خادمتنا ,,,,وصيام رجب ,,والبدع

السلام عليكم ورحمة الله وبركاته
كيف حالكم حبيباتي
اتمنى تفيدوني بفتاوى او مواقع تفيدني بتوعية خادمتنا عن صيام شهر رجب
هي تصومه من اوله لآخره وتقول واجب وعندهم انه شهر مثل شهر رمضان

والمشكله انها من بيت دين يعني ابوها شيخ القريه واخوانها بعد اللي يدرس قرآن واللي يدرس توحيد
وكثير من اعمالهم بدع وبدع متعبه ومكلفه بعد الله يعينهم يتعبون على غير سنع

وانا ابيكم تعاونوني اني افهمها ان هاللي يسوونه خطأ,,

والحلو فيها انها عادتنا يالسعوديين شيوخ تخيلو تقول انتم مثل الصحابه تقصد السعوديين كلهم

يعني اي كلمه اقولها لها تسجلها بدفتر وتقتنع فيها بس تقول لي وش الدليل عطيني دليل او حديث
بس والله تعبت وانا ماعندي علم
يعني بالعربي ,, لست اهلا لأسئلتها يبي لها شيخ تقابله وبما ن اهذا مستحيل

ابيكم انتم تساعدوني وتعطوني مواقع خاليه من البدع والخرافات ((لاني دخلت وبحثت وصورت لها مذكرات بس يوم اطلعوا عليها اللي افهم مني قالو انتبهي اغلب اللي فيهم بدع او كلام الروافض ))

عشان اطلع لها اجوبه على تساؤلاتها واطبعها على ورق واعطيها تقرا وتعلم اهلها

وترى والله اي كلمه راح تكتبونها هنا او علم تعطوني اياه او صله لها راح يوصل لاهلها وينتشر بديرتها والاجر بإذن الله لكم ,,

ها حبيباتي خواتي اتمنى تتفاعلون معي والله يكتب لنا ولكم الاجر