ياغلا من عاش وياكم...... عشتوا في قلبه ولادونه
مايتحمل يوم ينساكم.......... ولايفكر يوم تنسونه
الحياة والروح تفداكم.. وكل مافي الكون تسوونه
وسط نبضه صار يرعاكم.. وانتوا عن دنياه تكفونه
منوووووورين
وربي مشتاقه لكم .. مرة
صراحه فقدتكم .. وخاصه بنوتات الواحه .. والموشريفات اموله وذيكو والمشغوله وام الروائع
بس ان شاء الله ماراح انقطع مره ثانيه
.....
ما احب اطول عليكم
قريت عن المسابقه اللي بصراحه مره اعجبتني
فحبيت احط هالقصه
اللي كنت كاتبتها من زمان فقلت بما انها جاهزه ليش ما انزلها واجرب حضي
واشوف بنات الواحه يعجبهم نسج خيالي او لا
----------------------
بدات القصه في يوم السبت - ولايزال - من أطول أيام الأسبوع ... - في الساعة الواحده والنصف ظهرا
كان ذلك السبت قائظاً وكأن الشمس قد اقتربت ذراعاً من الأرض...حتى باتت عصافيرنا الشهباء تطلق أصواتاً أشبه ماتكون بقطاوةٍ مضروبه بشبشب .
كنّا قد عدنا للتو من الكليه..وأكلنا غداءنا..وخششنا حمراء قانية من آثار الجح...
تناولت دنّانتي وخرجت في فناء حوشنا الأشهب...ذا البلاط الذي لازلت أتساءل كيف قصّ علينا المقاول وأقنعنا باختياره إلى الآن...وبينما أنا أتمشى بالحوش الاشهب..
ورأسي يفوح كإبريق شاي مخدّر ينتظر الصبّ...إذا بصوت التلفون يدق و يحرّك طبلة أذني..ركضت للرد على التلفون لاحبّاً في الفضول...بل خوفاً من نعلةٍ تأتي مسفوفةً من نافذة غرفت امي
دخلت الصاله وانا لا املك من حطام الارض الا بجامه كمها اليسار مشقوق
رفعت التلفون الذي لم يتبقى فيه الازرين..
انا :- الوو
هي :- مرحبا
انا :- مرحبتين
هي :- امتس موجوده
انا :- موجوده . بس من اقول لها ؟
هي :- ام عبد العزيز
طااااااااااااااااااااخ
(( اميمتي العزيزه ظربت دماغي بنعله ))
امي بصوت منخفض تقول لي – يامدمغه كم مرتن قايله لتس لا تقولين لام عزيز اني موجوده –
وانا لازلت احاول ايقاف راسي من الاهتزاز الذي كاد ان يطير مخي منه
امي :- جيبي التلفون لابارك الله فيتس
انا :- يمه لاتدعين علي انا بنتتس حبيبتتس اللي تطيعتس وتسمع كلامتس ولاعمرها رفعت صوتها عليتس
امي :- انقلعي الحين لا اجيتس بتلفون على راستس اطلع مختس ونطبخه عشا اليوم
((( اميمتي ارهابيه وانا مدري ))
امي :- الو
ام عزيز:-هلا والله
امي :- هلا بام عزيزان لايكون تاخرت عليك
ام عزيز:-ايه و لله >> ماتعرف للذرابه
__________________________
جلست اميمتي تسولف مع ام عزيز
فذهبت انا لاتفقد احوال الرعيه الموجوده في المنزل
دخلت غرفه اختي نوير المراهقه
ونظرت الى حائط غرفتها الذي جلست حائره من اجله افكر من كم سنه لم يصبغه الوالد ؟
ونظرت الى تلك الخزانه التي امتلاءت صور مغنيات وصور ممثلات
فقلت في نفسي هذه الصور محرمه فبدات بتقطيعها واحده واحده
ثم نظرت الى ذلك الشباك الذي لم يمسح من سنه او اكثر
فقلت لماذا لا افتح هذا الشباك الذي ما احد فتحه من ان وضعناه
وما ان فتحته الا وعنكبوت بحجم كف يدي يستقبلني
..فجريت خارجه من الغرفه وداخله غرفه اخوي الصغير ابو 17سنه
فنظرت الى كرتون صغير سارعت لفتحه اذا به بلايستيشن جديد ومعاه عشرين
الف شريط ... خذيت منه اشرطه مغامرات من ظمنها ( كروك 2) و( كراش 4)
ذهبت الى شنطته وفتحتها فوجدت المقلمه سارعت لفتحها حبا للفضول
فوجدت قلم واحد ازرق وجاف وقلم رصاص طوله 2 سم
فقلت لنفسي ياملحك ياخوي تعال شف مقلمتي ام الـ 27 قلم
وفتحت كتاب التوحيد اذا به ممزق ولا يوجد له جلاد
فتحت اول درس الا ومكتوب في (( ماكل مايدرسه المرؤ يفهمه .. تاتي الامتحانات بما لاتحتوي الكتب ))
اخرجت دفتر الرياضيات وفتحته اذا به نظيف كيوم ولدته امه
طبعا هذا ايام الدراسه وعند قدوم الامتحانات يصور دفتر طالب شاطر ويذاكر منه
ثم نظرت الى ورقه داخل الشنطه وفتحتها اذا مرسوم داخلها صوره
واحد اسنانه كاسنان ( سعيدان) ومكتوب فوقه استاذ وليد
خرجت من غرفه اخوي ودخلت الى غرفه اخوي اللي اكبر منه ابو 22 سنه
وهذا اخوي نسميه روبرت هوك لانه يحب الدراسه
مره بس مشكلته وصخ ومطينجلست في غرفته الا وكلها قراطيس مطعم (( الاخ مايحب اكل البيت ))
شفت له دفتر اخذته وجلس على سريره بس احس بشئ
احس ان السرير يرتفع من جهه وينخفض في الاخرى
رفعت السرير اذا بكيسه فتحتها فوجدت ؟؟؟ وجدت ؟؟؟؟
دخـــــــــــــان ( ياحليلك تتن وانا مدري
) اخذتالعلب وحده وحده افتحها واكبها بالزباله
لاكن لاحظت شئ مكتوب على العلب (( ملاحظه )) الدخان يؤدي الىسرطان وامراض القلب والشرايين بصراحه استغربت منهم كيف يعرفون اظراره ويبيعونه ؟
وعندما انتهيت بدات بالدعس على الزقاير وهو بالكيس حتى صار الزقاير تراب
(( هذي الحركه كنت استعملها قبل عشر سنوات لاكن مع الصراصير
))خرجت من غرفه اخي ذاهبه لغرفته الوالد لاخبره ان اخي يدخن
دخلت للغرفه الا والوالد غيرموجود فقلت هذي فرصتك يا ارنوبه
قمت بفتح الدرج فوجدت صوره اسود وابيض لابي هو والوالده
ومكتوب خلفها بخط يفشل (( هذه الصوره عام 1396)) اخذتها لا حتفظ بها
ثم انتهت غرف اهلي ذهبت لغرفه الخدامه فرفعت سريرها (( المعتاد ان الخدامه تظع
جرائمها تحت السرير)) فلم اجد شئ سوى انها قد سرقت جميع مجلاتي التي كنت اتهم اختي بسرقتها طبعا جمعت كل المجلات واخذتها وقبل خروجي وجدت طرف
دفتر طالع من شنطتها سحبته وطلعت فيه لغرفتي عشان ابصص في خرابيطها
دخل غرفتي المغبره اللي ولاعمري فكرت ان انظفها او امسح خزاينها
وعندما اقتربت من السرير الا وفيضانات تخرج من السرير
فرفعت البطانيه الا واختي ام 9 سنوات نايمه وسعابيلها تقوطر
لو اخذ هالسعابيل واجمعها كان فتحت شركه للصمغ تنافس شركات السودان
او صبغت بيوت الحاره فيه
قلت خليها نايمه اتفاهم معها اذا جلست
ذهبت وجلست على كرسي غرفتي اللي تخبرونه اللي مكسوره رجل من رجوله
وحاطه بدالها رجل مكنسه
جلست عليه وفتحت دفتر الخدامه الا وقد امتلا بالصور
1-صوره عيالها وهم لابسن بنطلون المدرسه بس ماشوف اشباه
ماشالله لونهم موحد
2-صوره اختها وهي بعرسها لابسه فستان بيج وحاطه على راسها مزرعه
فيها كل انواع الخضره
طووووووووخ طووووووووخ طوووووووووووخ طووووووووووووخ
(( جيش دخلو لغرفتي ( العائله الكريمه ) تعالي تعالي ياارنوبه ))
لن اذكر ماحصل لي بعد تكفيخ اخواني ومعهم امي لـ العفيسه الي سويتها بغرفهم
لاكن كان شكل اخوي الصغير تذا :-
والكبير :-
واختي نوير:-
واميمتي :-
اما انا قبل عمليه التجميل :-
وبعد التجميل :-
مايستفـــــــــــــــاد من الموضوع :-
1-سمعت عن المسابقه وحبيت اشارك فيها
2-اهم حاجه اذا مليتي من القعده سوي نفس اللي سويته
3-استمتعي بالحوسه وبعدها ستستمتعين بالتكفيخ
ملاحضــــــــــــــة :-
لست مسؤله عن أي اضرار تحدث بسبب هذا الموضوع هع هع
طحيااطي ::: ارنووبه
ههههههههههههههههههههه
ان شاء الله تفوزييييييييييييييييييين