعني .. ياسلاااااااااااااااااااااااااااام
:22:
ما عليش استحملوني شوي ..
أحب أقول للغاليه اللي تعبت من المشاكل في حياتها .. :06:
لا تحصرين نفسك في المشاكل والهموم والزوايا المظلمه وتغمضين عيونك
عن الأشياء الحلوه فيك .. فكّري في مشاكلك .. بس لا تخلّين الحزن يسيطر عليك
دوّري على الأشياء اللي تحسسك بقيمتك
وتثبتين بها لنفسك – قبل غيرك - إنك مبدعه ..
وقادره على العطاء .. مارسي هوايتك المفضله .. إرسمي مثلاً إذا كنتي
تحبين الرسم .. إقرئي الكتب وعلى رأسها القرآن وأحاديث الرسول صلى
الله عليه وسلم .. أكتبي كل اللي في خاطرك على ورقه – نوع من الشكوى
إذا مالقيتي أحد يسمع لك .. وعلى فكره هذي طريقه حلوه مررررررررررره
لأنك وانتي تكتبين يمكن تلقين حلول ومخارج لمشكلتك يعني بدل ما تحسّين
في المشكله تشوفينها بعيونك على الورق بكل زواياها ..
- حسسي نفسك إنك كائن منفصل بذاته .. يقدر يلقى سعادته في أي شي في
هذي الدنيا في حدود الدين طبعاً .. يعني إذا اللي حولك ماكانوا مصدر سعادتك
دوّري عليها بنفسك .. نمّي قدراتك ومواهبك .. في كل المجالات ..
بتكتشفين إنك مبدعه ..
- إستفيدي من معاناتك في الحياه بأي شكل تقدرين عليه .. يعني مثلاً إذا
كانت عندك هواية الكتابه .. شعر أو نثر .. رح تبدعين فيها .. لأن المعاناه
تعطي طاقه أكثر .. ودافع أقوى للإبداع ..
- دللي نفسك .. وأعطيها حقها .. حسسيها بقيمتها .. لاتحرمين نفسك
من أوقات تسترخين فيها وتغمضين عيونك عن كل الهموم اللي حولك
وجرّبي إنك ترددين بصوت مسموع بعض الكلمات المتفائله – والله
ما ندري وش آخرتها مع علماء النفس وأطباءهم – المهم رددي
أنا إنسانه ناجحه .. أنا متفائله .. أنا أقدر أسعد نفسي ولا أستسلم
للضغوط وأحل مشاكلي .. أنا اليوم لن أستسلم للحزن والقلق .. أو البكا ..
لأن العقل الباطن بيحتفظ بهذي المعلومات وتتصرفين على أساسها
لا شعورياً <= ملطوشه من مكان مّا .. بس مكان زين
- إذا ماقدرتي تسعدين نفسك بطريقه مباشره .. فيه طرق غير مباشره
تحسّين فيها بالسعاده يعني .. إنشغلي بإسعاد الآخرين .. حاولي المساعده
باللي تقدرين عليه .. تعاطفي مع الناس .. أحسني للفقراء ..
تواصلي مع جيرانك وأقاربك ساعدي المحتاجين منهم وانتي تحتسبين
الأجر والثواب .. حاولي يكون لك دور في أي مجال خيري ..
يعني على حسب قدراتك المتوفره ..
سواء ماديه أو فكريه أو فنيه ..
المهم يالغاليات .. طوّلتها وهي قصيره
أتمنى إني كتبت كلام نستفيد منه كلنا .. يعني ماهو كلام نظري بس ..
وأتمنى إن كل واحده فينا .. تحاول تغيّر حياتها للأفضل .. وللأفضل فقط ..
ولا تنتظر أحد يغيرها للأفضل
ولا تسمح لأحد يغيرها للأسوء ..
:27:
وفقني الله وإياكم لمحبته ورضاه
...
وان شاء الله الكل بستفيد منه وبطبقه ، يعني مو بس كلام نظري على قولتك...........
جزاك الله خيرا.