السلام عليكم ورحمة الله
بدون مقدمات
بشرتي مختلطه وانواع الزيوت>>>بشري امك فرحانه
المهم كتبت موضوع عن الدهون والمسامات
بس اكتشفت اشياء افضل في خلال هالفتره وهذا رابط الموضوع
http://forum.hawaaworld.com/showthread.php?t=2366027
بس الاشياء اللي ذكرتها بموضوعي مثل الطماط والطين المغربي جدا رائعه ولي زياده عليها
مثلا بعض البنات ماناسبها الطماط
انا بذكر لكم شي روووووعه للدهون والمسامات
مو رووووعه والله خيااااال وعن تجربتي
بس ماحبيت اذكرها بسرعه الا بعد التجربه
طبعا انا كل فتره اسوي الطين المغربي
والطماط والنتيجه حلووووه بس مشوااار وانا عجازه
جتني فكره قلت ليش مااستخدم الزنجبيل
وهو معرووووف للدهون
بس طريقتي غيررررر
اجيب علبه حقت تونيك فاضيه واغسلها زين وانشفها احط ملعقة زنجبيل مطحون جوتها اوكي وبعدها اصب موية صحه لاتعبون العلبه كامله خلوها للنص
ورجيها واحفظوها بالثلاجه
وحطي منها مرتين باليوم بالقطنه بيطلع لك بودرة الزنجبيل ادعكي فيها المناطق اللي فيها دهون مثل الانف الجبهه
وبعد كذا صبي مره ثانيه>>> ياليت فهمتوني تراي متحمسه
واذا صبيتي اقلبي القطنه وهنا خذي موية الزنجبيل فهمتوووووو؟؟
يعني اول شي حطي بالقطنه وسوي دعك بحبيبات الزنجبيل اللي بتطلع
بعدين جيبي قطنه ثانيه وحطي مره ثانيه بس خذي هالمره موية الزنجبيل اقلبي القطنه وافركي فيها بحيث ان موية الزنجبيل تكون على البشره وخليها شوي لحد تنشف
وشوفي بعدها النتايج دهون وزيت في البشره رااااح تختفي بتصير مااااضي
حتى على الحبوب راح تنشف من ثاني يوم والله اني صادقه ولا ابالغ
حتى الانف بيصغررررر كثيرررر لن الزنجبيل شفط الدهون اللي فيه
وهالتونيك كل اربع ايام غيريه
وحاجه ثانيه برضو فيه قناع لنضارة الوجه وتنظيم افراز الدهون صارفه لي دكتور سعد الدين بمستشفى الحبيب
من شركة بااااابي
مكتوب عليه
ماسك منظف ومنظم لافرازات البشره
سعره 85 ريال
برضوووو رووووووعه يعطي نضاره لللوجه ويفتحه
طريقته تاخذين منه وتدلكين وجهك باطراف الاصابع لازم تدليك خفيف اوكي
وتخلينه 25 دقيق الى 30 دقيقه وتسوينه 3 الى مرتين بالاسبوع على حسب حاجة بشرتك
يغنيك عن تنظيف البخار
يشيل الترسبات اللي تعلق بالبشره والدهون الزايده وينظمها ويعطي نضاره
وسلامتكم اتمنى الكل يرفع الموضوع علشان الفايده تعم
دعواتكم لي بالتوفيق والرزق
قمر الرياض # @kmr_alryad_4
محررة برونزية
خاص للبشره الدهنيه والمختلطه وحب شباب وتصغير الانف اختصااار لشي جربته وفادني
302
74K
يلزم عليك تسجيل الدخول أولًا لكتابة تعليق.
الصفحة الأخيرة
يعطيك الف عافية
سبحان الله وبحمدة سبحان الله العظيم